قصيده لها أكثر من معنى ..
 

[poem=font="Arial,4,black,normal,normal" bkcolor="transparent" bkimage="backgrounds/6.gif" border="double,5,gray" type=2 line=0 align=center use=ex num="0,black"]
ا لصحــــــــاف

صفا صيفي الصافي وصفيت صاف القـــاف وصممت أصمم من صميم الصدر صافي
وصخرت صخر صم يصمــد في المحـــراف وصورت صــوره صـافيه وقت مصيافي
صور عن صدف تصنع يابو صالح الميقاف يصدق بها صدر صــدف زين الاوصـافي
اصـدق ولا اصـدق بصـدفه واقول اخــراف واصد ويصـد الصــاحب الصـادق الوافي
صدودي عنه ماقصدي اصد عنه اخـــــلاف ابا اصــــد لحظه ليـــن يحسن تصـــرافي
واصــــرح له بحب لجــا بالصـــدر ميــلاف عسى يستصيغ امر الصراحه بميــقافـي
يصدق بصدق الصادق اللي لغيــره عــــاف صبر والصبر ماصبره عن هـــوا الجـافي
صحيبي صحيح القلب والعقـــل والاطـــراف صدوق النوايا صادق احساس شفـــــافي
وصبري وصمتي مايبــدد همــــوم اصنــاف هموم تصــف بداخــــل الصــدر ياكــافــي
صفت لي همومي والليالــــي علي عجاف صخبها عليه صار من جورها ضــــــافي
وصرت أتصور صورة ( محمد ) الصحـاف يصرح بتصريحــات عن جيش الاحـلافـي
يبي الجيش يصمد في وجيه العلـوج وخاف وهو ما دراء ان الجيش في بصرته لا في
الا يازمن صفــــيت ضــدي مع الاحـــــلاف وصلبتني فوق الجمـــر يازمن حــــافـــي
صحيح ان بعض الود يرخص مقـام اشراف ليا صار فيه من المجامــل تصــــــنافــي
يصيب القلوب الصادقه فالهواء خفخـــــاف ويصدم صحيح الحب من هول ماشافي
صحيح وصراحه مايقـــولونه العــــــــــراف تجنب طريق الغـي مصيـــون متعـــــافي

عـــــــايض بن سليم الحـــــــارثي[/poem]

ابوزيااااد

لا هنت على هالقصيدة العجيبة للشااعر / عاايض الحاارثي

وصدق يوم قال /صحيح ان بعض الود يرخص مقـام اشراف.........ليا صار فيه من المجامــل تصــــــنافــي


اكرر شكري لك على جهدك الملحوظ معنا يابو زياااد

تقبل تحياات
اخوك
السيف النادر

اخي الغالي : السيف النادر ..
لاهنت يالغالي على هذا المرور الكريم منك ..

ابو زياد

السلام عليكم

ما قصرت على نقل هذه الرائعه

ما عاد خلا ولا " صاد" في اللغة العربية الا واستخدمه

والله ما ادري كيف صفصفها.
بس صح لسانه ، مع انه ربط نفسه بكلمات معينه الا انه اجاد ، كما اجدت انت في اختيار العذب المملوح من القصيد .

سلامي لك وللأخوان

هلا بك يا بوياسر ..
الله يعطيك العافية على هذا المرور ..