رشيد الزلامي و محمد السناني(محاوره)
 

السلام عليكم ورحمة الله وبركاته

أقدم لكم محاوره تجمع شعارين من شعراء المعنى

الـــــــــــشـــــــــاعـــــر/رشــــــيـــــــد الزلامي
و
الـــــــــــشــــــــاعـــــــر/مــــــحــــــمـــد السناني

[poem=font="Arabic Transparent,5,white,bold,italic" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
الزلامي
هلا يا مرحبا ترحيبة ترضي جميع القوم=وأنا مدري جهينه وش يزعلها ويرضيها

تراني ما نشدتك يالسناني عن علوم اليوم=أبا انشد عن علوم لي شهر وأسبوع موحيها

السناني
يدوم بك البقا والقوم ما ترضى بحب خشوم=تقدم يالزلامي للقضيه وانت قاضيها
سمعنا كلمة الظالم سمعنا دعوة المظلوم=تداوي علة المظلوم والا ما تداويها

الزلامي
ليا جت للقضا خليت عينك ماتذوق النوم=على شأن الحصاه اللي من الهضبه تدربيها
أنا والله ما قسمت الحلال ولا حضرة قسوم=لكن اشكوا على رب ليا خربت يسويها

السناني
أقول الحمد لله يالزلامي ما عليه لوم=أعرف انك تكحل عينها والصبح تعميها
من اللي قسم التفاح والرمان والبرشوم=أظن أصحابك الغالين ماليتن مخابيها

الزلامي
اكحل لي عيون رجال لن جا في العلوم علوم=وليلى ما نكحلها يكحلها بناخيها
أحد يأكل من النخله واحد من شجرة الزقوم=اخذها يا ولد متروك واقبلها بما فيها

السناني
أعرف انك سلالة قوم ما أنت من الظفر محروم=لكن فالربع افنديه عليك تطول أياديها
ما دام انك من البارح قسمت القوم فرس وروم=ترى كل محاسب بالصلاه اللي يصليها

الزلامي
يا مشا الله يبي ينفخ شريم وبرطمه مشروم=ليا حاول يشب النار جاها من يطفيها
ليا ضيعتها في وقتها ماني بها ملزوم=عساكم في الجحيم وذمتي منكم مبريها

السناني
أراد الله ومن نجم السما طاحن ثلاث نجوم=عسى الله لا يعين اللي على راسه مضويها
وحنا نحترمك ولا نبيح بسرك المكتوم=نخاف الله لو انك صرت حاميها حراميها
وســـــــــــــــــــــــــــــــــــــــــلامــــ ـــــــــــــــتــــــــــــــــكـــــــــــــــــ ـم[/poem]
تقبلوا تحياتي
أخـــــــوكـــــم
فالح المسردي

ارررحب يافالح






محاورة رائعه ومن الطراز الفاخر






صح الله لسانهم ولاهنت على نقلك المتميز..





تقبل تحياتي,,

عمالقة ودروس مجانية ، صح السان الشعار ولاهنت

بيض الله وجهك يافالح على النقل المميز


ومحاورة رائعه جداً

جمعت أثنين من أكبر شعراء الرد في الخليج


لاهنت يالغالي

فالح المسردي

صح لسان الشعراء

وصحت يمناك على النقل

البقأ ياسعد الزهيري

لا هنت على المرور

نسيم الجنوب

لا هنت على الرد

بن غفره

ووجهك أبيض

و لا هنت على المرور

اتشرف بمرورك



جبل ابن زيد

لا هنت على الرد