محاوره قويه بين فلاح القرقاح و ملفي المورقي
 

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


فلاح

على المطرف والموالي من نظيفين القلوب=اثني سلامي عد ماهز الهواء غصن شجره
الشمس تغرب فالبحر وسهيل يبدي من جنوب=والسيف وسم العز في انصابه وبطنه وظهره

ملفي

يالشاعر اللي جيتنا من شرق تدفعك الهبوب=يامرحبا مالاح برق الصيف وانهل امطره
الشمس تطلع مير تاليها تعود للغروب=والسيف وقع في صفىً قاسي وعاجه وكسره

فلاح

بيني وبين عيال مفلح كلهم سيلٍ جذوب=لولا غلاهم طال عمرك ماحجزت التذكره
لا تحسب ان تفريق خلق الله مثل جمع الذنوب=والموت متقفيك والمسجد بجنب المقبره

ملفي

يابو محمد مانقول انك صدوق ولا كذوب=الله يبارك بالشراب اللي يبل الحنجره
ياصاحبي لا ترشد الشعار لين انك تتوب=دايم تحدث وانت بين الميمنه والميسره

فلاح

يازينها لا جات علمٍ غانم ومشلح وثوب=وان عًدمت فالميت اصله كلب والناعي مره
انته تجاهلنا وتطعن بالقبايل والشعوب=ماتدري انا لا كسرنا العظم محدٍ جبره

ملفي

جاين على رغبتك يالقرقاح منته بمغصوب=واللي ورد عد الروى ربك يسمح مصدره
انتم بني قحطان لا شمر ولا انتم بالحروب=واللي حدر هاك السنين الماضيه في محدره

فلاح

ماني ببيها طال عمرك لا غسول ولا شروب=الخير واجد ياعتيبه وابرد الثلج اكبره
حنى بني قحطان تاج المدح والنار الشبوب=وارماحنا في محزم الرجال والا منحره

ملفي

ركبو ثنين الطايره واثنين مالقيو ركوب=الله يعين الحاجزين وقاطعين التذكره
حنى عتيبه من وحمنا يالع الضلع ويذوب=تحمد الله ياعبيدي يوم منته بحجره

فلاح

انته صحيبك خزن الارقام في بطن الحاسوب=اثره يحاول يقهر العالم عسى الله يقهره
الحمد لله هيبتي في كل فج وكل صوب=وانته تحاول تقلب الدنيا على قرن بقره

ملفي

يامدفع الاعياد ليه اهل الحسا سموك طوب=مافيه غير الملح ياجعل القنابل تفجره
عدونا ينحاش يالقرقاح وصياحه طنوب=حنى عمود الدين والمسلم يبا الله ينصره

فلاح

اللي تزعله البياله ربما يرضيه كوب=والمدفع اللي قلت مايقدر يحركه اعشره

وسلاااامة الجميع[/poem]

كثر الله خيرك


والله محاورة جميلة ورائعة


وشاعرين مميزين


دمت وصحت السنت الشعار

صح لسان القرقاح والمورقي.

وسلمت يمنك يالعود الازرق على النقل الرائع.

وشكراااااااااااا.

العود الأزرق


بيض الله وجهك وما قصرت

وصح لسان أبو محمد

وصح لسان أبو وافي

الله يعطيك العافية

لاهنت محاورة من العيار الثقيل

السلام عليكم ورحمة الله وبركاته

صح الله لسان الشاعرين

وصحت يمناك على النقل

رد : محاوره قويه بين فلاح القرقاح و ملفي المورقي
 

العود الأزرق مشكور على النقل

وبيض الله وجهك

ولاهنت