عبدالله بن شايق وفيصل الرياحي محاورة غناتي الاخيره
 

هذه المحاوره جرت بن كل من الشاعر الكبير عبدالله بن شايق والشاعر فيصل الرياحي

في الحفله التي اقامها الشيخ عبدالهادي بن معيض الحبابي في قاعة غناتي يو الخميس 4/10/1427هـ

بحظور الشعراء فلاح القرقاح و مهدي الحبابي و محمد السناني و عبدالله بن عتقان و ابراهيم الشيخي

نترككم مع المحاوره ونتمنى ان تحوز على رضاكم
.
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بن شايق
مراحب وارحبو يا مرحبا ترحيب شوق حار = أحط ايدي على العله وآداويها وآعالجها
انا والله ما آبسط لين آثور عجة الشعار = وآشوف الملعبة يختظ داخلها وخارجها
الرياحي
يدوم لك البقاء دام البقا عند اللقاء ما بار= لنا منهج ونعرف عادة الناس ومناهجها
ليا حصلت لك بستان حول وأقطف الازهار = ترى العربان تقدر تحرجك قدام تحرجها
بن شايق
صدق من قال يا زين العلوم ان سلمت التكرار = وكذب من قال ترديد السوالف مايسمجها
أنا عندي سفينة طايرة ربانها طيار = بحرها للجنايز والمقابر في مدرجها
الرياحي
أنا خابرك تاجر تعرف الاسواق والتجار = لكن أذاعتك منذو سنه خربت برامجها
تحولت السفينه طايرة يا لله يا ستار = سفينة طايرة صوب السماء وانت امتولجها
بن شايق
انا بالشعر متنبي شهاده من طوال اعمار = وانا ما آهرج الكرعان بل الروس آهرجها
يقولون الرخوم تشك لكن الحرار احرار = آسمع ناس واسمعها ما تزعجني ولا أزعجها
الرياحي
وانا للشعر مثل الجامعة يا الطالب المكار = أدرسك أنت مع طلابها واحضر تخرجها
ابن شايق خطب ليلى وأظنه حلم ليل وطار = خطبها له ثلاث سنين وازرى ما تزوجها
بن شايق
يا زين العفو والغفران يا معبود يا غفار = عرب متشنجه واليا متى يكبر تشنجها
بغيت أنسى هوى ليلى وآطلق حبها السحار = لكن ليلى حلالة قوم ساحرني تغنجها
الرياحي
أنا بآخيرك يا خوي في المعذار والمقدار = ترى ظيفك ما حقه بالعلوم اللي تمروجها
زمانٍ فات تغنج لك وتهرج لك بعض لسرار=وهالحينه ما تقبل لو على ظهرك تحججها
بن شايق
مسا الخير وصباح الخير ودك خير ولا خار = كلامي جرهدي ماهو بـ اشاعاتٍ تروجها
لنا وجه ولنا جاه ولنا مثل القبايل كار = وبعض الناس لا كار ٍ ولاجاهٍ ولا وجها
الرياحي
علومك لا تطولها يا بن شايق وهي قصار = ترى الافعال والاقوال تحسب من نتايجها[/poem]

رد : عبدالله بن شايق وفيصل الرياحي محاورة غناتي الاخيره
 

ابو مسفر


بيض الله وجهك على هذا النقل الجيد



وبيض الله وجه بن شااااااايق على هذه الرائعة



وهذا العشم في شعراء قحطان



تحياتي يا ذيبان



اخوك

رد : عبدالله بن شايق وفيصل الرياحي محاورة غناتي الاخيره
 

رد : عبدالله بن شايق وفيصل الرياحي محاورة غناتي الاخيره
 

لاهنت لاهنت



تقبل تحياتي

رد : عبدالله بن شايق وفيصل الرياحي محاورة غناتي الاخيره
 

جعلني والله مابكييك ياذيبان بالحرام
وبالطلاق انك كفو ووافي يا شبل قحطان
وهذا المحاوره عادت بنا ايام الاسطوره
ابن شايق يوم كان يرج الشعراء رج
الف الف الف شكرللاستاذ المبدع القويقل

رد : عبدالله بن شايق وفيصل الرياحي محاورة غناتي الاخيره
 

لاهنــــــ يالذيب ـــت

رد : عبدالله بن شايق وفيصل الرياحي محاورة غناتي الاخيره
 

الله يعطيك العافية على النقل الجيد
ومشكور يابو مسفر

رد : عبدالله بن شايق وفيصل الرياحي محاورة غناتي الاخيره
 

لا هنت على النقل ياذيب وبيض الله وجهك لا عدمناك

رد : عبدالله بن شايق وفيصل الرياحي محاورة غناتي الاخيره
 

القويفل

ألف ألف شكر لك على النقل الرائع والمميز


وبيض الله وجهك ابن شايق وصح لسانه

وصح لسان أبو بدر

شعار من الوزن الثقيل ومحاورة رائعه كروعة الشعار ،،


أخووووووووك

رد : عبدالله بن شايق وفيصل الرياحي محاورة غناتي الاخيره
 

أرحب لاهنت ياذيبان بيض الله وجهك