((( قالت إن الحال واقف.. قلت يآقف )))
 

صلو على محمد

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=sp num="0,black"]
قالت إن الحال واقف قلت ياقف=ماعلى مثلي ملام ولا خطيَه

جيت لك منصاب من دنياي عايف=بلا ذلول ولا جواد ولا مطيَه

ولا عطيتي غير رمحٍ بالنحايف=فتَق جروحي وياكبر العطيَه

كل جرحٍ ما حكت عنه الشفايف=قصته بين الحنايا سرمديَه

ما جفيتيني أنا أدري بس شايف=جمرتين البعد بالعينين حيَه

عينك تلمح وأنا راعي الوصايف=كيف ما أفهم نظرة العين الخفيَه

أعترف لك ماجنيت إلا الحسايف=ولا طردت إلا سراب المهمهيَه

ولا يهمك لا رحيل ولا كلايف=التعب طبعي وهو مني وليَه

سلهمي بالسود والبيض الرهايف=لن تبدت أنطوي مليون طيَه

والله إني مارقيت إلا النوايف=ووالله إني ما نزلت إلا هنيَه

بين ...... تقل رمان طايف=ضمَت القلب المشقَى الأجوديَه

ولا بأطرَي لا جديل ولا ردايف=وإسمحيلي لو تعدينا شويَه

ويش أسوَي وأنتي اللي بالوصايف=ماخلق مثلك شبيه ولا حليَه

ماقويت أوصف جمالٍ فيك كايف=والله إنَه ملحق الخفَاق كيَه

أضحك وقلبي به جروحٍ نزايف=وصدق مايضحك سوى شر البليَه

جيت لك ضيفٍ تعرَض للكلايف=والكرم طبع البدو وإنتي بدويَه

ولا ذبحتي لا سمان ولا عجايف=ماقلطت إلا على لوم ورزيَه

ما أخاف ورحت عز الله خايف=والوكاد إنَي جذبت السامريَه

وما أظن يطري على بالي نكايف=يم دارٍ كل أبوها عنجهيَه

ياكبر حجم الخطأ والعذر هايف=وكن بين القلب وأخطائك حميَه

يعتذر عنَك ويقول إنها خفايف=واقفٍ ويَاك في وجهي سويًه

قلبي بقلبك يابنت الناس رآيف=وإنتي تمدَين لي ظلم وأذيَه

ينقفل بابك وأنا بابي مسايف=أنتظر طول العمر والحلم جيَه

ولا لفيتي هذي دروبي نظايف=مابها إلا جرَة الرجل الشقيَه

ليه أحَد النفس ؟ والخفَاق عايف!!=دام قلبي ماله إلا الطيب نيَه!!

قالت إن الحال واقف.. قلت ياقف=ماعلى مثلي ملام ولا خطيَه[/poem]

رد : ((( قالت إن الحال واقف.. قلت يآقف )))
 

صح لسانك يامعيض


ابدعت يامبدع والجزاله نبراسك


سجل إعجاب اخوك


لاعدمناك


.

رد : ((( قالت إن الحال واقف.. قلت يآقف )))
 

السلام عليكم ورحمة الله وبركاته


الشاعر معيض


صح الله لسانك


قصيده قمه في الروعه وفي الوصف ... !!!


سجل اعجابي ... ،،،



،،

رد : ((( قالت إن الحال واقف.. قلت يآقف )))
 

الأخ فارس قحطان فارس قحطان

وعليكم السلام ورحمة الله وبركاته

أرحب بحساب السيل

وصح بدنك ياطويل العمر

والله لا يهينك على المرور الكريم

اعجابك أفتخر به كثيرا ووسام على صدر هذه القصيده

لك كل التقدير

تقبل تحياتي

دمت بخير.

رد : ((( قالت إن الحال واقف.. قلت يآقف )))
 

أرحب ياسعد

وصح الله بدنك

اعجابك محل التقدير

لاهنت يالغالي

تقبل تحياتي

دمت بخير.

رد : ((( قالت إن الحال واقف.. قلت يآقف )))
 

معيض


صح لساااااااااانك


ولا تحرمنا من جديدك

تحياتي

رد : ((( قالت إن الحال واقف.. قلت يآقف )))
 

صح لسانك يامعيض


وفي أنتظار جديدك بكل شوق




أخوووووك

رد : ((( قالت إن الحال واقف.. قلت يآقف )))
 

رد : ((( قالت إن الحال واقف.. قلت يآقف )))
 

صح لسانك

رد : ((( قالت إن الحال واقف.. قلت يآقف )))
 

بسم الله الرحمن الرحيم



عبدالله المهداني..........



بن غفره.......................



سعد الوهابي..................



علي الفهد...........................




أرحبو بحساب السيل


والله لايهينكم

وصحت أبدانكم جميع

مروركم الكريم إضافه لهذه المتواضعه


وإشادتكم وإعجابكم مما يسعدني وأعتز به كثيرا


لكم الشكر الجزيل


تقبلو تحيات أخوكم معيض

ودمتم بخير.