|
قصتي مع الجرذ
بسم الله الرحمن الرحيم
احكي لكم قصتي الظريفة دارت احداثها مساء أمس الساعة الواحدة ليلا رجعت البيت وانا تعبان مرة ما أشوف الطريق أدور الفراش المهم حطيت راسي وجالس اتقلب ويوم بديت أدخل في النومة يعني هة توني أبغط إلى وأحس بشي عند رجليني كنت أحسبة شعر الساق يتحرك من الهوا ولا يمكن الشرشف المهم طنشت شوي زادت الأحساس عندي بشي يتحرك عند رجلي والله وأطنش بس هذي المرة حركت رجلي يمين ويسار علشان تهدأ الحكة وبديت أغط أي ادخل في النوم على خفيف المهم رجعت الحركة عند أصابع قدمي وساقي أخيرا قررت أرفع راسي وأشوف وش السالفة يمكن نملة ولا على الأكثر صرصور مع أني والله تعبان وما فيني حيل بس قلت يلة علشان أفتك وأنوم. المهم وأرفع راسي وأنا ماحركت رجلي ولا حركة تدرون ليش علشان الفريسة ماتهرب ابغى أصيدها وهي غافلة. ويوم أناظر عند رجليني إلى وأعزكم الله الجرذي الي عمرة حوالي قرن من الزمان انا بصراحة متعود على الفيران الصغار أما الجراذي بصراحة أول مرة المشكلة مابعد شفت جرذي بهذا الحجم إلى في التلفزيون وبعد يمكن أصغر منه من الخرعة شتة بأقوى ماعندي فوق في الهواء طبعا هو كان على رجلي وانا على طول رفعتة بسرعة ماكان قصدي أشوتة ولو اني عرفت انه جرذي والله لأخبطة على وجهه بس اني أخترعت منذا السواد وبس ماعرفت انه جرذ إلى بعدين المهم صفق في السقف والله ياصفقتة تقل صفقت مودمي لا ولا مات طاح وزبن على طول المهم والله وطار النوم وجلست انا وياة ابي اطلعة من تحت الدولاب وعجزت وأخرتها رحت أجتريت مصيدة وأنشاء الله أمسكة حبيت احكي لكم هذة الطرفة الي صارت معي فعلا وشكرا |
هخهخههخهخهخههه
تخيلتك وانك مختلع وطاير من الخلعة هخهخهخهخهههخهخ تكفأ ... ليتني عندك وأصورك بالجوال مقطع فيديو صدقني يا شيخ إن ينتشر في المملكة كلها ..... ودول مجلس التعاون الخليجي هخهخهه حياك الله يا خالد المطيور وحيا الله أهل الخرج كلهم ويشرفنا تواجدك عندنا بالاستراحة :) تحياتي لك :) |
طالبك طلب ياخالد أذا ألقيت القبض عليه لا تقوم بإعدامه من أول ولهه >>>> رهيبه ولهه أعجبتني
بل قم بأجراء جميع عمليات التعذيب وعلى مرا الجميع من حوله لكي يصبح عبره لمن لم يعتبر ولا دخله على مجموعة قطاوه وأقعد تفرج عليه وشف النهايه الأليمه |
عندي طريقه افضل من طريقة ابن غفره
لاتخليه ينام لمدة اسبوع ولمايجي بينام ازعجه ولاتخليه ينام والله بعدها بيحس انه اجرم واخطا عليك:021: تحيات اخيك الزهيري المغترب:) |
ههههههههههههههههههههههههههههههههه ههههههههههههههههههههههههههههههههه
الله لا يهينكم على المرور والرد لكن تم بحمد الله ومنة في تمام الساعة الرابعة عصرا من اليوم الثاني وانا جالس في الغرفة حسيت فية جالس يراقبني واللع انه عير واقوم اخذ الساكتون واقعد اتختلة لين طلع يتشمشم في الغرفة وأرصة والله ماوقعت الرصاصة إلى في عينة اليسرا طبعا العين الينى طارت والمشكلة ينزف تقل مودمي هذي نهاية القصة ولا هنتو |
اقتباس:
الله يهديك ماعندك تفاهم:017: تحيات اخيك الزهيري المغترب |
خالد
الجرذي ذا ماهو بصاحي انتبه منه وان ماقدرته شب في المكان الي هو فيه خله يموت في حريقه |
عندي فكرة المرة الثانية حط قفاز الي يقتل الجرذان بين رجليك قبل تنام كذا تقضي على الفيران المزعجة
شكراً لك اخي الكريم على هذا المشاركة |
هذا جزاء العزوبية
|
بسم الله الرحمن الرحيم
تخيلتك ياخالد وانت فوق السرير متربع وعيونك علي الدولاب تبي الجرذي يطلع . ابن غفره والله تصلح محقق الله يستر منك.......هههههه تحية عطرة من طيبة الطيبة |
| الساعة الآن 06:21 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com