نصــــــيحــــه/نصــــــيحــــه
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابدي بذكر الله على نظم الاشعار=علام مستقبل زماني وماضيه
علام مكتوم الضمير والاســــــرار=رب الملا تخشى عذابه وترجيه
وخلاف ذا ياللي تطيعون الاشوار=خوذو كلام من ضميرى مسويه
خوذو نصيحة حاير الفكر محتار=عاش الزمان وذاق مره وحاليه
لاتامنون الوقت فالوقت غدار=كم واحد خانت حياته لياليه
دنياه تزرع له بختري ونوار=اليوم تضحك له وبكره تبكيه
ترى الفخر من قبل قصاف الاعمار=للي ستر عرضه وفرضه مصليه
وترى الفخر لمكرم الضيف والجار=واللي يعرض الروح من دون عانيه
وترى الفخر للي اليا جاه محتار=ماراح منه مفلسات اياديــــــــه
وترى الفخر للي على الوقت صبار=لاخانت الدنيا بعيد (مناصيـــــه)
وترى الفخرللي ركب على قحص الامهار=لاجا نهار كاثرات عزاويه
هذي تماثيلي وفي الناس شعار=والحق كل ياخذه ثم يعطيه
وبيت بليا ساس تراه منهار=لو كان من فوق الثريا مبانيه
وتمت وصلى الله على سيد الابرار=صفوة قريش اللي تبعنا مماشيه[/poem]

رد : نصــــــيحــــه/نصــــــيحــــه
 

ارررررررررررحب يالقرم بيض الله وجهك على القصيده الرائعه
للشاعر فهد المحيشير رحمة الله
لاهنت
تقديري لشخصك العزيز
http://www.d1m3.com/vb/images/smilies/zmnn201436.gifhttp://www.d1m3.com/vb/images/smilies/zmnn201436.gifhttp://www.d1m3.com/vb/images/smilies/zmnn201436.gif

رد : نصــــــيحــــه/نصــــــيحــــه
 

صح لسانك لاهنت......................

رد : نصــــــيحــــه/نصــــــيحــــه
 

صح لسانك





لاهنت



يعطيك العافيه



تحياتي

رد : نصــــــيحــــه/نصــــــيحــــه
 

ارحب وصح لسانك

والله يجمل حالك

قصيدة جزله وتطرب

لاهنت

بس عندي ملاحظه القصيده لها 5 سنين وتزكم تردون اليوم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

رد : نصــــــيحــــه/نصــــــيحــــه
 

ابن سعيدان الله يعطيك العافيه وقصيدة جزلة من رجل وافي

رد : نصــــــيحــــه/نصــــــيحــــه
 

بيض الله وجهك على النقل ..

ورحم الله الشاعر فهد المحيشير ..