من روائع ابن جدلان
 

قصيده أكثر من رائعه كل بيت فيها يدعي الثاني قالها شاعر غني عن التعريف سعد بن جدلان اسم رنان ويشدك الى انك تقرا له حتى لو لم تكن من هواة الشعر او من قرائه لا أطيل عليكم ولكن أتركم مع القصيده . . . . . . . . . . . . . . . . . . . . . . . . . . . . . تقبلوا تحياتي
مطلق




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا إلـه إلا القديـر المعطـي الوهـابـي = الخضـوع لسلطنتـه وكبريـاه ونوفـه
كل ما تحته على وجه التراب .. ترابـي = المعـزه والمذلـه مـن رجـاه وخوفـه
تب علي وأنت الـودود الغافـر التوابـي = وأحمني من كل زلـه منطـقٍ مزهوفـه
في السوالف والقصايـد سلبـي وإيجابـي = وفي ردود أفعالهـا محمـوده ومأسوفـه
والطبايـع فـي الأوادم للحيـاة أغرابـي = والتصادم في مفاهيـم العـرب مسلوفـه
في طرفها المرء لا يسعـد ولا يرتابـي = والمنافـع والضررعفويـه ومهـدوفـه
يعني ما تحكم على الصادق من الكذابـي = من عدم صدق النوى والغايـة المكشوفـة
أحداً ما يدخـل الحسبـان بـأي حسابـي = وأحدٍ يؤخـذ كلامـه وصفـةٍ موصوفـه
والسهوله للنفوس أقـرب مـن الصعّابـي = والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي = من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بـي = ليل هقواتي طويـل وشمسهـا مكسوفـه
كل ما ضنيت ضناً فـي كنفهـا غابـي = عندها أوهامي ضحاياها ضحايا الكوفـه
أحسن أجيها زهابي في ظهـور اركابـي = لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي = وإنشغالي من قوييـن الدهـر وضعوفـه
والوفاء والصـدق للصدّيـق والخطابـي = والظفر لإبن الوليـد بعزوتـه وسيوفـه
والجناب اللي وداده جهـر ماهـو غابـي = تصلح ضروف الدهر والا تشين ضروفه
من وجودي يسفهّل .. وينشغـل بغيابـي = كل منّا غايتـه مـع صاحبـه معروفـه
فيه بسطـي الأحمديـه إمتـداد إرحابـي = والطموح الماجـدي والفطـرة المألوفـه
الإنبساط والإنسجـام وقمّـة الإعجابـي = والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي = المهـم إن مانـي بمرتـاح ليـن أشوفـه

سعد بن جدلان الأكلبي [/poem]

مطلق ..... أنشهد إنك ...... مطلق ..... ( بيض الله وجهك)
 

[poem=font="Simplified Arabic,4,darkblue,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يعني ما تحكم على الصادق من الكذابـي=من عدم صدق النوى والغاية المكشوفـة
أحداً ما يدخل الحسبـان بـأي حسابـي=وأحدٍ يؤخـذ كلامـه وصفـةٍ موصوفـه
والسهوله للنفوس أقرب مـن الصعّابـي=والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي=من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بـي=ليل هقواتي طويل وشمسهـا مكسوفـه [/poem]

اخوي الغالي
مـــطلـق
تسلم إيدك على نقل قصيدة هذا الشاعر العلم العملاق الذي لا يشق له غبار في عالم الشعر
و لا تخلينا من مشاركاتك الرائعه أمثال هذه المشاركه ولا هنت على كل حال
اخوك
ابو ابراهيم العبيدي

تسلم يمينك يالغالي : مطلق ..

وسعد بن جدلان الأكلبي غني عن التعريف وقصايده جزله وله قصايد كثيره وهذه منها ودائما معانيها فيها من الفوائد والنصح والكرم والشجاعه ...

تسلم والله يعطيك العافيه