(( الرابح اللي ما تجيه الهمومي ))
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالربع انا ما شفت مثل الهواجيس=لما رمعني هاجس طار نومي
وصارت على قلبي هموم وكوابيس=لي راح زفل جاه الاخر يحومي
أهون علي خيلٍ تجيني كراديس=وقومٍ عليها هازمٍ ومهزومي
ولا مقالب حاجةٍ عند دليس= علة نحر ماهو يسد اللزومي
يضيع فكرك وتّشتت الاحاسيس=وتعرض عليك المشكله كل يومي
وليا جيت ترقد ذكرتك الوساويس=الموقف اللي صرت عنه محشومي
هذا بلاي وعلتي يالسناعيس=ياهل الوفاء ياطيبين السلومي
واعوذ بالله من عناء الوقت وابليس=الرابح اللي ماتجيه الهمومي[/poem]

حامد الجذع

قصيدة ممتازة تشكي حال راعيها
وانصح الذي يريد ان يسمعها بصوت الشاعر نفسه ان يقتني شريط (عذب القوافي)وهوشريط مميز يباع في التسجيلات الاسلامية







اخوكم:
ابومسفر القحطــــــــــــــــــــاني

الاخ الكريم حامد الجذع

السلام عليكم

انشهد انك صادق
وقصيدة فعلاً معبره .
وكم تجرع الكثير منا شيئاً من هذه المواقف

يعطيك العافيه أخوي
قصيده جدا رائعه ......وصح لسانك وسلامت الجميع من الهموم ...والهواجيس

صح لساااااااااااااانك يابو راشد شاااااااااااااعر جزل بمعنى الكلمه

وقصيده روووووووووووووووووعه

ابو راشد صح السانك على القصيده المعبره

صح لسااااانك يا وجه ولد الحارث



تحياتي