أهل الكبروالبخل والتقنيط(عبدالله بن شايق)
 

[frame="5 80"]انا احسب حسـاب الكـل ماحـب الأستبسـاط
ولا دانـي اهـل الكبـر والبخـل iiوالتقنـيـط


ولكّـن حظـي غـاب عنّـي مـعَ iiالمـقـلاط
وانـا ظالمـه فـي الأمتحانـات .. iiبالتفقيـط


فرش لي ذهب .. ثم ورد .. ثم زلّ .. ثم بساط
ولا شاف مني غيـر ... الأهمـال iiوالتفريـط


اضيـع عمـل حظـي بالأهمـال iiوالأحـبـاط
وتأبطـت منـه .. وقـال : ماينفـع iiالتأبيـط


وخسرت الدبل والفـرق كلـه ثـلاث iiابنـاط
ولاعاد لي خطّـه .. ولا عـاد لـي iiتخطيـط


ربطنـي هـوى خلّـي .. ربـاطٍ وراه iiربـاط
وانا حالفٍ ماجفاه لـو راح جفنـي .. iiخيـط


ولا انشاه لين ( طريف ) ينزل بجنب ii(الغـاط)
(وبغداد) يصبح في ضواحي ( خميس مشيط ii)


واذا ماحصل لـي .. قربـوا طاقـة iiالمخبـاط
اموت وتروح الروح .. وجعله ( مراح مقيط ii)


والاّ ... عطونـي جركـل القـاز iiوالمشخـاط
وخلّي عليه .. الصبر .. والقبر .. والتحنيـط


حبيبي فريقٍ .. يصدر امـره علـى iiالظبـاط
عطاه الله السلطه ... وسلّـط علـي iiتسليـط


لقيته صـلاة العصـر داخـل علـى iiالخيـاط
على الحجتين .. امّمشـطٍ قذلتـه ... تمشيـط


تعال اكتـب اسمـه داخـل القلـب iiياخطـاط
تبصّر .. ودقّق .. وانقشه .. واضبطه iiتظبيط[/frame]

رد : أهل الكبروالبخل والتقنيط(عبدالله بن شايق)
 

ارررررررررحب ياابوفهيد

قصيدة رائعة لشاعرنا الكبير عبدالله بن شايق

سلمت على النقل
ولاتحرمنا من روائعك

رد : أهل الكبروالبخل والتقنيط(عبدالله بن شايق)
 

رد : أهل الكبروالبخل والتقنيط(عبدالله بن شايق)
 

حي الله ابوفهيد وماجابه

الله يحييك ولايهينك يالغالي

وبيض الله وجهك ياذيبان

علي نقل هذه القصيده

الرائعه للشاعرنا ابن شائق

رد : أهل الكبروالبخل والتقنيط(عبدالله بن شايق)
 

ابوسالم:
سلمه ولاهنت على مرورك يالغالي
ابراهيم:
سلمه وصح بدنك ولاهنت على المرور
ابومسفر:
الله يبقيك ولاهنت على المرور