تضحك وكن البرق قد لاح في الغيم ****** تهمس وكن الملك برهن وقاره
 

[poem=font="Arabic Transparent,4,black,bold,normal" bkcolor="transparent" bkimage="backgrounds/24.gif" border="double,thick,gray" type=4 line=0 align=center use=ex num="0,black"]
تخاطرت الافكار عندي معازيم=وقلطتها صدر ن فتك به حصاره
وقدمت من زاد الشعر .. خير تقديم=يغني عن الحيل .. وصللنا ..وناره
وكسرت في هاجوسها جرة الضيم=وسكبت شعري في صريح العباره
هرج ن ثمين بغالي المال قد سيم= والسوم لو هو باهض ن به خساره
ماهو من خطوط الوهم والطلاسيم=صاينه في فسحه.. أو اقصى مغاره
صخرته بغب السما .. كنه الديم=في سيدة حسن البهاء .. والاثاره
جرح ن لها علّم بقلبي تعاليم= وردني حتوف القهر والمراره
وكي ن له بعرق الغلاوه مياسيم=وصدوف هدات الليالي شعاره
صد الهنوف اللي خذت مرتع الريم=سوقوا لمرباع ن رعت به بشاره
اللي خذت لب العقل .. دون تكليم=بالشوف.. دون الراي.. دون استشاره
واحيت به الجدب .. القحول..المهاشيم= واستوطنت..كون الفؤاد ومداره
تضحك..وكن البرق.. قد لاح في الغيم= تهمس..وكن الملك.. برهن وقاره
وعين لها خرسى..عذاب الهياييم= في نونها.. مجد الزمن.. والحضاره
والجادل اللي ماانعرض لي تقسيم=ليل ن طويل العمر..ماجا نهاره
بنت الرجال العاربين المقاديم=من بيت من يقري ضيوفه.. وجاره
هيبة فعوله..بالسيوف المقاصيم=شيخ ن موشى.. على الكرم والاماره
سلام وافي ن لك .. ومليون تسليم= عليك ياقرم ن يمشي قراره
ربعه..كرام النفس..ماهم مذاميم=اهل السخا..والجود..واهل الصقاره
ومن زود مااعشقها ..؟عكست المفاهيم=وعشقت عانيهم.. وابوها.. وداره
سيفه.. وخيله.. والنياق المجاهيم=ومجد ن مع اسمه.. يملكه..مااستعاره
مادام في النوه بروق ن مواسيم= فابشر بغيم ن ياقصيدي مساره
من عالي النايف .. الى واطي خريم= يبللك مزن ن .. كسرك انتظاره
وبل ن كست قاعي مزونه مرازيم=واطفت من الحرمان ..؟راس الشراره
قولو لها النازح.. رجع .. ماصبح امقيم= ومن صمت حبه .. غاسل ن كل عاره
وقولو لها اي سين..؟ حله.. في الجيم= والشوف يجبر خاطري .. وانكساره
لاتبتعد .. من دونها النور تقتييم= وبشوفها الضامر.. يزيد ازدهاره
وشلون ابنسى والعواطف مظاليم= وانا محارب للخمر .. والزقاره
وشلون بسلى .. دون ماايم تمييم= لوجه الكريم ادعيه.. وارجي بحراره
الله دعيته.. وانتشل كل تعتيم=وحبيبها التايه ..تنور مساره
باح بكنينه يالخشوم المشاريم= صلى لربه .. فالسحر ..واستخاره
وجيت لوطنها .. ارنم الطرق..ترنيم=عليك يابدر ن ..يصونه خماره
جيتك وانا مجلي عن الخافق الضيم=والسعد لك.. قد دق ..دفه ..وطاره[/poem]

رد : تضحك وكن البرق قد لاح في الغيم ****** تهمس وكن الملك برهن وقاره
 

حجززززززززززززاول ولي عووووووده

رد : تضحك وكن البرق قد لاح في الغيم ****** تهمس وكن الملك برهن وقاره
 

الله واكبر علييييييييييييييييييييك




عبدالله ..

والله اني قرأتها مرارا وتكرارا .,...

وتشرفت بقرائتها


سجلني احد متابعيك يابوسعيد ..


صح لساااااااااااااااااااانك ...

رد : تضحك وكن البرق قد لاح في الغيم ****** تهمس وكن الملك برهن وقاره
 

لاهنت يابو سعيد

وصح السانك يالجزل

رد : تضحك وكن البرق قد لاح في الغيم ****** تهمس وكن الملك برهن وقاره
 

صح لسانك ويسلم بنانك ياعبدالله

حبك وسبك وصوره مترابطه

مزيد من العطاء ياذيبان

وتقبل من بحر كل الود

رد : تضحك وكن البرق قد لاح في الغيم ****** تهمس وكن الملك برهن وقاره
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وقدمت من زاد الشعر .. خير تقديم=يغني عن الحيل .. وصللنا ..وناره
وكسرت في هاجوسها جرة الضيم=وسكبت شعري في صريح العباره
هرج ن ثمين بغالي المال قد سيم= والسوم لو هو باهض ن به خساره
ماهو من خطوط الوهم والطلاسيم=صاينه في فسحه.. أو اقصى مغاره
صخرته بغب السما .. كنه الديم=في سيدة حسن البهاء .. والاثاره[/poem]
صح الله لسانك يابوسعيد وافي وجزل
تقبل كل الموده والاعجاب

رد : تضحك وكن البرق قد لاح في الغيم ****** تهمس وكن الملك برهن وقاره
 

عبدالله بن سعيد البشري ... مبدع بكل ماتعني الكلمة

حبك

سبك

جزالة في المعنى

طربت لسماعها .. وأستأنست عيني برؤيتها

لله درك

وتحياتي لك

رد : تضحك وكن البرق قد لاح في الغيم ****** تهمس وكن الملك برهن وقاره
 

اررررررررررررررررررررررررررررررحب يابو سعيد ارحب ارحب تراحيب المطر

وصح لسااااااانك يالوافي ملييييييار واعتلا شانك ,,,,,

وش أقول

يكفي إن شاعرها عبد الله بن سعيد

وافيه وافيه وجزله جزله ,,,,,,,,,,,,,,,,, & يعني إلى مالا نهايه


تحياتي لك

رد : تضحك وكن البرق قد لاح في الغيم ****** تهمس وكن الملك برهن وقاره
 

صح الله لسانك ياعبدالله


قصيده اكثر من رائعه


تقبل تحياتي

رد : تضحك وكن البرق قد لاح في الغيم ****** تهمس وكن الملك برهن وقاره
 

صح لساااااانك


قصيده وشاعر

بيض الله وجهك


تحياتي