|
مرحبا يا صاحب الحظ والقدر الكبير *** عند بن شفلوت شيخٍ يحل اشكالها
بسم الله الرحمن الرحيم يسرني ويشرفني النظمام لهذا الصرح الشامخ بين ربعي وبني عمي واخواني اسرة مجالس قحطان وانا كلي فخر انني انظم اليكم والحقيقه والله اني اتمنى الإنظمام من زمان لكن قدر الله وما شاء فعل اتمنى ان اقدم ما يحوز على رضاء الله اولاً ثم رضاكم . هذه قصيده بمناسبة زيارة صاحب السمو الملكي الأمير / فيصل بن خالد بن عبدالعزيز نائب أمير منطقة عسير لشيخ مناحي بن ذيب بن شفلوت شيخ مشايخ قبائل عبيده في الصبيخة صلوا على محمد [poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] مرحبا يا صاحب الحظ و القدر الكبير=عند بن شفلوت شيخٍ يحل اشكالها عند من جده مع جدك على متن البعير=في نهارٍ حذفت فيه البنات شيالها فزت برضانا وبشرت بالخير الوفير=والتواضع مهرةٍ وفيصلٍ خيالها حن عبيده واسمع العلم يا حظرة الأمير=والولاء منا للملوك يظل ظلالها لأبو متعب وأبو خالد وخالد في عسير=دولةٍ في عيوننا عاليٍ منزالها حن رجالٍ نكرم الضيف ونعز القصير=والملوك ملوكنا والرجال ارجالها دون دين ودون دار ويصير اللي يصير=قلتها وأصغر ولد من عبيده قالها الصراحة يا شعاعير كلٍ معة خير =والبحر غطاء عسير وغطاء جبالها أبوفيصل يفتل الموهبة فتل الحرير=وانجبت منه الجزيره كثير عيالها ما يوردها على العد بالحبل القصير=ذي يبهرها وذي والمٍ فنجالها الأمير اللي استفدنا منه الشيء الكثير=والجمايل فال خالد وخالد فالها والسلام اختام وأنقل ولانا يا الأمير=الليالي مقبله والسعد يبرالها[/poem] وسلامة الجميع |
اررررررررررررررررحب يابو محمد ارررررحب الله يحييك بين ربعك وبني عمك الحقيقه وجود شاعر بحجم الشاعر دبسان مكسب لنا جميعاً وصح لسااااااااااانك مدد بلا عدد يا كحيلان يسرني مصافحة موضوعك ولا تحرمنا من جديدك يا كحيلان تحياتي |
ارحب
والله نور المنتدى لنا الفخر انك معنا |
أرحب أرحب ملااااااااااااااااااييييييييييين
ومرحبا الف ياالمهداني وصح لسانك وقصيده جزله من شاعر جزل نتشرف بتواجدك معنا والله يحييك تقبل تحيات أبو صقر الزهيري |
اولا راحب
والله يحييك بين ربعك واخوانك والمحل محلك وصح الله لسانك على هذه الوافية تقبل كل الود والإحترام |
الشاعر / دبسان المهداني أررحب أرحب تراحيب المطر و صح لسااااانك يادبسان وبيض الله وجهك على المصافحة الاكثر من روعه وحياك الله في مجالس قحطان بين ربعك وأخوانك تقبل تحياتي يالغالي أخوك بن غفره |
ارحبوووووووو يا رجال دبسان المهداني مرحبا ومسهلا حياك الله بين اخوانك وربعك اما بالنسبه للمصافحه فيكفي انها صاغها دبسان المهداني صح لسان مدد ماهو عدد قد يخونني التعبير في موقف مثل هذا ولعلها اول الغيث سجلني متابعا شغوف لكل ما تصوغ من روائعك تقبل وافر تحياتي والسلام عليكم |
الله يحييك ياشدادي وبين ربعك
|
صح لسانك يادبسان ........
ومرحبا بك بين اخوانك وربعك......... |
الشاعر الكبير دبسان المهداني سلمه الله
أرحب يارجال تراحيب المطر في محلك وبين اخوانك وعيال عمك وصح لسانك وبيض الله وجهك على هذه القصيده ودائما الطيب مايجي منه إلا الطيب صراحه أنك مكسب لهذا المنتدى الذي يفخر بوجودك فيه أخوي دبسان نطلب منك المزيد ولا تخلينا تقبل فائق احترامي وتقديري لشخصك الكريم |
| الساعة الآن 07:06 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com