محاورة رائعة بين الشيخ عائض القرني والشاعر المبدع تركي 2000
 

محاورة رائعة بين الشيخ عائض القرني
والشاعر المبدع تركي 2000


تركي 2000



سلام يا رمز الأدب والدين وبحور القصيد

ياللي بنيت أمجاد وصروح ما تمحاها السنين

إنت بزمنا أكبر عطايا وقتنا وأغلى الرصيد

ولا أقول غير الله يخليكم ذخر للمسلمين


عائض القرني



أهلا هلا بالشاعر المقدام والشهم الرشيد

في حضرتك ننثر سنابل كادها والياسمين

إليا ذكر تركي ذكرنا قصة القول المفيد

أقطف زهور الورد من شعره على مر السنين


تركي 2000



الله يبارك فيك ياللي كلما زادوا تزيد

وتبني من الأشعار ما تذهل عقول السامعين

النار فاتح بابها والموت في حبل الوريد

لكن متى تصحى قلوب الغافلين النايمين


عائض القرني



ذكرتني بالنابغة والبحتري وابن العميد

مجالس المأمون في بغداد وأيام الأمين

معاوية نمدح علومه مير ما نمدح يزيد

وش لون نمدح من توهق حيل في قتل الحسين


تركي 2000



هذي شهادة والشهادة منك يا دكتور عيد

نبي نعلقها على جدار الزمن للتابعين

أحد بها الدنيا شقي و أحد بها الدنيا سعيد

تمر دورات الزمن والعاقبة للمتقين


عائض القرني



أبي أرسل الأشواق لكن كيف يحملها البريد

أحسن نوصلها وليلة عيد شوق الطيبين

أرجوك خبّر كل مخذول وشيطان مريد

قبر الغزاة ديارنا وحنا عيال الفاتحين



تركي 2000



ضاعت حلول المشكلة يا شيخنا مابه جديد

إلا غرور أهل اليسار وصمت أصحاب اليمين

مدري نقول لما مضى من وقتنا ليته يعيد

وإلا عليك نهل كل الدمع يا بدر وحنين


عائض القرني



اليآس ذنب وعندنا أحفاد المثنى والوليد

والشبل من ذاك الأسد وأرض الوطن كله عرين

من يعتصم بالله ربه عاش في عمره سعيد

يبشر بحفظ الله له ويكون في حصن حصين

تركي 2000



حنا بلشنا بالقريب اللي عرض دون البعيد

يا صعبها لا حولت ما بين خشم وبين عين

الجرح مبطي مابرى والصبر ذاب مع الجليد

ولا أقول غير الله يعين القانتين الصابرين


عائض القرني



حنا تعودنا على طحن الحجارة والحديد

ولا نخاف الموت لنّا للجنان مسافرين

عدونا والله ما يحميه زيد ولا عبيد

على جماجمهم نشيد مجدنا الباهي المتين



وسلامتكم

رد : محاورة رائعة بين الشيخ عائض القرني والشاعر المبدع تركي 2000
 

محتري السيل


لاهنت على الاهتمام والنقل بيض الله وجهك


لكن الموضوع مكرر

http://www.qahtaan.com/vb/showthread.php?t=16615

واعذرنا على اقفاله


لاعدمناك ودمت بخير

.