اعذروني فاض همي واشتكى قلبي وناح
 

اعذروني فاض همي واشتكى قلبي وناح
اعذروني لاتلوموني بياض الشيب لاح
شاب قلبي واليالي هيضت مني الجراح
عقب فرقى راس مالي عقب ميدان السلاح
عقب فرقى راس مالي صرت مكسور الجناح
عقب خلان الشدايد عطرهم بالمسك فاح
عقب مازانت ليالي وارتوينا بالفراح
ياطيور الوقت نوحي لاتغني بارتياح
ضاقت الدنيا ومالي في حواريها مراح
ضاقت الدنيا ودار الذل مافيها إنشراح

***
اعذروني يارفاقه يوم فاضت بي هموم
اعذروني لا تلوموا ضاق صدري بالغموم
من يلوم اللي غرق في بحوره مايعوم
من يلوم اللي كسير غيرت حاله سقوم
هيه يادنيا العجايب كم تسلقينا سموم
هيه يادنيا العجايب ليه حلاها مايدوم
طير طاير وش علامك في السماء دايم تحوم
طير طاير مرحبا بك كنت جايب لي علوم

***
اعذروني يارفاقه عقب شديت الرحال
اعذروني لا تلوموا سال دمع العين سال
سالت العبرات مني وفي كتابتي الهم جال
انقضى صبري وعاشت بي هواجيس الرجال
سعد من نال الشهاده ومن نعيم الخير نال
في نعيم الخلد داره يكرمه رب الجلال
في جنان الخلد داره مع رفيقات الدلال
يتهنى بالحور دايم يتهنى باحلى وصال
لو تمنى ما تمنى من نعيم الخلد طال
سعد من نال الشهاده سعد من وفى ونال

سلمت يمنااااااااااااااااااااك



اخو ياخو منيرة



لاهنت وفقت يالغالي