ال معمر ومنصور العبدالله
 

السلام عليكم ورحمه الله

الرجاء من المشرف ال معمر عدم الدخول

يعني أقضب عفشك والباب ولاتكمل الموضوع

أخواني الأعضاء

أنا قدر الله علي وصرت مشرف في هذا المجلس

وقالوا أبشر بالخير

والمهم لي شهرين ماسلموني ريال ولا أدري وش أسوي

وأنا أكبر أخواني وأبوي متزوج 6 ( أربع أساسيات وثنتين إحتياط)

وعندي عايله كبيرة 180 ولد و 180بنت ( كلهم توفوا... الله يخليهم)

ورحت لفارس قحطان وشكيت له الحال وريتة صك مصورة ( أخذت صورة من ورقة مع شحاذ عند مستشفى الشميسي)

وجيت عند فارس وقعد يهايط علي ويقول توك وأصبر وفي الاخير ضربت الباب بالرغم من ماله ذنب

المهم رحت عند الن غفرة

وعطيتة العلم

وقال أنا الحين عندي إستلام وأجل الموضوع

وفي النهايه رحت لأخوي ال معمر........... كحيلان

وأجي وأدق عليه الباب ( علشان جرسهم خربان) الا ويطمر

ويرحب ويسوق القهوة والعود الأزرق

ويعطشيني نواشف على شكل مفطح

هو مفطح

وماقصر الرجال وعطيتة علمي بعد العشاء

قال أنا رحبت بك.... قلت إيه

قال قهويتك...قلت إيه

قال عشيتك ...قلت إيه

قال كرمت غترتك بالعود والدهن... قلت إيه

قال أجيب لك عصير عرايس....قلت لا

أنا رجال ماسلموني راتبي............ قال حتى أنا ماقد عطوني ريال

قلت والحل .... قال ماعندي حل

قلت طيب أنت عندك فوق 270 نقطة ( سمعة ) وأنا ماعندي الا 29

عطني منها 150 نقطة ... أقل شيء

وأنا ببيعها وأتصرف

وعيا الله عليه لا أنحل ولا أربط

واليوم تراني أعلنها مدويه في هذا المجلس

وترى عندي بنزين وولاعة وممكن أفجر المجلس في أي لحظة

وعلشان كذا جيت اليوم أسلم عليكم وأبارك لكم بالشهر وأبي رأيكم...

وأنا قاعد أفكر شلون أورط فارس مع ابن غفرة مع ال معمر مع بعض

وأخليهم يتناشبون

علشان كذا أي أحد عندة فكرة شيطانيه .. فياليت لا يبخل بها علينا

المهم هو الإنتقام بس.......................

والحين كل واحد على فصله............. قصدي سلامتكم

رد : ال معمر ومنصور العبدالله
 

مسكين اخوي منصور
جلست اذرف دموع وانا اقرى قصتك ـ كاني جالس في حسينية بالبحرين
:1108276363: :1108276363: :1108276363:

عندي لك شورن طيب ..
جب الثلاث لليابان نعشيهم في مطعم خبرك وعلمك .. بس ماني مكمل.
:1108276351: :1108276351: :1108276351:

رد : ال معمر ومنصور العبدالله
 

ولا يهمك يا منصور
نقزتها من 29 الى 41



اما نناشب فارس وال معمر وابن غفر ه فاسمح لى المعزبين ولا نقدر نسوى لهم شى

رد : ال معمر ومنصور العبدالله
 

السلام عليكم ورحمة الله وبركاته



يامنصور ترانا في رمضان :(



وفضحتنا في سالفة الرواتب



خلاص بنصرفها بعد العيد :(



.

رد : ال معمر ومنصور العبدالله
 

اقول سبحان الله يعني منتدى قحطان شبيه بجامعه الملك سعود هههههههههههههههههههههه المكافات ماتنزل الا لين يكحكحون الطلاب
مشكور على القصه ولي عودة

رد : ال معمر ومنصور العبدالله
 

مشكور اخو ي الغالي

قصة جميلة ورائعة


الله يعطك العافية

شكلك معلم .....كل واحد على فصله


دمت

رد : ال معمر ومنصور العبدالله
 

خخخخخخخخخخخخخخخخ

الله يرجك يا منصور

أهم شيء إني أكرمتك وطيبتك

وبالنسبة للدراهم والشرهات من اختصاص فارس قحطان

وانت تدري ما بيدي شي

واما السمعه فالمثل يقول

الرازق في السما والحاسد في الارض خخخخخخخخخخخخخخخخخخ

ياخي هذا من شغل المزرعة ... اشتغل فيها ليل نهار

وانت راقد ولا قمت تروح تتشمى

بامانه يستوون والا لا ؟؟

لكن مهما صار انت عزيز وغالي وما اقدر اقول لك شيء

وانا اعلنها امام الجميع وحتى لا تقوم بأي أعمال إرهابيه

أعلن بأنني ساتبرع لك بنصف ما معي من سمعه

فأنت مشرف معي في الاستراحة وما معي الا الله ثم انت

ولذا ما اقدر اخسرك نهائيا

ابشر بنص ما معي واذا ما كفاك فابشر بالنص الثاني

وكل شي يهون الا زعلك

لا تفكر انها اخلاق ولكن لأنك رجعت لنا بالسلامه بعد غياب طويل :)

الحمد لله على سلامتك والاستراحه من دونك ما تسوي :)

رد : ال معمر ومنصور العبدالله
 

ههههههههههههههه



بارك الله فيك الله يعطيك العافيه




لاهنت

رد : ال معمر ومنصور العبدالله
 

وادي الغلا

الله يرج عدوك

اما على موضوع الاخوان الثلاثه أرسل صورهم الى Vpi

وهم يخفونهم................................ بقضية تلاعب بمشاعر موظف ......وعاد أنت كلك مشاعر

رد : ال معمر ومنصور العبدالله
 

السنجاب
كل عام وانت بخير
أقول لك الحين مفلس وأنت تقول جبهم لليابان
ومنين أجيب حق التذاكر
حق التذاكر حقتهم تصير ثلاث رواتب يالسنجاب
عاد أنت ياليابان.....أكيد فيه شيء جديد
تحياتي يا رائع
--------------------------------------------------------------------------
الفرعيني
والله إنك كفوء.... على راسي والله
بس ليش خايف من المعزبيين... من خاف ماعاش
أنت فكر بخطة وأبشر بعزك
------------------------------------------------------------------------------
فارس قحطان
شوف ماني بعيد الا معك ونصلي سوا ونشوف
تحياتي لك ولمرورك الرائع
------------------------------------------------------------------------------
الزهيري المغترب
شفت اللي يصير خلف الكواليس...عاد والجاي أكثر
ننتظر رجوعك وعودتك
------------------------------------------------------------------------------
محمد الحياني
لا والله يابو حميد لو إني مدرس كان معي راتب
هلا بالهطله الحلوة
------------------------------------------------------------------------------
ال معمر
والله كفوء والف كفوء
تصدق أحرجتني بأخلاقك العاليه ( شايف بركة رمضان)
خل نقاطك لك والحلال واحد وحن نكمل بعض
( ماقلت لك لا تقرأ الموضوع في البدايه...طيب شلون الواحد ينشب على كذا)
----------------------------------------------------------------------------------------------------------------
ظافر بن جعشان
هلا والله بمرورك الكريم
والدعوى سوالف ومزوح ونبي نغير جو الشباب شوي
تحياتي لك ولاتحرمنا من مرورك الكريم
--------------------------------------------------------------------------------
بن خرصان
وش VPi.......... صالون ولا جمس هذا
أتوقع قصدك FBI
إيوة كذا هذا التفكير ... وهذه الأفكار اللي نبيها
مشكور يابن خرصان وياليت ترتب للموضوع وتبلغ أنت وخل الباقي علي
تحياتي لك يا رائع
-------------------------------------------------------------------------------------------------------------

وكل عام وأنتم بخير والشهر عليكم مبارك