|
لغات الحب &&عند الدكتوره فوزيه الدريعي
:110103_we
أخش في السالفه على عرض كنت أشوف سيرة الحب لفوزيه الدريعي وكانت تقول دلعيه "تقصد الزوج" قولي له ياعيوني ياقلبي يا بعد كبدي ياحشاشة جوفي"حب والا كمونيه" لو واحد قال لزوجته هالكلام بتحسبه رايح القرموشي وبتقول..حبيبي لاتنسى الفول والتميس والهمبرقر o.k الحين الغزل تطور هذي وحده تقول لزوجها قلبي يخمس كل ما مر طاريك تقول جيبً فوق طعس التحدي ويرد بكل رومنسيه تدرين لما كنت في المغسله وددت تقبيل الجنوط لأنها لمعت كبارق ثغرك المتبسم "والله لو يدري عنتر ليقطعن عنقي لأن هالبيت في حبيبته هبله أقصد عبله" :0201046_em على أعتبار أن الجنوط أغلى ما في السياره السياره قيمتها عشرين الف والجنوط بأربعين الف أو نموذج لزوجين متابعين قنوات الأخبار فتقول الزوجه..أتعلم أعتقلتك في قوانتنامو قلبي ولن يفرقنا ألف آر بي جي "بلغة عبله أسرتك فقلبي ولن تفرقنا سيوف بني عبس شكل عنتر بيقطعني إرباً هالمره" فيرد بكل رقه.. كلاشنكوف عينيك قد فجر قلبي لا بل هو كالقنابل العنقوديه كلما أستفقت لاتفتاء ان تنفجر نرجع لموضوعنا .....:1108277095: لما سمعت الدكتوره فوزيه طلعت هالفكره في راسي وكتبت هالشخابيط الماضيه والحاضره...... بسوورد قلبي ماعرف شفرته الاانت ملــــيون هكـــرز ما يخرقون قلبي قلبي يخمس مثل تخميسة أكســنت والا ونيتً فـوق طـــعس التــــحدي يهـــتز قــلبي لا تـبــديت أو بنـــت كـــنه أبـو يعـــقوب لامن يعــــدي ما طيق بعدك لو هو يكون ون منت يفــداك توم كــروز لي جــد جــدي وش جاب جاكي شان والمطرب كلنت يغار منـــــك الــزين يا بعــد بعــدي تحصين قلبـــي ماخذا منك ون منــت وفايروس حبك هــدهــد الــقلب هدي تحذير......:52_asmilies-com: على كل من أخذ الكلمات على محمل الجد أن لا يلوم الا نفسه ترى لو قلت لزوجتك ان الجنوط ذكرتك بها إحتمال تدوسك بهالجنوط ولو قلتي لزوجك فايروس حبك والله يخليك ماتسوين كمبيوتر صخر والا العائله احذرو التقليد انا لست مع الحب الإلكتروني ولاحب الكمونيه بعد كبدي أحشائي كلاي تايسون وعلى فكره ترى الدكتوره فوزيه كلامها مفيد جداً ولازم نعبر عن مشاعرنا لكن بأسلوب جيد ومقبول بعيد عن المفردات السابقه أتفقنا مــــ تحية ــــع |
رد : لغات الحب &&عند الدكتوره فوزيه الدريعي
الله يعطيك العافيه ياللبيب
أكيد لازم نعبر عن مشاعرنا بس تعبير المشاعر بوجه نظري أحس انه شيء لا إرادي إذا حسيت بالحب تكلمت ولو تكلمت بكلام حب ورومانسي وانت مو شعورك الأصلي تحس انك مغصوب ماتصدق يتغير الموضوع وجهة نظر مشكور ياللبيب موضوعك هادف وطريقة الطرح بشكل فكاهي ومفيد رائع لاهنت على هالتميز ياللبيب |
رد : لغات الحب &&عند الدكتوره فوزيه الدريعي
منصور يعدي ما شاء الله عليه
ما يخلي للي بعده شي يناقشه فلم يتبقى بعد طلة منصور الحلوه ألا أن نقول لك ألف شكر على الموضوع الجميل |
رد : لغات الحب &&عند الدكتوره فوزيه الدريعي
لاهنت يابو جابر على هذا الإطراء
أنا أحاول أعلق قبلك لأني لو جيت ولقيتك راد بصراحة يضيع قلمي بجنب قلمك ويضيع ردي بجنب ردك |
رد : لغات الحب &&عند الدكتوره فوزيه الدريعي
تسلموون اخواني على هذا تواصل طيب منكم
واحد عيني اليمين وثاني عيني اليسار لا عدمناكم في ردودكم طيبه مـــ تحية ــــع |
رد : لغات الحب &&عند الدكتوره فوزيه الدريعي
لاهنت ياللبيب
واضيف على كلامك بعض كلمات الحب اروح اسطب في ذنب ضب اروح طيطه في خريطه |
رد : لغات الحب &&عند الدكتوره فوزيه الدريعي
مرحبااا والله
تسلم على مروك طيب منك يا كلمة مرور |
رد : لغات الحب &&عند الدكتوره فوزيه الدريعي
وش هالاخلاق اللي نازله من السما بين ابو جاب ومنصور
كل واحد يمدح الثاني وحركات ومجاملات أخوي اللبيب :) موضوعك جميل جدا تسلم |
| الساعة الآن 05:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com