كمرات مراقبه سير في دبي
 

بسم الله الرحمن الرحيم

الرخصة والاستمارة واصفط على جنب

رح اركب الباص وانتظر كم ساعة ويمكن يوم ويمكن شهر :) لين يمتلي الباص عشان نوديكم الحجز

الرخصه والاستمارة واصفط على جنب

لا اصبر لا تصفط ياولد عمي وش يقرب لك فلان ولد خالة جد أمي من الرضاعة :):030104_em

خلاص امسك الرخصة والاستمارة وتفضل

=========
الي فوق هو سيناريو بسيط لنظام المرور عندنا طبعا سلم لي على التوعية العلمية بالمرور وأنظمته

ماتدري عنه الا اذا مسكوك يعني السرعة ومخالفاتها ماتدري عن العقوبات الا اذا انمسك واحد من اخوياك وخاس في

الحجز وين التوعية العلمية وين التوجيه

================
عموما الموضوع عن مرور دبي

كان عندهم وأظنه مايزال توعية بأضرار مخالفات الانظمة

وكان المرور في نهاية نشرة الاخبار يعرض مقاطع فيديو لمخالفات وحوادث بأسلوب ممتاز

واستفادوا من الكاميرات في الشوارع مو بس في رصد المخالفات ولكن في التوعية

وجابوا قصص لناس فقدوا عزيز أو أخ أو عائلة بسبب السرعة أو التهور

وهذا ملف فيديو عينة من المقاطع الي يجيبونها في نشرة الاخبار

أتمنى من مرورنا الموقر أنه يستفيد منهم مو جيدين بس في تجميع المخالفات

كمرا مراقبه سير روعه في دوله الامارات ولكم المقطع (( منقول للامانة )) روعه

شـــــــــارك برائيك ((مقطع سير لسيارات دبي))

رد : كمرات مراقبه سير في دبي
 

ابوريان انتبه من المرور السري

فعلا هذا اللي حاصل عندنا

أما مقطع الفديو صراحه فيه عبره لجيع مستخدمي الطريق

الله لايهينك يابوريان على المواضيع الجديده والمميزه لاعدمناك

تقبل تحياتي وتقديري

رد : كمرات مراقبه سير في دبي
 

لاهنت يا بوريان

وللأسف نظام المرور عندنا فااااااشل :(

رد : كمرات مراقبه سير في دبي
 

ولله الحمد

من يوم سقت كانت معي هايلكس 87 وبعتها ثم شريت أكسنت وجلسة معي فتره ثم شريت مرسدس 88 جلست معي فتره

ثم بعتها واليوم معي ددسن كملت معي حول ال6 أشهر

ولا قد جتني قسيمه

أتحدى أني قد قطعت 25 % من أشارات الرياض

ويومياً لازم أتعدى السرعه النضاميه


لاكن يا أخواني عليكم بالقبيله والكلام الطيب

عضو عليها بالنواذج

ووالله أني قد عودت من باب الباص أكثر من مره بالقبيله والكلام الطيب


أبو ريان

الله يوفقك ويحفضك

قد قلت لك من قبل أختياراتك في المواضيع تعجبنا

الله يوفقك ويكثر من أمثالك

رد : كمرات مراقبه سير في دبي
 

أبو ريان

ألف تحية شكر وتقدير

التوعية,,,التوعية....التوعية

رد : كمرات مراقبه سير في دبي
 

مانقدر نقول شيء


بس بأمانه تلقى المرور عندنا يا أوكيه نظام حلو وزناس واعيه وسيارات سريه وكاميرات


يا ناس أغبياء ومايعرف يتعامل مع الناس بإسلوب وتوعيه رائعه


واللي يشوف حجز المرور والله العظيم شيء مقرب


لاهنت يابو ريان على طرحك وعلى المقطع والحقيقه عقليتك رائعة واسلوبك متميز


وانت مكسب لنا في هذا المجلس وفي النهايه مانقول غير مالك الا خشمك ولو كان عوج

رد : كمرات مراقبه سير في دبي
 

تحياتي لكم من الاعماق على مروركم يالغالين والف شكر

رد : كمرات مراقبه سير في دبي
 

هلا والله وغلا أبو ريان

موضوع مهم جدا

المرور عندا الله يخلف وين حنا وين اهل دبي

المهم عندنا القسيمة وبس

لكن التوعية والتعامل باحترام مافيه

تحياتي لك