ودّي بك وابيك واباك وابغاك لشاعر المليون ابن فطيس
 

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ودّي بـك وابيـك وابـاك وابغـاك=جمّعتهـا لرضـاك واختـار فيهـا

شف ويش منها يتبع احكاك ورضاك=واللي لك اسقي مسمعك لا ضميهـا

غديت افر احكاي واسايـر احكـاك=وانـا تشّـرف لكنتـي واهتويـهـا

مضمونها ودي بشوفتـك واهـواك=ياللي دروب اهل الردى ما تجيهـا

صانك ولي امرك وحبـك وداراك=ولاقـدر ردع الحظـوظ ومجيهـا

نفسـك مهذبهـا وعـز الله ربّـاك=مايدري ان جيـش الهيـام يغزيهـا

والله قسم يبلاك بي وانـت يبـلاك=باللي سواتي في العـرب يرتجيهـا

محبة ٍ ذربه مـن القلـب تكسـاك=محبـة ٍ صـدق الهـوى يكتسيهـا

يامرك قلبك بالوفـا لـي وتنهـاك=ناس ٍ علـى لامـاك تفـرك يديهـا

رزين عقل ومـن مزايـا مزايـاك=نفسـك تحـب وعفتـك تمتطيـهـا

وتطيع عقل ٍ ما بعـد زل واغـواك=مشاعرك تعصـاه وانـت تعصيهـا

ماشفت منـك الا عيونـك ويمنـاك=محبـة ٍ راع الـردى مـا يبيـهـا

يقبض فـوادي لا تخيلـت فرقـاك=ياشف عيـن ٍ مـا سـواك يعنيهـا

وياعزوة اخوانك ومطلب هـذولاك=نـاس ٍ محبـة والــدك تدعيـهـا

ناس ٍ تخـدم ابيـك كلـه لعينـاك=وهو يحسـب ان الله عليـه يهديهـا

ياجعلها تفدى على الارض ماطـاك=والله بمـن هـو مثلـهـا يبتليـهـا

لكن لعـب فـي ياوليفـي تغّـلاك=ونفسي غلاك من الصدود يحديهـا

تبطي علـي وانـا هنـا واتحـراك=وكبدي لواهيـب الصبـر تشتويهـا

اجمّع علومك امـن هنـاك وهنـاك=والله لو انهـا تنشـرى لا اشتريهـا

وعذرك انا لاهي يا ويش اللي الهاك=لاهي ومـر ٍ منـت لاهـي تليهـا

كانك مشكك في الوفا والغلا هـااك=جوالـي اقـر القائمـه كـل ابيهـا

رقمك مع الصادر ولا وارد اسواك=والناس في اللي لـم يـرد عليهـا

وايـاك وايانـي وايـانـي ايــاك=من غيبة ٍ مـن دون عـذر يحميها [/poem]

صح لسان ابوحمد

وسلامتكم

رد : ودّي بـك وابيـك وابـاك وابغـاك لشاعر المليون ابن فطيس
 

لاهنت يا علي على نقل القصيده وصح لسان الشاعر

رد : ودّي بـك وابيـك وابـاك وابغـاك لشاعر المليون ابن فطيس
 

رد : ودّي بك وابيك واباك وابغاك لشاعر المليون ابن فطيس
 

علي الحبابي



الله يعطيك ألف عافيه على النقل

وصح لسان أبن فطيس

رد : ودّي بك وابيك واباك وابغاك لشاعر المليون ابن فطيس
 

.


لاهنت يابو فيصل



كعادتك دائما تطل فيطل معك الإبداع والإمتاع



صح لسان بيرق الشعر



تقبل تحياتي ..

رد : ودّي بك وابيك واباك وابغاك لشاعر المليون ابن فطيس
 

الله لايهينك يابوفيصل على النقل وأبيض وجه

وصح لسان المحلفي على هذي القصيده ويستاهل الملايين

تقبل ودي وتقديري

رد : ودّي بك وابيك واباك وابغاك لشاعر المليون ابن فطيس
 

صح الله لسان ابن فطيس يستاهل المليون
والله نجم ماشاء الله عليه لاهنت ابا فيصل
والله يعطييك العافيه مميز ومبدع يالغالي

رد : ودّي بك وابيك واباك وابغاك لشاعر المليون ابن فطيس
 

لاهنت يا أبو فيصل على نقلك للقصيدة حفظك الله ورعاك
وصح لسان الشاعر

رد : ودّي بـك وابيـك وابـاك وابغـاك لشاعر المليون ابن فطيس
 

هلا وغلا ابوفرحان ولاهنت يالغالي

رد : ودّي بـك وابيـك وابـاك وابغـاك لشاعر المليون ابن فطيس
 

مرحبا الف وحياك الله يالغالي