شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   الشــــــــــــاطر حســـــــــــــــن .. (https://www.qahtaan.com/vb/showthread.php?t=23763)

معيض بن صميع 31-03-2007 06:13 PM

الشــــــــــــاطر حســـــــــــــــن ..
 
أعزائي :



تحية ً وتقديرا ً .. أضع بين أيديكم هذه المتواضعة وفي إعتقادي أن لها مايبرر كتابتها ..






صلوا على النبي





[poem=font="Simplified Arabic,5,blue,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

وبسم الله ماغيره له التصريف والتدبير=بديت بحمده وشكره وأصلّي عالنبي والآل

على طاري دعاة الشر والتهويد والتنصير=على ذكر الردى لامن رسم فوق الوجيه ظلال

أنا مآقول صح النوم ولا حتى صباح الخير=ولا أهلا ً ولا سهلا ً ولا بأنْشِدْك كيف الحال

ولاهي سالفة كف .. وفناجين .. وطرق تبصير=حكاية من حكاياتي ولو مابه حكي ينقال

بعد ماطحت من عيني معاد يْـهّــم ويش يصير=بعد ماخانت الفزعة مهابيل ٍ تسوق هبال

على عقلك ضحك خِـبل وتهزّابك وطار الطير=بلا أقصد بلا ماأقصد بلا شاعر بلا موال

بأنوّه بس أبآنوّه مدام السالفه للزير= 100 فارس مثل ( فارس ) ولا كل الرجال رجال

ولاينطق بمنطوقه مثل من ينطق بتزوير=جهالة .. واحدين .. إثنين .. ألا يابلشة العقــّـال

حميّة حاسد وحاقد مرض أنفس مرض تفكير=تناخت هالوجيه السود على نغمات ليل ولال

(يقولون السعة زينة ) .. حِكَم .. يانافخين الكير=تجارب عاشها الأول والأول صاغها أمثال

وأنا من منطلق فهمي بلا تفكير يا .. دردير =حكيت حكاية الشاطر حسن والشاطرين قـْـلال

بدايتها ذكرت الله وبالتهليل والتكبير =رفعت الصوت وصلّى الله على خير البشر والآل

نهايتها .. بلا ..لا .. بل .. ليال العشر للتذكير=على طاري الردى لامن رسم فوق الوجيه ظلال[/poem]

محمد طلان الحارثي 31-03-2007 06:18 PM

رد : الشــــــــــــاطر حســـــــــــــــن ..
 
صح لسانك وعلا شانك

ابلغت في هذه القصيدة

ويكفي ما ظهر وانشاء الله اننا من جنود الحق

ودعاة الفضيلة

بيض الله وجهك

وبارك الله فيك

@تركي السنحاني@ 31-03-2007 07:33 PM

رد : الشــــــــــــاطر حســـــــــــــــن ..
 
صح لسانك

و بيض الله وجهك

عبدالله المهداني 31-03-2007 10:52 PM

رد : الشــــــــــــاطر حســـــــــــــــن ..
 
بيض الله وجهك يا معيض بياض تشيلة الركاااااااااب


انا اشهد اني استمتعت بقرائة هذه الرائعة



صح لساااااانك وسلم فكرك وبوووووووحك


تحياتي

مهدي بن مسفر الحبابي 31-03-2007 11:32 PM

رد : الشــــــــــــاطر حســـــــــــــــن ..
 
أخوي معيض بن صميع

صح لسانك وبيض الله وجهك

رايعه ووافيه من راس وافي

لك فائق احترامي وتقديري

سعد القحطاني 01-04-2007 02:52 PM

رد : الشــــــــــــاطر حســـــــــــــــن ..
 
الاخ اشاعر الكبير

معيض بن صميع

والله اني لا قريت احدى قصائدك

ابطي ماعينت لباقي القصائد طعم

ولو انها مافيها كلام لكن قصائدك لها ذوق خاص عندي

واجزم ان الكثير يشاطرونني الرأي
.

مبدع وجزل وانت تعرف رأيي فيك دائماً

لاعدمتك

وجعلك تبطي حي

.

هايل سعيدان الزهيري 01-04-2007 11:55 PM

رد : الشــــــــــــاطر حســـــــــــــــن ..
 
أضم صوتي لصوت أخي سعد القحطاني

صح لسانك مدد بلا عدد

وفقك الله يابو علي وقواك

قصيده أجدتها وأجدت معانيها وتشكر عليها يالجزل .

تقبل تحياتي يالغالي

حسين العبدي 02-04-2007 12:46 AM

رد : الشــــــــــــاطر حســـــــــــــــن ..
 
صح لسانك يابن صميع



دايما مبدع

ابن عياف 02-04-2007 11:28 AM

رد : الشــــــــــــاطر حســـــــــــــــن ..
 
صح لسانك يا معيض

وجعل الردي افداك

تسلم يمينك

قصائدك جميلة

وعلى المحك

ياذيب

معيض بن صميع 04-04-2007 08:35 AM

رد : الشــــــــــــاطر حســـــــــــــــن ..
 
اقتباس:

المشاركة الأصلية كتبت بواسطة محمد طلان الحارثي
صح لسانك وعلا شانك

ابلغت في هذه القصيدة

ويكفي ما ظهر وانشاء الله اننا من جنود الحق

ودعاة الفضيلة

بيض الله وجهك

وبارك الله فيك





هلا وغلا أخوي محمد




وافي وحضورك طيب منك ..




ووجهك أبيض لاهنت




دمت بخير ..


الساعة الآن 10:42 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود