ماذا تعرف عن مرور الناصرية
 

رد : ماذا تعرف عن مرور الناصرية
 

أنا شخصيا يا شباب أنحجزت فيه علشان قطع إشارة قبل شهرين


والحمدلله دخلت وطلعت خلال 25 دقيقه بالضبط

على طول ماقصروا الشباب جو وسددوا وكلمنا وطلعت


والله ماجلست فيه الا 25 دقيقة بالضبط


وبعدها توبه تصير الاشارة صفراء والله أوقف


والمشكله ذاك اليوم معزوم ولابس ومتكشخ ورايح جهة بندة اللي على التخصصي


ومستعجل وطبيت في يد واحد ما يفهم أبد أبد

وقلت له شوف ورب المصحف لأطلع معك وأرجع غصب عنك بعد ساعة

ورحت ورجعت وأول ما شافني راجع لسيارتي أنجن وطار عقله

ورب المصحف بغى يموت من القهر

وجاء يكلمني وقلت خير وش تبي قال شلون طلعت قلت له مو شغلك

لو زودت عليه شوي كان انتحر وانا انبسطت اني رفعت ضغطة


المهم ماجاء في المرفق صحيح 100%

واسف طولت بالرد

بس مواضيع ابو ريم من كثر روعتها ود الواحد بس يتكلم


لاهنت يابو ريم والله يجزاك الخير


تزداد في كل لحظة تألق وإبداع يابو ريم

الله يسعدك دنيا وآخرة

تحياتي

رد : ماذا تعرف عن مرور الناصرية
 

يااللهي..........ماهذه المصايب اللي نراها.........ماعلينا

موضوع قمة وروعة في الاداء والحرفنة الادبية

موضوع أكبر من ان تكون مجرد قصة قصيرة ....تمر علينا مرور الكرام

فهي فعلاً...رسالة نصية للمسؤولين عن سجون امارة منطقة الرياض

اشكرك جزيل الشكر على رسالة القصة.

رد : ماذا تعرف عن مرور الناصرية
 

نشكرك على هذا الموضوع


والله يعطيك العافية



تحياتي

رد : ماذا تعرف عن مرور الناصرية
 

ههههههيييييييييييهههههههههههههههههه


والله شي مظحك

اللهم لا شماته


الله لا يحدنا عليهم




علي الفهد مبدع والله




ونت يا وادي الغلا


سالفتك حلوه

وعجبي من ذولا العسكر في طريقة أصرارهم على أيقاع المخالفه

كنها بتدخل في جيبه

رد : ماذا تعرف عن مرور الناصرية
 

:):):):)



كويس اني شفت هالشرايح (الباور بوينت)
لاني هاليومين على غير العادة ادعس فوق الـ 120 بشوي ..
والله في ناس مطيورين على خط الخبر الدمام بس ما حولك احد .



:(

رد : ماذا تعرف عن مرور الناصرية
 

موضوع رائع

وتسلسل في النقاط جميل جداً

فأنت كالعادة يابو ريم دائماً ما تجعلنا نقف منحرجين أمام مشاركاتك الرائعه والهادفه


والتوقيف للأسف سيء جداً وكأنك عايش أكرمكم الله في زباله ،،،

عدم أهتمام من القيادة وعدم مبالاه من العسكر وتعامل سيء جداً للشخص المتوقف

وأنا لي موضوع قديم يخص هذا التوقيف قمت بطرحة في المجلس العام على هذا الرابط

http://www.qahtaan.com/vb/showthread.php?t=14234


تقبل وافر تحياتي وأعطرها

رد : ماذا تعرف عن مرور الناصرية
 

اللهم زد وبارك

كلما صار فيه صرامة في العقاب كلما قلت مستوى الاخطاء والجرائم
عندما نقرا يوميا الجرائد نقرا اخبار الحوادث والوفايات والاصابات وغيرها وغيرها

وفي الرياض وخصوصا الدائري الشرقي والشمالي والجنوبي والغربي نلاحظ عالم مجنونة ولا مبالين
يقودون بسرعة عاليه وبجنون كانهم بيحلون مشاكل امة محمد او كان لديهم مرضاء او مشاكل ولكن اذا وصل
راح للشباب في استراحة بعد ان ارعب الف عائلة والف شخص وبعد ارباك الحركة المرورية واحتمالات كبيرة بايقاع حوادث

مالشيء اللذي يجلعنا اكثر تخلفا الا القيادة الخاطئة
والله اني اول مارجعت السعودية كنت باتسبب في مية حادث
لاني كنت احاول اتتبع نفس الانظمة في امريكا ولكن حدث ولا حرج

اذكر منها كنت اريد التوقف عند اشاره (stop sign) فصدمني شخص من الخلف
فلما جاء المرور قالي
انت الغلطان قلت ليش
قال ليش توقف !!!!!!!!!!!!!!!!!!!


وتذكر المثل
من امن العقوبة اساء الادب



واسف على التطويل اخوي علي

رد : ماذا تعرف عن مرور الناصرية
 

نفس الشئ صار لي يوم رجعت السعودية.........بس الله ستر بدون حوادث

الحمد الله على السلامة
تحياتي