شبكة قحطان - مجالس قحطان - منتديات قحطان

[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="double,4,gray" type=0 line=0 align=center use=ex num="0,black"]
الا يالله ياربي تفرجها على المهموم= صروف الوقت وظروف والليالي بيحت سده
وانا مانيب ابي الا فزعتك ياحي ياقيوم= ولا غيرك ملاذ في نهار الضيق والشده
رجا الملهوف والمردود والمضهود والمضيوم= تعيش الخلق من فضله ومن جوده ومن مده
تراني عبدك القنعان بالمكتوب والمقسوم= ولامن جات من رب السما ماهيب منرده
ابي عفوك ولطفك رحمتك في الموقف المزحوم= في يوم الحشر يوم النشر والاعصاب منشده
في يوم تشخص الابصار فيه وينشف الحلقوم= في يوم عدته خمسين عام والف منعده
تغيب الشمس وتزول الكواكب من قمر ونجوم= تشقق الارض وركون الجبال تطيح منهده
في يوم تنقسم فيه السموات وتصير اقسوم= نهار القارعه والواقعه والطرق منسده
يمد به الصراط المستقيم اللي وراه علوم= ادق من الشعر والحد مثل الخنجر الحده
عليه الناس تعرض كلها في الموعد المحتوم= نصبها الله على نار حطبها الناس ممتده
هذا يسقط على وجهه وهذا ينسدح ويقوم= وهذا ينحرف ثم يضرب الكلوب ويرده
وهذا في عبوره مثل برق في سواد غيوم= على ماقيل كلن يلبس ثيابه على قده
احد هالك واحد ناجي واحد معطى واحد محروم = وجيه ناظره مستبشره ووجيه مسوده
واحد خاسر واحد رابح واحد فايز واحد مهزوم= قلوب يسر الله امرها وقلوب منضده
تفكر في حياة كلها هم ووهم وحلوم= تقابلك برحابة صدر ثم الصده الصده
توهقك الاماني الكاذبه في الملعب المرسوم= تهاجم ما تحسب لهجمة تاتيك مرتده
حياتك يالمغفل لو تغرك مثل حلم النوم= تصافح من يصافحها بمكر وتنقلب ضده
الا ويش حيلة الانسان لامن وصلت البلعوم= تضيق به الحياه وتنفلت الاوضاع من يده
انا ما اقول غير الثابت المبني على المعلوم= بلا همزه ولا ضمه ولا كسره ولا شده[/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود