شبكة قحطان - مجالس قحطان - منتديات قحطان - صدور ديوانك يعز القحـاطـين

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - صدور ديوانك يعز القحـاطـين (https://www.qahtaan.com/vb/showthread.php?t=18022)

صدور ديوانك يعز القحـاطـين

هذه القصيده قلتها بمناسبة الحفل الذي اقامه الاستاذ خليل بن ذيب بن هدلان على شرف اصداره لديوان الشيخ شالح بن هدلان رحمه الله ..

[poem=font="Simplified Arabic,4,darkblue,bold,normal" bkcolor="transparent" bkimage="" border="solid,thin,indigo" type=4 line=0 align=center use=ex num="0,black"]
بديت باسم مكون الكون تكوين=اللي بسط الارض ورفع في سماها
رب العباد اللي خلقها من الطين= اللي يجازي كل نفس بجزاها
ياهاجسي عبر عن الشعر ذا الحين= وانظم بيوت عالي مستواها
خلك على سلم العرب والقوانين=وخل السوالف ماشيه في سراها
الله يعز المملكة قولوا آمين= في ظل حكامٍ يذري ذراها
حكامنا اللي ينطحون المعادين= لا ثارت الهيجا ونسنس هواها
آل السعود اللي تخدم الحرمين=بجهودهم كل العرب في قراها
ماشين بالقانون والحق ماشين=الله يعز المملكة ويحماها
في ظل أبو متعب صعوط المجانين=اللي طويلات المعالي رقاها
من بعد ذا بنصى الرجال المسمين=اللي على الطاله أطوالٍ خطاها
جتنا عزيمتهم وجينا ملبين=العزوه اللي جيتها من غلاها
من يوم جتنا دعوةٍ للهدالين=يلزم علينا أنّا نلبي نداها
العزوة اللي فالمواقف سلاطين=وبين القبايل عالي مستواها
من نسل عود ماضيه له براهين=شالح مواقيف البطوله خذاها
ومن ربع ذيب اللي يخوض الميادين=اللي فعوله تعجب اللي قراها
تاريخهم يشهد لهم فالدواوين=والراويه يفخر بها لا رواها
بفعولهم تفخر جميع القحاطين=ومن تعب لدروب المراجل لقاها
حمولة بين القبايل عزيزين=كلمة شرف واقولها واحماها
هم ربعنا لا عود العلم علمين=لا شانت الدنيا ودور رحاها
وهم ربعنا في موقف العسر واللين=وعز الشوارب دايما من لحاها
وما دام ابو سلطان فالموقف يبين=ما همنا طيب العرب من رداها
خليل طيبه راجح بالموازين=والطيبه فالوقت يتعب علاها
يالله عسى عمره على الطاله سنين=والله يكافيه الليال وبلاها
واشكرك يابوذيب حين بعد حين=يا نافدا اللي عزوته ما نساها
صدور ديوانك يعز القحاطين=مافيه كلمة طيبه ما احتواها
وحنا نفاخر والفخر للسفارين= وأصل القبايل تفتخر فموراها
شيوخنا اللي فالمواقف حكيمين=فالموقف الطيب بعيد مداها
آلاد قريان هل المذهب الزين=اللي تعز اضيوفها واقصراها
يوم الغزاوي ينطحون المغيرين= يا قرد حظ اللي برمحه غزاها
لا قيل أبن دراج فالموقف الشين= شفت العرب تقفي وتزحف وراها
خنافر يوم اللقا تنزح الدين=وياسعد منهو فالمواقف نخاها
راسين لاجات المواجيب راسين=والعله الصعبه نحصل دواها
وباقي القبايل كلبوهم ونعمين=ما اذمهم والناس تعرف وفاها
فينا شجيعين وفيهم شجيعين=ومن مد نص الكف ياخذ ملاها
وحنا تحت حكم الملوك محكومين= وكلٍ يثبت خطوته لا مشاها
وعسى مزون برقها يعجب العين= تمطر على نجد العذيه بماها
تمطر على أجليه العشار وعلى الرين=وتربع الديره وينبت رعاها
ديرة رجالٍ كلبوهم عريبين= أتزبن الخايف لامنه نصاها
وختامها مني سلام الميامين=عد الهبوب اللي يذعذع شذاها
وصلوا على اللي بيّن الحق تبيين=فأول قصيدتنا وفي منتهاها[/poem]