العزوبية:تتكون العزوبية من شيئين رئيسيين وهما :52_asmilies-com:
1- العزوبي 2- العزبة
تعريف العزوبي:هو الإنسان الغير متزوج والذي يعيش حياة مستقلة بعيداً عن أهله. فهو إما أنه يعيش منفرداً بنفسه وإما أنه يعيش مع بعض من العزاب في غرفة أو عزبة.
تعريف العزبة::confused:
هي بيت – وكر- للعزاب. وتختلف العزبة من عزوبي إلى آخر، فهناك عزبة مكونة من غرفة واحدة بجدران مشققة وباب خشب مكتوب عليه ذكريات والحمام واحد مشترك للعمارة كلها وهي الأغلب. وهناك عزبة مكونة من عدة غرف ... غرفة للنوم وغرفة للأكل وغرفة للتلفزيون وغرفة للضيوف وغرفة للغسيل وغرفة للكمبيوتر وغرفة فاضية >>> من زود الغرف هههههههه :)
وطبعاً ومراعاة لمشاعر العزوبية فلن نتحدث عن العزوبية من أصحاب العزب أبو غرف كثير. وسوف تقتصر الدورة على العزوبية من أصحاب العزب من النوع الأول >>>> يعني الطفرانين :cool:
وبعد أن قمنا بتعريف أساسيات العزوبية فسوف نبدأ الدورة بسم الله.
العزوبي والجدول اليومي:تررررررررررررررررررررررررررررررررررررررن هذا هو صوت المنبه في الصباح، تقوم بعدها يالعزوبي وتخبط المنبه بالطفاية اللي جنبك وأنت تقول: الله يلعن أبو ذا الدوام :017: .... ليبدأ بعدها يومك بكل حيوية ونشاط.
وبعدها تروح الحمام وتطالع في المراية - إذا كان عندك مراية أصلاً – وتضحك على نفسك بسبب شعرك :0201042_em اللي ما حلقته لك ثمانية أشهر وسعابيلك اللي نازلة على رقبتك.
ثم تغسل وجهك بصابون دوف – ربعه كريم مرطب – ومن ثم تفرش أسنانك بمعجون سينسوداين للأسنان الحساسة.
^
^
لحد يضحك عليك وتصدق الكلام اللي فوق تراه كلام جرايد .... رح ياحبيبي و أمسح السطر اللي فوق كله.
أصلاً أول ما تصحى من النوم قوم وألبس ثوبك ... يعني لا غسيل وجه ولا صنفرة أسنان. أصلاً الأسنان الصفرا صارت موضة وكمان عشان يقولون إن ابتسامتك صفرا هههههههههه :0201048_em
وإن كان على الشعر فـ الله يخلي شماغ بروجيه هههههههههههه.
وإذا رحت الدوام ... حاول إنك تقسم وقتك إلى ثلاثة أقسام :
القسم الأول :
قراية جريدة الإقتصادية عشان يقولون إنك مثقف – وأنا أدري إنك خبل بتقعد تطالع الصور ولا أنت فاهم
القسم الثاني:هروج على المنتشري وياسر القحطاني والمنتخب و و و ... إلخ. وإذا عندك مراجعين قلهم الكمبيوتر عطلان أو النظام مو شغال.
القسم الثالث:
أشرد من الدوام وإذا مديرك سألك قول إنك رايح تجيب البزران من المدارس << ههههههه عزوبي ويجيب البزران >> أو قول عندي مراجعة في المنظمة العالمية لتربية المواشي البحرية.
وجبات العزوبي:
1- الفطور:
أول شي لا تفطر في البيت .. ثم بعد كذا تروح الدوام وأكيد بتلقى خويانك في الدوام جايبين فطور وطبعاً أنت لا تقصر وأعزم نفسك ولا تنتظر أحد يقولك أتفضل. مع ملاحظة أنك لازم تروح الدوام متأخر شوي لأنك إذا رحت بدري طالبوك بالقطة وفي هذي اللحظة راح تكون أحرجت نفسك وخسرت الفطور.
2- الغدا:تقاط أنت وإثنين من ربعك الخبلان وحبة دجاج بخاري يامحلاها. أو أنك إذا مستلم الراتب فما يردك إلا كودو.
3- العشا:ترا النوم خفيف مافي أحسن منه. أو أنك تروح تلبس ثوبك و تشخص وتشوفلك أقرب قصر أفراح وما يردك إلا المفطحات والمسدحات.
وهذي نهاية دورتنا لهذا اليوم وإن شاء الله بعد كذا راح نجيب لكم طريقة الغزل والترقيم وطريقة تحضير بعض الوجبات.
وبالنسبة للأسئلة والرسائل اللي وصلتنا عبر الفاكس فراح أحاول على بعضها ونعتذر عن الرد على كل الرسايل نظراً لضيق الوقت.
- الأخ علي يبي رقم جوالي؟
والله يا أخي جوالي ما أقدر أعطيه لأحد << كذاب أصلاً جواله عليه فاتورة ولا سدده ههههههه >> لكن ممكن إني أعطيك رقم البقالة اللي تحتنا ودق عليه وأطلبني من البنقالي ... عادي تراه يمون.
- الأخ جبرتي يسأل عن طريقة تحضير البيض المقلي؟
بسيطة يا أخوي ... تجيب البيض وتقليه ... وبس.
- الأخ أبو مدخنة يقول : ما ألقى عندك 200 ريال سلف ؟
والله يا أخي أبشر باللي يرضيك ... أتصل في وقت البرنامج وكلم المخرج وقول له أنا جايك من طرف بزبوز >>> يسلم التصريف ياشيخ هههههههههههههه.
وبكذا تكون أنتهت حلقتنا اليوم ... نشوفكم في حلقات قادمة إن شاء الله.