|
سجل رأيك بعد الاداء الباهت للمنتخب والخروج المرير.
اداء باهت لجميع افراد المنتخب دون استثناء وهزيمة قاسية (اكتب قبل نهاية المبارة بوقت كافي ) ولكن ليال العيد كمايقال تبان من عصاريها وكان بطل الاداء الباهت قلبي الدفاع الذي قلنا ولازلنا نقول انها لايملكان الكفائة لمقارعة نجوم العالم كذلك اخطاء الحارس التي تتكرر في وقت الحسم
كما ان مباراة اسبانيا القادمة وبعد هذه الهزيمة القاسية ربما تعيدنا للخلف اربع سنوات على ذكرى مونديال اليابان وكوريا على العموم جميعكم مدعون لتفريغ شحناتكم النفسية وطرح جميع آرائكم اياً كانت شدتها لمدة يوم واحد فقط ومن ثم نقاش هادف للخروج بفكرة ورأي لمنتخب يشرف |
ما يصح إلا الصحيح ولو حاولنا نضحك على انفسنا شوي ونحلم بالفوز في مقارعة ابطال العالم لازم تبين الحقائق كما بدت والخافي أعضم اقصد (الجاي أعضم) لاباس نقوي المعنويه ونتطلع للوصل للقمه ولكن لاينبغي ان نحمل انفسنا بأكثر من طاقتها وبالتالي نصاب بإحباط نفسي ونفاجأ بالخساره لأن الخساره في هذا المجال وارده بل شبه مضمونه خاصة مع منتخبنا وياعسانا ما نخسر إلا بطوله الكوره وشلون نلوم المنتخب وحنا نعرف البير وغطاه يعني ماحولنا شي والله لو بعد 50 سنه ورحم الله امرئ عرف قدر نفسه هذا ما لدي وأنا لست محلل رياضي ولا حتى متابع ولكن على ما يقولون هذي يفهما الرضيع فارس السروات لاهنت جعلك تسلم واشكرك على ماقمت وماتقوم به من إبداع وإجتهاد في هذا المجلس الحديث الذي من طيب حظه انه استفتح برجل قد المهمه ( فارس السروات ) للأمام ولك تحياتي |
اخوي الغالي فارس السروات بصراحة مريرة .... لاأدري ما اقول ؟؟؟ إداء غريب جداً ولعب متفاوت جداً :confused: والنتيجة مررررررررررر:017: ررررررررررة |
^
^ ^ حسب ماوصلني من سعد القحطاني وبرسالة جوال يقول : مجلسكم ذا الرياضي مادخل على الكوره السعوديه بخير ، ماودكم تلغونه :) ____ واقول ياسعد الوعد اسبانيا بتشوف كيف يفوز المنتخب بـ 8\0 :) :) :) |
يعلم الله أني قد قلت لاخي فارس قحطان بأن يأجل مشروع أفتتاح المجلس الرياضي إلا بعد أنتهاء بطولة العالم
لكن العجله ما يخليها وهذي النتيجة المنتخب الاوكراني يسدد فاتورة خسارته أمام أسبانيا على حساب المنتخب السعودي . المشكله أن المنتخب السعودي يوم تعادل مع المنتخب التونسي صرف أمير الرياضه 100 ألف لكل لاعب والله أنها ظلم وأنهم ما يستاهلون المية ألف والدلع الزايد للاعبين هذي نتيجته يافارس السروات أكثر منتخب عسكر هو منتخب السعوديه وأكثر منتخب صرف عليه فلوس أتوقع أنه المنتخب السعودي. وأول منتخب سوف يغادر ألمانيا شكله المنتخب السعودي ولو فيه أمكانية الرجوع لسعودية بر كان أفضل لهم ... يقولون بين الشوطين أن رئيس البعثه أرسل واحد من اللاعبين يأكد الحجوزات من المطار هههههههه يلعبون مع منتخبات لهم خبره في الكوره الأوربيه وكأنهم يلعبون مع الكويت ولا المنتخب العماني وسامي الجابر تأخرو في أدخاله المستطيل الاخضر وسعد الحارثي له فضل في تأهل المنتخب لكأس العالم وأخرتها ينحرم من المشاركة في مبارتين من أهم المباريات وإذا تبغون الصدق والله أنه بعد الهدف الثالث أوكرانيا بديت أشجع المنتخب الكرواتي من كل قلب مدري ليش !!!! هذا اللي عندي وأي شيء بيطري على بالي قبل لا تنتهي الأربعه والعشرين ساعه سوف أقوم بطرحه طرحاً مبرحاً على هذا الموضوع اللي يبرد الكبد ويخلي الواحد ينسى هم المباراه لا وا حسافه يالمية ألف من أمير الكوره في ذمتي ما يستاهلها ( المنتشري ) مدري ليه يالربع أحس أني حاقد عليه .... .. |
فارس قحطان الله يسعدك ويبعدك آسف اقصد يبعد عدوك 8/0 ذكرتني نتيجة صارت ذيك السنه ياحلو بعض الذكريات هههههه يامل القوووووووووم :021: 100000 اعصابك يابن غفره (الرازق في السماء) ياليت يعينونك رئيس رعاية الشباب .. والله ياشيخ إن تخليهم يفصلون لبسهم من خياش ههههههههه الله يبطي بحكمك |
أنا ما أحسدهم يأبن الحلال وجعلني ما أتولى عليهم أن شاء الله
وأن توليت عليهم بأمسك المنتشري والبسه خيشه وتخب عليه بعد !!! بالله عليك يستاهلون المية ألف في ذمتي ودي أنها مية ألف مطررررق !!! فارس قحطان أطالبك بتغيير الأستايل حق المجلس الرياضي حط لونه أسود لمدة ثلاث أيام !!!! تحياتي لصقور الخضر ( بالله عليكم قد سمعتو صقر وأخضر ههههههه ) ببغاااااااااء .... |
الطيور الخضر
اشكرك يافارس السروات على طرح هذا الموضوع وأتوافق مع كلام أخوي بن غفره حلالاه يالمنتشري وتكر وزايد أحطهم عند إبل الشايب حتاهم يعرفون الطنخة كل واحد فاتح فمه مايدري وينه دخ يتتابعون سوا مثل البهايم:110103_ap كل واحد مستلمله 100 ألف عشانهم تعادلوا مع تونس حدهم ملعب الجراديه أعذروني ياأخواني إن كان أخطيت لكن هذا من اللي في كبدي:017: أخوكم/ساج الوقت المشعلي |
السلام عليكم
بكل صراحه ما ادري ويشر ابدا به كان الأداء باهت بشكل عام ، الحراسه مع مبروك مهزوزه فقد اظهر عدم الخبره الكافيه ولعب مع الاتحاد في كاس العالم للانديه بمستوى تعبان وكان الارتباك ظاهر عليه ، الدفاع: تكر فهو سبب الهفوات القاتله ، المنتشري متقلب المستوى وانا كنت داري ان شفشينكو ناوي به ويبي يطلع (( الحمايط)) فيه وما قصر ، الدوخي منتهي الصلاحيه ، عبدالغني فلاعب ماقدم شي يذكر ويلعب لحاله ، اما الوسط فحدث ولاحرج لا امدادات للهجوم والا تعطيل هجمات الاوكران اما محمد نور فياليت انهم لبسوه لبس الاتحاد فصدقوني ان يلف الملعب وبيدع ، انا داري انهم بيتعللون بالمطر واثره على ارضية الملعب لكن سامي قال انهم متدربين على مثل هذا الجو بالربع ما ودي والله اكثر الهرج ما بأقول الا يا حسرتي على ( ياسر القحطاني ، سعد الحارثي ، سامي الجابر، نواف التمياط ) ابي اسال ليش اكثر الاعبين ما يبدعون مع المنتخب؟؟؟؟؟؟ اكيد تعرفون الجواب . ولي عوده للإجابه على السؤال بعد اجتهاداتكم |
ما اقول الا : ياليتهم رقدوا ..
ورب البيت ان معي جدول حق مباريات كأس العالم وسجلت نتيجة السعودية مع اوكرانيا قبل المبارة بثلاثة ايام كتبتها 4 - 1 لصالح اوكرانيا .. وبالفعل الاوكران جابووا اربع اهداف .. لكن ربي ما كتب لنا ولا هدف ... بعدين والله اني مقتنع بالهزيمة .. اشوى انها ما زادت .. ويااااااااااااااااااااارب سترك الضافي قدام اسبانيا .. مشكور اخوي فارس السروات على الموضوع .. |
| الساعة الآن 05:53 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com