صفعة على الوجه العربي (((الرياحي )))
 

الشاعر المعروف فيصل بن منصور الرياحي يتحدث بعد شنق صدام ويقول

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله طلبناك بالمقسوم ترضينا=ياعالم الحادثات وغيب الأيامي
نعوذ بالله من كيد الشياطينا=والكبر والجبروت وزيف الأوهامي
ياباقي أيامنا عدي ليالينا=كم في محيط العروبه من تسونامي
حنا شعوب العرب ياكم تلقينا=من صفعةٍ فالوجيه وكفها حامي
عن كل مايردع أعدانا تراخينا=نرجع وراء مانسوق الركب قدامي
نشرب وناكل ولارحنا ولاجينا=من غير تفكير عشنا مثل الأنعامي
الذيب يأكل من اولنا وتالينا=عز الله إنا غدينا مثل الأغنامي
مانختلف عن غنمنا إلا بأسامينا=ومهايطات الهروج وطول الأجسامي
مليار واكثر لكن الله دعا فينا=وعدونا لو بطش ماعاد يلامي
اليوم كلٍ بسكينه يذكينا=وضحية العيد منا رأس صدامي
ياشين قهر الرجال الله يكافينا=ياشين بطش الطغاه وحكم الإعدامي
وياويلنا من عدوٍ باطشٍ فينا=ياويل الإسلام من عدوان الإسلامي
إن ماخذينا زمام النصر بيدينا=ونادى لنا الله بيومٍ يبر الأسقامي
والله مايبقى لنا ساحل ولامينا=ولاشعوب(ن) ولاقاده وحكامي
ولامساجد ولاقرآن يهدينا=ولامنابر ولارايات وأعلامي
تنتف لحانا ونوخذ من كراسينا=إلى المشانق ولاللقوم رحّامي
ممنوع حتى المعزي مايعزينا=آوامر الجور من عباد الأصنامي
تبت يدا بوش وبلير الملاعينا=وتبت يدا حضنا اللي طاح ماقامي[/poem]

رد : صفعة على الوجه العربي (((الرياحي )))
 

حنا شعوب العرب ياكم تلقينا=من صفعة في الوجيه وكفها حامي

عسى الله يرحمنا برحمته

لا هنت يا علي

رد : صفعة على الوجه العربي (((الرياحي )))
 

ارررحب يابومشبب وحياك الله ولاهنت يالغالي

رد : صفعة على الوجه العربي (((الرياحي )))
 

رد : صفعة على الوجه العربي (((الرياحي )))
 

رد : صفعة على الوجه العربي (((الرياحي )))
 

لاهنت يابو مسفر على هذا النقل الرائع


والقصيدة تعبر عن مضمونها


لك الشكر الجزيل ودمت بألف خير

رد : صفعة على الوجه العربي (((الرياحي )))
 

شكرا على النفل وصح لسان الرياحي شاااااااااااااااااعر ممتاز والله

رد : صفعة على الوجه العربي (((الرياحي )))
 

لاهنت يا أبو فيصل بيض الله وجهك

رد : صفعة على الوجه العربي (((الرياحي )))
 

هلا ومرحبا الف يابن عياف والله يحييك ولايهينك

رد : صفعة على الوجه العربي (((الرياحي )))
 

الذيب يأكـل مـن اولنـا وتالينـا
عز الله إنا غدينا مثـل الأغنامـي

مانختلف عن غنمنـا إلا بأسامينـا
ومهايطات الهروج وطول الأجسامي

مليار واكثر لكـن الله دعـا فينـا
وعدونا لو بطـش ماعـاد يلامـي

اليـوم كـلٍ بسكيـنـه يذكيـنـا
وضحية العيد منـا رأس صدامـي



رااااااااائعة جداً ومؤثرة وقصيده قوة من شاعر لا يستغرب منه الجزالة وقوة اللفظ


صح لساااان أبو بدر

وبيض الله وجه ابو فيصل على النقل الرائع والمميز



تقبل وافر تحياتي يالغالي