محاوره جديده و قويه بين مستور العصيمي و تركي الميزاني
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

محاوره اعجبتني بين الشاعر الكبير مستور العصيمي والشاعر تركي الميزاني



تركي:

سلامي سلامٍ فيه من شعّة النور=سلامي على اهل العرف واهل المهابه
الا يا هجوسي بعد ما شفت مستور=ابا انشّده عن علم واسمع جوابه


مستور:
هلا مرحبا ترحيبة جالها دور=بحفل الرجال ومن لفا مرحبا به
ليا سلتني عن علم قلت الك مشكور=ابا اعلمّك والعلم محدٍ درى به


تركي:

يدوم البقى يا شاعرٍ تحكم الشور=ليا عدّوا الشعّار شاعر عتابه
انا خابرك ما تقبل الكذب والزور=ولكنّ تالي الوقت فيك انقلابه

مستور:

انا خابرٍ انك فأول الوسم ممطور=عسى الضايعه تبقى عشى للذيابه
يا تركي حرمك الله من جنّة الحور=بعد زيّنت للانبياء والصحابه

تركي:

ليا صارت الوقفات ماني بمعذور=وكلّن على قدّه يفصّل ثيابه
تقوله وانا اللي يسبح ابحور وابحور=ولا اقف على المجنون واطق بابه

مستور:

ترى الرجل ما يصبر على الظلم والجور=بكيفك تباها سلم ولاّ حرابه
انا سقت في بحرك ثلاثين بابور=ترى ما علّي من الحكومه رقابه

تركي:

انا ويش اسوي في هل العمي والعور=ليا لحّنوها فوق قوس الربابه
تذكّر وش اللي صار من عدة شهور=ليا صار بعض الهرج تحسب حسابه

مستور:

ترى العبد من ربه مدبر ومامور=ولا لك عليّ حقوق كبر الذبابه
ترى العلم يا تركي مجوّد ومصرور=ومن طاوله سقم الليالي غدا به

تركي:

ترى البيت يا مستور ثابت ومعمور=ولكن لا تعصب عليك العصابه
ليا صرت في دنياك طيّب ومسرور=طريقٍ يجيب الك الشقى وش تبى به

مستور:

على صحبة الخبلان ماني بمجبور=يجي لليالي ميلةٍ وانقلابه
عسى الله يفك العسر عن كل معسور=هلا مرحبا ما جابه الحظ جابه
تركي:

تقوله وعظمك تالي الوقت مكسور=وحطك زمانك بين ظرسه ونابه
ترى كل علمٍ له بواين ومخبور=ولا فيه من بيني وبينك طلابه

مستور:

بعثناك وانت من اول الوقت مقبور=اعلّم بها خندف واعلّم شبابه
لك الله ما تسري وخاطرك مجبور=لا اوديك للترحيل يا حج بابه

تركي:

علمنا على الطولات والعز منشور=ولكن خل الكذب واعقل ركابه
تبا النصر يا مستور منته بمنصور=انا من عيال مطير ماني زلابه

مستور:

والا يالمطيري منت بالخير مذكور=ويا ليتهم ما علموك الكتابه
بالا سرار بالله علمه يا ابن منصور=نباها مع الرجال جابه بجابه[/poem]

الله لا يهينك يالغالي عالنقل الرائع

شعراء أقوياء

ولكن يظل لشعر مستور نكهه خاصة وقوة معنى


وللجميع خالص تحياتي

من قال ما هان يا بن سحمان والله يوفقنا للاختيار اللي يرضيكم

القانون

أرررحب أرحب ومن طول الغيبات جاب الغنايم

ولا هنت على النقل الرائع بين شعار كبار ولهم ثقلهم في ميادين المحاورة

تحياتي لك يالغالي

الله لا يهينكم جميع والحقيقه ان عدم الفرصه هي سبب عدم التواصل وانا فالخدمه

أشكرك على تنزيل هذه المحاورة المميزة

مشكور على المحاوره القويه

لا هنت على النقل

محاوره رائعه بين شعراء غنين عن التعريف

ونترقب جديدك

العفو جميعا
والله لا يهينكم على المرور