غابت الشمس
 

[frame="7 80"]غابت الشمس[/frame]

يكـفي الحــــــزن ياخـــــذني .. وانـا بــــــأوله

مـثـل ماياخـــذ النـسـيان .. بعـض الجــــروح

يــــوم جـــاني .. وفـــيـني حـــايـرات أســئـله

وفـيني الروح حـزن .. وفـيني الحـزن .. روح

قـلـت مـرحـــــب .. ومـــال الغـــــايب الا هــله

مـرحــــباً .. بالــذي عــني يخـــاف النــــزوح

مــن عـــــرفـته ودايــــــم مـنــــزلي مـنــــزله

كـل ماقـلـت قــــربت .. روحـــــتـه ماتــــروح

ماقـــصـر الــوقـــت في عـــيـني ومااطـــــوله

كـني ارقـــص عـلى نــار .. لهـبـها جــــمـوح

واتحـــــرى مـجي الغـــــــيـمه .. المـقــــــبـله

عـلها مـن بعــد صمــت الصحــاري تـبـــــوح

واثـرني غــــصن يـرجي .. ســــدرة تحــــمله

ماتـت السـدرة العــطشى .. ومــات الطـمــوح

ويلـــها هالســنـيـن اللي عـــــطـشها ولــــــه

كـل ماقـــلت فـــوحي بالعــــطر .. ماتفـــــوح

مـرحــله جــت .. وجــت مـن بعــدها مرحــله

وكل مــن يطـلـب الحـــضـوه يسـمى لحـــوح

غابـت الشـمس .. والبـاقي عجــزت اوصـــله

كـن بـيـني وبـيـنـك ليـلـتـيـن .. وجــــــــروح



عبد الله حمير القحطاني

شبل قحطان

ارحب تراحيب المطر

لاهنت اخوي على هذه القصيد ة الجميله

قصيده رائعه ومشكور اخوي الشبل على اختيارك المميز

تقبل تحيات اخوك

صح لساااان الشاااعر / عبد الله بن حمير القحطاني

وسلمت يمينك ياشبل قحطان

قصيدة رااائعة لشاعرنا المميز

لا عدمتك ولا تخلينا من مثل هالقصايد

اخوك
السيف النادر

صح السان (عبدالله ) ولا هنت يا شبل قحطان وبيض الله وجهك

لاهنتو على المرور ولاتحرمونا من طلاتكم الزينه