(( عروق ومشاريه ))
 

[poem=font="Simplified Arabic,7,black,bold,normal" bkcolor="transparent" bkimage="" border="none,medium,gray" type=3 line=1 align=center use=sp num="0,black"]



لو للعتب في بعض الأحوال قيمه=ماوالله أحمل في عروقي مشاريه

بعض العقول عقول لكن سقيمه=وبعض العرب عرفه عن الحق مقصيه

آرآء .. واجد .. لكن إنها عقيمه=وكلٍ على ماقيل ... رآيه يقديه

"البعد سعد " إي وربي غنيمه=للصادق اللي منافقينه حواليه

الصدق عيب وله عواقب وخيمه=والجود عار وويل منهو يخاويه

النذل يوصل بكل قدر وحشيمه=به يفتخر ربعه وباقي عوانيه

الذيب له قصه وقصه قديمه=والحمل لو ينسى زمانه يربيه

ياطيب محتالٍ يحايل نديمه=ألفين نعمٍ به عسى الله يخليه

ياذا الزمن يكفي بغدر وظليمه=تسوقني للشين والشين مآبيه

ياويح ويحك يازمان الهزيمه=وياشق جيبك من هروج المسافيه

أبطيت أخيل البرق ماهل غيمه=واللي إيتجمل بي قديمه معانيه

ياسيدي لوهي غريم وغريمه=يرتاح قلبي من عذابٍ عثى فيه

مير البلا لاصار جسم ويديمه=بلوىً بلت قلبٍ كثيره بلاويه

وياسيدي لوهي هروج ونميمه= كان إسترحت وما بقى شىٍ أخفيه

طال المدى والسيف هذا حطيمه=متثلمٍ ياسيدي وأنت راعيه

ولو للعتب في بعض الأحوال قيمه=ما والله أحمل في عروقي مشاريه[/poem]

رد : (( عروق ومشاريه ))
 

ارررررررحب ارررررحب





يشرفني ان اكون اول من عانق هذي القصيده الشامخه..







قصيده جزله من شاعر متمكن ويملك الكثير والكثير من الابداع..







صح الله لسانك







تقبل تحياتي,,

رد : (( عروق ومشاريه ))
 

أرحب ياسعد..........


تشرفت بمرورك الكريم..........


لك الشكر والإمتنان على ماكتبت..........


دمت بخير وتقبل تحياتي......

رد : (( عروق ومشاريه ))
 

ارررررررررررحب وصح الله لسانك

تقبل

وافر


التقدير

رد : (( عروق ومشاريه ))
 

أرحب أرحب ياجبل بن زيد

صح بدنك


لاهنت على مرورك الكريم


تقبل تحياتي

دمت بخير

رد : (( عروق ومشاريه ))
 

معيض الزهيري



صح السانك قصيده وافيه وجزله


قصيده تستحق الاشادة ونفخر بشاعر مثلك ينثر ابداعه هنااا


تقبل تحيااااات



اخوووووووك



.

رد : (( عروق ومشاريه ))
 

صح لسانك على هذا القصيد الجزل

رد : (( عروق ومشاريه ))
 

أرحب أرحب أرحب يالقويفل بعداد السيل...

مرورك واشادتك تشرفني.......



وللتصحيح اسمي معيض بن صميع الزهيري


ولاهنت على كل حال


تقبل تحياتي ودمت بخير.

رد : (( عروق ومشاريه ))
 

بسم الله الرحمن الرحيم


الأخ الكريم سنحان بن عامر


أرحب الله يحييك........

مرورك الكريم أسعدني

لاهنت وصح الله بدنك........


تقبل تحياتي ودمت بخير.

رد : (( عروق ومشاريه ))
 

المعذره على الخطأ الغير مقصود


تم التعديل