شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس الخواطر والمحاولات (https://www.qahtaan.com/vb/forumdisplay.php?f=45)
-   -   صباح الخير (( اتركم مع رساله وملزوومه )) بالصوووت (https://www.qahtaan.com/vb/showthread.php?t=24292)

منيف ال روق 14-04-2007 06:15 AM

صباح الخير (( اتركم مع رساله وملزوومه )) بالصوووت
 
[I][center]



[poem=font="Simplified Arabic,5,blue,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
في ذكر الله بديت اكتب..قصيـده تشبه استجواب=وانا شاعر إلا منّي بغيت اكتب ؟ اسوويـها..!!!
اسويها كذا ومحسب حساب اللي يجي بعتاب=ولو فيها يجي موتي...؟ هلابه كـل مافيها..!!
هلا يامرحبا بهذي الرساله وصاحب الاعجاب=معزه صادقه جتني وانا ملزوم اوفيها
زمنا يالخوي فاقد وفا اصحابـنا الاحباب=ومثلك صاحب يمطر مراجل وسط اراضيها
مدامك جيتني تسأل عن اوجاعي وعن الاسباب=ابي منك كذا حاجه قبل ما اوجاعي ابديها
ابيك تكون رجال ليا من ضاق ضاق وطاب=رجل لازادت جروحك عن العالم تخبيها
ابي بعز الحـزن تفـرح وتفتــح للأمل ابواب=رجل لامالت الدنيا على صدرك تساويها
ترى بعض البشر تجفي الحزين وتطعن المنصاب=ابي ماتشكي احزانك لغير الله واليها
انا ياصاحبي كاتب من احزان الزمان اكتاب=ولكني رفضت انشر همومي ولا اشكيها
اخاف انشر وجع قلبي واوضح موقع الاعراب..؟!!=يجيني يفتخر صاحب وجع رووحي ومشقيها
إذا هي تهمتي إني رجل غامض..؟!! فلا ترتاب=بوضح لك بعض اشيا وبـعض اشيا بخفيها
انا من قسوة جروحي قوى باسي وقلبي ذاب =وفيني تلعب الدنيا بقسوه بين اياديها
عشقت انسانه لالاعفواًَ اسد لكن بدون انياب!!=رقـيقه مذهله صعـبه مريـضه وجيت اداويـها
قسم بالله ماشفت بحياتي مثلها اهداب..!!=عليها عين..!! من تغمز اجي وبروحي افديها
صنعت من الغلا قلبي لها ستر وغطا وحجاب=ابي قلبي عن العالم يغطيها ويحمـيها
انا مجنون من قبل الغرام وقبل لا انصاب =ثقيل وعاقل اجنوني قبل معشق مواريها
شسوي جتني مجنونه على جنوني تطـق الباب=تطق الباب لكني فتـحت ابـــواب اللبيها
إذا قيس الملوح ذاب في ليلى وقلبه تاب.؟!!=انا ماتوب من حب بنت وحب اهاليها
معاها كانت الدنيا سما زرقا ورضااا واسراب=كثر ماحبها وربي على نفسي ابديها
احـس بصوتها تجمع تغاريد ودفى واحباب=واحس الدنيا تحضني بغلاها يوم احاكيها
ادلعها وابكيها واراضيهااااا وانا مرتاب=اخاف اني ابكيـــها ولا اقدر اراضيها
اسهرها وانومهاواصحيهاا برضا واعتاب=اطمنها بغلا وارجع اجننها وابكيها
اريحها وانا شاعر رومانسي وبالغلا غلاب=وإذا ارتاحت انومها على صوووتي واغطيها
احاول كثر ما أقدر اداريها واجي منساب=وإذا ضاقت..؟ اجي طاير عليها لجل اسليها
غيور وغيرتي غيرة بدو حتى من الاقراب=لو بكيفي..؟!! قسم اني هنا بصدري لخبيها
ظروفي وقفت ضدي ودارت دورة الدولاب=جرحني الوقت ورجعني على اياام ناسيها
تصور عاد موقعها بعد هذا من الاعراب =تخيـل بنت بالزحمه افلتت كفك من ايديها
انا ما قلت لك خانت ولا صرّحت ياطلاب=ونيران الحشى ارض يجي شخص ويداريها
ترى لو ترتفع ناري اقابلها فبرود اعصاب=وإذا حطيتها براسي؟! اعرف اشلون اطفّيها..!!
تمادت لين ماشابت احاسيسي وقلبــي شاب=ولين اليوم اجي وادعي عسى ربي يخليها
صدمتك ادري واسمعني ولا اتطالعني باستغراب=رغم تجريحها إلـقلبي مسامحها...!!ومابـيهاا
انا لي قلب مايحقـد ولايحسد ولا يغـتــاب=لإن الناس من تخطي لها رب يجازيييهاا
ولا اندم على البايع ولا احزن على اللعاب=وناس ماتقدرني اطنشها واجافيهااا
ولا اضحك مع الجاهل ولا امشي مع الكذاب=وناس ماتشرفني ... ولا ارضى اماشيهاا
احب المرجله واتعب على خوة رجال اشناب=وإذا للمرجله راعي..؟!! انا ياخوك راعيهااا
اوجب من يوجبني واحب اجلس مع الشيّاب=واحب اسمع تجاربهم من اولها لتاليهااا
لإنهم مدرسة.. فعـل وقوول. ومدرسة اطياب=وانا تلميذ واتعلم من الدنيا وبلاويهااااا
هلا يامرحبا بهذي الرساله وصاحب الاعجاب=معزه صادقه جتني وانا ملزووووم اواااافيهااااا
عطيتك صفحه من عمري مدام ان الحياة اكتاب=بعد اذنك ابفتحها وابرجع تالي اطويهاااااا
انا شامخ قبل يطغى الزمان وتنكسر ارقااااب=تبيني انكسر بعد الجروح وبعد ماضيهاااا ..!؟؟[/poem]

معيض بن صميع 14-04-2007 12:15 PM

رد : صباح الخير (( اتركم مع رساله وملزوومه )) بالصوووت
 
.


أخوي الشاعر : منيف ال روق



ياهلا والله وغلا



صح لسانك يالقرم ولاهنت ..



قصيدة جميلة بجمال حضورك ..



وننتظر منك الجديد ..



تقبل التحية والتقدير ..

سعد القحطاني 14-04-2007 08:48 PM

رد : صباح الخير (( اتركم مع رساله وملزوومه )) بالصوووت
 
الاخ الشاعر منيف آل روق

حياك الله وصح لسانك مدد

جزل ومبدع والله يوفقنا جميع

دمت ودام ابداعك يامبدع

اخوك ،،،

.


الساعة الآن 05:35 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود