--((( ولا صك باب الطيب ضبه ومزلاج )))--
 

[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,medium,gray" type=2 line=0 align=center use=ex num="0,black"]
الأرض زانت واكتست بالثماما = في مرتع(ن) ما جاه طرقي ودواج
زين الشمطري والنفل والخزاما = في خايع(ن) كنه ملبس بديباج
وصوت أم سالم والولع والحماما = أخير من صوت المعازف بقرطاج
وشوف الدلال ومجلس(ن) به نشاما = والملّه اللي جمرها له توهاج
الجو رايق والنشاما حشاما = أنا اشهد إنها يا ولد فلة حجاج
ما فيه لا هافي ولا به خماما = نقوة عيال(ن) ذكرهم بالفخر راج
رجالهم عز (ا)ووقار ومقاما = ما يستمع لهروج واشي وهراج
ورجالهم له في المراجل مراما = ورجالهم يسوا طوابير وافواج
الماجدين الطيبين الكراما = اقسا من البالود واثمن من العاج
يا سعد منهم عزوته والحزاما = ينزاح همه لا ذكرهم وينباج
قلته وانا منهم وهذا وساما = والطيب لهل الطيب سنه ومنهاج
والله جعل للطيب راس وسناما = ولا صك باب الطيب ضبه ومزلاج
احد(ن) علا بالطيب فوق وتساما = وشيد له حصون(ن) رفيعات وابراج
واحد(ن) غدا قسمه قليل(ن) عداما = شبره قصير ووجهه أسود من الصاج
ومن شاف مثلي يا عرب ما يلاما = منظر طبيعي ما يبي فن واخراج
والبال صافي والقوافي تراما = وانا احمد الله ما وقف دونها سياج
ولا صرت في روض(ن) خضر مع نشاما = انا اشهد انها يا ولد فلة حجاج[/poem]

وسلامتكم

رد : --((( ولا صك باب الطيب ضبه ومزلاج )))--
 

أخوي عبدالله بن عايض الفهري

صح لسانك وبيض الله وجهك

رايعه بروعة حضورك

وافيه من راس وافي

لك فائق احترامي وتقديري

رد : --((( ولا صك باب الطيب ضبه ومزلاج )))--
 

صح لسانك وعلا شانك

أنت كفو وعزوتك كفو

إذا كنت تريد الأبداع تجده عند عبدالله بن عايض الفهري

لك مني كل الود والاحترام

أخوك / أبوعساف

رد : --((( ولا صك باب الطيب ضبه ومزلاج )))--
 

ابو عايض

اسمك كل ما اقراءه يطرى علي الجزاله


فأنت وكل الاجزاله المعتمد

غني عن كلامي يابو نواف


جعلني ما أعدمك


اخوووووووك

رد : --((( ولا صك باب الطيب ضبه ومزلاج )))--
 

ابو عايض


أبدعت جعل عمرك طويل وصح الله لسانك وبيض الله وجهك يالوافي


قصيدة رائعه وحضور رائع ولا يستغرب منك الأبداع يابو عايض


تحياتي

رد : --((( ولا صك باب الطيب ضبه ومزلاج )))--
 

ابو عايض


أبدعت جعل عمرك طويل وصح الله لسانك وبيض الله وجهك


قصيدة رائعه وحضور اروع


ولا يستغرب منك الأبداع يابو عايض


والشهاده فيك مجروحه


تحياتي

رد : --((( ولا صك باب الطيب ضبه ومزلاج )))--
 

رد : --((( ولا صك باب الطيب ضبه ومزلاج )))--
 

.


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
احد(ن) علا بالطيب فوق وتساما = وشيد له حصون(ن) رفيعات وابراج
واحد(ن) غدا قسمه قليل(ن) عداما = شبره قصير ووجهه أسود من الصاج[/poem]




أخوي الشاعر : عبدالله بن عايض



صح لسانك .. ولاهنت



قصيدة إمتلأت بالمعاني النبيلة والرؤية الثاقبة والواقعية ..



دام وجودك و دمت مبدعا وبخير ..

رد : --((( ولا صك باب الطيب ضبه ومزلاج )))--
 

رد : --((( ولا صك باب الطيب ضبه ومزلاج )))--