شبكة قحطان - مجالس قحطان - منتديات قحطان - حامد بن مايقه وتوصيف الرجال

- مجلس عذب الكلام (https://www.qahtaan.com/vb/forumdisplay.php?f=16)

- - حامد بن مايقه وتوصيف الرجال (https://www.qahtaan.com/vb/showthread.php?t=21937)

حامد بن مايقه وتوصيف الرجال

قال الشاعر حامد بن علي بن مايقه الحبابي هذه القصيدة الحكيمه في تواصيف الرجال

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
بديت القاف واعدّل مقاسه=على ترتيب تفكير التماسه
أحاول قدر تفكير الظمير= يصير القاف ما فيه انتكاسه
اهزّه.. بعد قزّه.. لا يطيح= صحيح القول ما يقبل طفاسه
ولا أخالط قصيره بالطويل=واعزل الغزل من باب الحماسه
وأشوف الدوس عذروب القصيد=عزيز النفس ما يقبل مداسه
وأحب المدح في روس الرجال=.ولا ادخل نشيدي بالسياسه
ولا امدح واحدِ ما هو مديح=.على سبّت يقدم لي لهاسه
عزيز نفس من ناسِ اعزاز=.عن الدنعات تبعدنا النحاسه
يعذربنا الزعل فينا سريع= ولا نصبر على ظيم وتعاسه
وأنا أحب النشيد اللي يفيد= تماثيل بها عرف وبها سه
اعبر عن ظميري بالنشيد=نشيد ما خذيته بالدر اسه
تعلمته.. بتفكير......الفؤاد= خذاه العقل من تفكير رأسه
غرايز بالنفوس لها ر سوس=معانيها لبانيها حراسه
لقيت القول ميزان العقول=على مقدار نطق الرجل واسه
ولا تغتر في لبس الهدوم=كثير الناس ما يسوى لباسه
ولا تنقد وهو ينقد عليك=ذكي العقل يأخذ من إحساسه
ولا تقصد بخيلِ في جميل=ولا تشره على راعي الهيا سه
ولا تظلم ترى الظلم مخطور=على المقهور يرّث شرا سه
مع الأيام يرّث لانتقام= ولا ينظام من يلقا خلا سه
أرى الصابر على الظلم الشديد= كما اللي بالعِ شوك الهر اسه
يحصل لذةِ في نصر يوم=على الجبّار لا وطّا عطا سه
تواصيف الرجال لها مجال=كثير وكل عودِ من غراسه
ولو بعض الغرايس ما تطيب=معادن فضةِ فيها نحاسه
ولكن راعي الساس العريب=لزومِ أنه يعرّق فيه ساسه
عفا الله عن خطايا الأوُلين=هل الشيمات عدوان البلاسه
معدّين الرذيل أمن النزيل=بعيدين النفوس من الدناسه
مخلصت الخصيم من الخصيم=صناديد الرجال أهل الريا سه
موطّين العنيد اللي يزيد= ولو زاد العناد وقو باسه
معنوين العواني بالسلوم=حمات الملتجين من العساسه
محاطين القصير من القصور= يعزّون النمور من البسا سه[/poem]