وافطن .. ترى زول الرجاجيل توَاه........ كم واحدٍ يعجبك زوله .. وهو دون
 

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلٍ يعوَد لاصل جده ومرباه = راعي الشرف يشرف .. والانذال يهبون

الفرع من عوده شرابه ومسقاه = والحنظلة مرة ولو تشرب مزون

الطيب كايد .. والمناعير تقواه = والهون هيُن .. تندع النفس وتهون

ناسٍ على كسب المراجل مضرَاه = وناسٍ على كسب الفشيلة يضرَون

هذا على وضح النقا كل ممشاه = وهذا إذا شافوه ربعه .. يصدون

لا تامن الخوَان لو زخرف حكاه = من خان بك مره .. يبي باكر يخون

وافطن .. ترى زول الرجاجيل توَاه = كم واحدٍ يعجبك زوله .. وهو دون

يا طيَب الشارات من يوم منشاه = احذر عدوَك .. لا يغدْرك على هون

ترى عدوَك غايته فيك .. ومناه = يزرع بصدرك من قنا رمحه .. طعون

واللي رضع لبوة عدوك توقاه = الجرو ولد اللبوة اللي تعرفون .. !

للطير يا الصقار بالريش مغواه = الجاهل اللي باكثر الريش مفتون

للحرْ والشبوط ماكر ومجناه = والفرق بالافعال لو هم يطيرون[/poem]

السيف النادر

لاهنت يا كحيلان على هذه القصيد ه الرائعه

وبيض الله وجهك مشكور اخوي السيف

على اختيارك الرائع حقيقه قصيده قويه

وجميله 0

تقبل تحيات اخوك

هاااوي نجد

مشكور على المرور

القصيدة جميلة والأجمل مرورك


اخوك
السيف النادر

لا هنت يالسيف النادر وبيض الله وجهك

لا هنت يالسيف النادر وبيض الله وجهك على الاختيار الزين

المعمري

ولا أنت

ووجهك ابيض

ومشكور على المرور والمشاااركة

تقبل تحياات
اخوك
السيف النادر

ولا أنت يالشبل

ووجهك أبيض


سرني مرورك ومشاركتك

تقبل تحياات
اخوك
السيف النادر