![]() |
كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
تحيه طيبه وبعد
في الحقيقه أنا قرأت قصيده لأحد الإخوان الشعراء يتغنى في نجد بها فثارت قريحتي بهذه الأبيات اللتي أسأل الله أن تنال على استحسانكم ورضاكم أقول فيها [poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] أبدى بيوت الشعر بأطيـب تحيـه=بيـوت شعـرً عالـيً مستـواهـا قدمتهـا للـي سمعـهـا هـديـه=ونفوسكـم لعـل تلقـى رضـاهـا هديـةً مابغـى وراهــا جـزيـه=إعجابكم يأهـل المعرفـه جزاهـا فيهـا بأكـب همومـي الداخلـيـه=عسى بعدها النفس تنسـى عناهـا وتشفى جروحً وسط قلبـي خفيـه=جروحه اللـي مـا لقينـا دواهـا يكوى خلال اليـوم عشريـن كيـه=من هالحيـاه اللـي كثيـرً غثاهـا دنياً صدق من قـال عنهـا دنيـه=والضايع اللي قام يركـض وراهـا أحفى القدم مابيـن روحـه وجيـه=والخاتمـه نفسـه يجيهـا قضاهـا فاسمع كـلام العـود راع الوصيـه=دنيـاك يابـن آدم سريـعً فناهـا أجمع لنفسـك قبـل حـل المنيـه=ومن يزرع الزرعه لنفسـه جناهـا الطيبـه ماهيـب مثـل الـرديـه=والنار ما تحرق سوا مـن وطاهـا ياللـي تغنـي باللحـون الشجيـه=أبيـات شعـرً وافيـه فـي بناهـا بنيتهـا فـي مـدح نجـد العذيـه=ونجـد الشجاعـه كلبونـا فداهـا هيضتنـي بلحـونـك السامـريـه=والنفـس بلحونـك تبيٌـن خفاهـا ياصاحبـي نجـدً عزيـزه عليـه=ومابه غلا فالكون يسـوى غلاهـا فيها الفيـاض المزهـرات البهيـه=وفيها القلوب أصفى من الماء صفاها وفيها خويً مـا يخلـي خويـه=خـوة معـزه ماتقطـع عراها يازينها فالصبـح والشمـس حيـه=لاشفت ذودك سارحه فـي رباهـا ويازينها ياصاحبـي فـي العشيـه=يسحر بريق نجومها فـي سماهـا والله ثـم والله لـو هــي بـديـه=لاموت فيهـا وأندفـن فـي ثراهـا لكنـهـا بيـديـن رب الـبـريـه=رب خلقهـا وعـارفً منتهـاهـا يأهل الكرم يأهـل الوفـا والحميـه=ياشيوخ نجـد شعوبهـا وموراهـا ياللي لكم في ساعة الطيـب هيـه=وفعولكـم ماحـدً بيلحـق مـداهـا عاداتكـم يأهـل النفـوس الغنيـه=لاتصبـح تـراثً وكـلً نسـاهـا خطيـةً ياكبرهـا مــن خطـيـه=والله يرد أهل الخطى من خطاهـا [/poem] |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
صح الله لسانك علي القصيدة الجزلة من شاعر قدها وقدود
ويشرفنا حضورك واستماع قصيدتك الوافيه وتحياتي واشواقي تصلك الي ديارك جاسم القحطاني يحيكم بلاحدود |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
ارررررررررحب ياسعود
وصح لسانك على القصيده الجزله والرائعه ولاهنت يالغالي على التواصل الطيب وفي إنتظار جديدك بكل شوق أخوووووووك بن غفـــره |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
صح لسانك ياسعود
شاعرٍ جزل ومبدع وابدعت في هذه الرائعه لاعدمناك ننتظر المزيد منك الله لايهينك ودمت بخير . |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
أخوي سعود العماج
صح لسانك واعتلا شانك بيض الله وجهك رايعه ووافيه من راس وافي لك فائق احترامي وتقديري |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
سعود العماج
صح السانك رائعه بروعه حضورك لا تحرمنا من جديدك |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
سعود
صحيت وصح الله لسانك قلت وابدعت لاهنت ولاشنت |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
سعود العماج
صح الله لسااااااااااااانك وبارك الله فيك ابيات لها وزنها من ثقل شاعرها متابع لكل ما تكتب تحياتي |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
صح لسانك ياسعود
قصيده وايه من شاعر وافي استمتعت بتصفح هذه الرائعه لاهنت يامبدع أخوك فيصل العبدالله |
رد : كل إنسان يحق له يمدح ديرته وأنا بعد يحق لي أمدح ديرتي((( نــــــــجـــــــــــــد)))
الاخ سعود
صح الله السانك والله يعطيك العافيه قصده ثمينه وبيض الله وجهك ياسمي |
الساعة الآن 06:46 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com