يامل عينٍ يعل الجيب ذارفها (( للشاعر عبدالله بن عون ))
 

[poem=font="Simplified Arabic,5,blue,bold,italic" bkcolor="transparent" bkimage="backgrounds/8.gif" border="groove,thin,green" type=4 line=1 align=center use=ex num="0,black"]
ياملّ عينٍ يعلّ الجيب ذارفها=اربع وعشرين ساعه تهجل اهجالي
والنوم يا دحيم عايفته وعايفها=دارت سنتها على سِهْر وتملاّلي
مدري على النوم عيني وش مكلّفها=للسِهْر في نونها ممسى ومقيالي
واللي جعل نوم عيني ما يوالفها=واهج لهيب الغرام اللي برى حالي
واحالي اللي طهوم الشوق ناحفها=ماباقٍ الاّ عظامٍ جسمها بالي
عليك ياللي غلاك الروح متلفها=ياللي محلّك بوسط القلب نزّالي
غلاك نفسي عن الخفرات صارفها=لو يجمعن لي من اولهن الى التالي
لك سيرةٍ بالمحبّه ما اقدر اخلفها=لو هي سبايب سهر عيني وغربالي
الاّ رجا ساعةٍ ما اقضي حسايفها=والاّ على السنّه السمحا تهيّالي
رجعت للسالفه واحييت سالفها=اللي يقولونها في ماض الاجيالي
اللي سبب موت ضيف جديع ماقفها=حيث ان ذبّاح ضيف جديع يبرى لي [/poem]

وسلامتكم .

الله يسلمك يالغالي


ولايهنك ويكثر خيرك


وأبيض وجه


تراني اتصلت فيك للاطئنان على شخصك الكريم



ولقيت الموبايل مغلق

هلا والله بالغالي

و الله لا يهينك يا بن لجواد

ومشكور وعطاك العافيه

ووين هذي الغيبه

وأنا جوالي مغلق كنت خارج نطاق التغطيه

ما تقصر يا راعي الأوله

والله يكثر من أمثالك

وتقبل تحياتي وسلامي .

راعي السمراء

يعطيك العافيه لنقل قصائد : عبدالله بن عون


وصح لسااااااان الشاعر وبيض الله وجهك


تقبل تحيات

أخوك

بن غفره

مرحبا بأخوي العزيز

بن غفره

مشكور يا ابن لجواد على المرور

وما تقصر أبيض وجهه

الله يعافيك

وتقبل تحياتي .

بيض اللة وجهك ياابن غفرة على نقل القصايد التي تشرح الخاطر ولكن عندي سؤال ماذا تعرف عن قبيلة ال ملاط ومهو شيخهم ارجو الرد ولك تحياتي