شبكة قحطان - مجالس قحطان - منتديات قحطان - ما مثل أخوك اللي يحبك ويغليك

- مجلس عذب الكلام (https://www.qahtaan.com/vb/forumdisplay.php?f=16)

- - ما مثل أخوك اللي يحبك ويغليك (https://www.qahtaan.com/vb/showthread.php?t=15361)

ما مثل أخوك اللي يحبك ويغليك

إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام

قصيدة ثمينة ومؤثرة للشاعرة / ليلى سعد عباس الحربي تقول فيها:

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الناس واجد مير ما مثل الاخوان =ما مثل اخوك اللي يحبك ويغليك

ما مثل اخوك اللي صدوق ومعوان =تفديه بالغالـي وبالـروح يفديـك

يشكي لك جروحه وهمه والاحزان =ولا ضاقت الدنيا بهمك يواسيـك

لو كان لك ربعٍ ونـاسٍ وجيـران =ما مثل اخوك اللي عن الناس يغنيك

أخوك هو عزك ولو كان ما كـان =يبيع كل الناس لأجلك ويشريـك

أنا أشهد أنه لك على الصدر نيشان =تاجٍ على راسك وستـر يغطيـك

وانا اشهد انه مـا يثاقـل بميـزان =مثل الذهب والماس مافيه تشكيك

وانا اشهد إنه ما يقـدر بالاثمـان =عن العدو حصـن ودرع يوقيـك

إياك لا تفتـح طريـق لشيطـان =بينك وبينه جعـل ربـي ينجيـك

ولا تستمع لاجاك علان وفـلان =يا كثر ما تسمع من اللي يعاديـك

ولا تجعل لغيرك على العقل سلطان =ترى كثير اللي بشـوره يدهويـك

ترى الدهر دوار يا سرع الأزمـان =يومٍ تواريـه الثـرى أو يواريـك

تقول يا ليت الذي كـان ماكـان =يا ليتني بالقبر جنبـك واخاويـك

يا ليتك تعود واضمك بالاحضـان =أضمك لصدري واقبـل أياديـك

يا ليتك تعود ترى القلـب ندمـان =وده يسوق المعذرة ثـم يراضيـك

مير البلا يا ليت مـاردت إنسـان =ويا ليت ما تمحي ظلام بما ضيـك

تماكن الدنيا وواصـل بالاحسـان =قبل الندم يطويك والهـم يبريـك

ونهاية المشوار ما غيـر الاكفـان =ويبقى مع السارين ذكرك وطاريك[/poem]

وسلامتكم...