طاحت مثل ما طاح برج التجاره
 

بسم الله الرحمن الرحيم
السلام عليكم ورحمة الله وبركاته

هذي الخاطره بعد الانهيار الاخير تعبر عني وعن حال الغالبيه

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الله لا يجزاك ياسوق بالخير= أنا اشهد انه راح مالي خساره
عوّدت اجر الصوت عقب المخاسير = واقول انا مالي ومال التجاره
اصبحت عقب المال مديون للغير = وعقب الجيوب اصبحت راكب غماره
والراس شيّب واشتغل بالتفاكير = والفقر في بيت الغنا شب ناره
والراتب اقصاد وأجار وفواتير =لاعندي ارض ولا بملكي عماره
رحنا ضحايا في يدين الهوامير = الحظ تاره والهوامير تاره
في سوقنا الغاشم تخيب المشاوير = سوق(ن) مع الهزه تناثر غباره
الشعب صاروا في صفوفه طوابير= لكنه اعلن للجميع انهياره
هذي زراعيه وهذيك تعمير=طاحت مثل ما طاح برج التجاره
قلنا يبي له وقت ويصير تغيير = يرتد وضعه ويتعدل مساره
لكن تعلقنا ... ويالله عسى خير= مادام راسي حي مابه خساره[/poem]

.

الشاعر خالد الزهيري

صح لسانك ملاااااااااااااايين وبيض الله وجهك


والعوض براسك

تقبل تحياتي

صح السانك ياخالد

قصيده جزله وتعبر ما في نفوس الجميع

تقبل تحياتي

السلام عليكم ورحمة الله وبركاته

الأخ خالد الزهيري

صح لسانك

أخوي خالد الزهيري


صح لسانك وبيض الله وجهك


قصيده جزله من شاعر جزل


رايعه وتحكي عن وضع الكثير والله يعدلها مع التعديلات الجديده


لك فااائق احترامي وتقديري

الغالي سعد القحطاني



صح بدنك



ولاهنت



.

صح لساااااااانك مليون ياخالد الزهيري

لاهنت على الابيات الجزله ,,,, عز الله انك صادق مادام راسي مابه خساره وكل العالم تتظررت الله يعين ويعوض من عنده


تقبل تحياتي وكل الود مني