أذكى واحد في العالم
 

كان فيه واحد " على نياته " ..

جرّب يستثمر أمواله !
وكان عنده ببغاء يتكلم ..
لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..
راعيه ضاق صدره ... وقرر ياخذ الببغاء لمدرب الطيور علشان يعدّله ...
: يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..
: أنا مين ؟!
قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ...
: أنا مين ؟
قال : أنت صديق الغبي ..
وينزله في الموية مرة ثانية .. ثم يطلعه ..
: أنا مين ؟
.. وعلى هالحال .. حتى تربى الببغاء وتسنّع ..
أخيرا .. قال له المدرب ..
: أنا مين ؟!
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ...
قال راعي الببغاء .. : أنا مين ؟ !
قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !
قال له راعيه : .. طيّب .. وإذا لعبت بفلوسي على كيفي ؟ !
قال الببغاء : .. هذي فلوسك .. من عرق جبينك .. تسوي فيها اللي تبي ..
قال : طيّب .. إذا دخّلت فلوسي عند " هابتكو " ؟ !
قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..
: طيّب .. وإذا دخلت فلوسي عند " الجمعة " ؟ ..
: طبيعي .. تنويع استثماري .. من أذكى واحد في العالم !
: طيّب .. وإذا دخلت فلوسي عند " ابن حسن " ؟..
: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !
: طيّب .. وإذا دخلت فلوسي عند " العيد " ؟ ..
: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..
: .. طيّب .. وإذا دخلت فلوسي في الأسهم ؟!
قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

رد : أذكى واحد في العالم
 

هههههههههههههههههههههههه

الله يرجك

والله أن الببغاء طفش من اللوح اللي عنده

تحياتي لك........يا.......والا أقول مايحتاج لانك تعرف قدرك عندي

ولان الابداع لا يعرف طريق الاطريق قلمك........المبدع

رد : أذكى واحد في العالم
 

والله أتوقع الببغاء يبي يأدب راعيه عشان ما يضيع فلوسه

رد : أذكى واحد في العالم
 

هيييييههههههههههههههههههههههههه


أنت ويش سويت فينا يامنصور



أنا قاعد ألحين في مقهى

وكلهم صكوت

وهدوء


لين قريت نكتتك

حرام أنهم يتلفتون في تقول مجرم


لا عاد تجيب من نوعية النكت ذي



مبدع يا منصور

رد : أذكى واحد في العالم
 

حلوووووووووووووووووووووووه




يعطيك العافيه

رد : أذكى واحد في العالم
 

هههههههههههههههههه

ماينلام الببغاء ..

يعطيك العافيه يامنصور ..

رد : أذكى واحد في العالم
 

خخخخخخخخخخخ

تحطم الببغاء والمويه الحارة ارحم له من صاحبه خخخخخ



وبيني وبينكم والله صدق الببغاء

تسلم اخوي

رد : أذكى واحد في العالم
 

الله يعطيكم العافيه

على ردودكم وحنا نحاول نقدم شيء نسبي صغير ممايقدم الأعضاء الرائعيين


لاهنتوا ولاعدمتكم