الزين ماهو من شروط الرجولة
 

[poem=font="Traditional Arabic,5,white,bold,normal" bkcolor="transparent" bkimage="backgrounds/32.gif" border="solid,4,gray" type=0 line=0 align=center use=ex num="0,black"]
قالت ترى منت بحلو قلت رجـال
والزين ماهو من شروط الرجولة
الزين يلقى عند لباسـت الشـال
والرجل زين إن كان زانت فعوله
قالت علامك تلبس شماغ وأعقال
انت بدوي قلت بدوي من حمولـه
ماألبس بناطيل لها انواع واشكال
وأمتر الشارع بعرضـه وطولـه
قالت أجل راعـي معاميـل ودلال
شرب القهاوي تحسبونه بطولـه
قلت اسمعيني وأفهمي كل الاقوال
تمعني فـي كـل حرفـن اقولـه
كيفي يابنت الحضر دله وفنجـال
وحليب خلفه بالمـراح معقولـه
احب الكرم والطيب وعلوم الابطال
مغروس فينا من زمان الطفولـه
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت تضرب بالامثال
غير الجمال وطاعه الله خجولـه
زينه على كل المزاييـن تهتـال
مثل القمر ينشاف والحد يطولـه
ماتنخدع في كل ماكـر ومحتـال
اللي لهم بالسوق صوله وجولـه
هي مهرتن تصعب على كل خيال
ونتي ومثلك عسفهـا بالسهولـه
قالت تغزل بي وشف حبت الخال
ناضر عيوني والرموش الكسوله
وانظر جديلن فوق الامتان ميـال
ومبيسم يعجبك تنظيم لوله
قلت العفو مايستوي زيـن وهبـال
والي تبينه شيبي عـن حصولـه
قالت وقلت وكلمة الحـق تنقـال
الزين ماهو من شروط الرجوله[/poem]

صح لساااااااااااااااااااانك

وبيض الله وجهك

قصيده رووووووووعه يابن خريم

لاهنت يابن خريم ، قصيدة رائعة ، وتشكر عليها .


اخـــ السيف النادر ــــوك
.
.

لا هنت وبيض الله وجهك .

ولياكم
ونشكركم على المرور

مسا كم الله بالخير جميعا
 

اخووووووك


هـــــــاوي نجـــد

ولاهنت ياهوي نجد
بس ابن مخيزم من وين جبتها ؟؟؟؟؟؟؟

ابن خريم ونشكرك على المرور

صح لساااااااااانك يابن خريم

صح بدنك يا ابن قحطان ولاهنت