قصيده لشاعر محمد بن هتفر والرد عليها
 

[poem=font="Simplified Arabic,5,blue,bold,normal" bkcolor="transparent" bkimage="backgrounds/17.gif" border="ridge,medium,red" type=4 line=0 align=center use=ex num="0,black"]
مبروك للي عين بمنصب امير=يستاهل المنصب وكفو الاماره
ابن معوضه من اخيار المناعير=رجلن وسام الطيب يحمل شعاره
جاني خبرك وقلت يالله عسى خير=ذاك الصباح أقول مجمل نهاره
وفزيت مل الفرحه وعبرت تعبير=وعنوان تعبيري قرار الوزاره
وصطرت زينات التماثيل تصطير=من دور دستور قوين مساره
وصورت مابالقلب بالقاف تصوير=وابديت من صافي ضميري عباره
فرحت وفاء ماهي تطبق على الغير=لصديقي إلي فايز بختباره
افرح وتفرح له جميع الجماهير=للطيب الى معلنين قراره
يستاهل العليا صبي المخاسير=اللى مع اهل العز يعرف وقاره
أصبر على طول التعب والمشاوير= حتى خذاها بالذكاء والشطاره
ماجت شهاداته بغش وتزوير = مصدر ثقه وموقعتها لداره
يامير حررنا لك الخط تحرير= تحرير جار مانسى حق جاره
والمعذره لصار في الخط تأخير= ياحسين يكفي الحر رمز الاشاره
بعض الظروف تعكر الجو تعكير= ومن صارع الدنيا يذوق المراره
الادمي يرضى بحكم المقادير= ولك شخصٍ عاش حسب أختياره
أحد يلوعه من لياليه تأثير= وحد زهور الورد يقطف ثماره
وأنا أخذ الدنيا بحكمه وتفكير= وأذا بنيت البيت أقوي جداره
اطلع مع المريخ وأنزل مع البير= وأخذ علوم أهل الفضاء بلحراره
رادار فكر الرأس يرسل وأنا أدير= والكبتن أعلن رحلته من مطاره
طار بسما جون سحابه مزابير= ومهاجمه تسعه وتسعين غاره
يالله عسى مافات للنفس تكفير= واسلم سلمت وردكم في أنتظاره[/poem]
[poem=font="Simplified Arabic,5,blue,bold,normal" bkcolor="transparent" bkimage="backgrounds/17.gif" border="ridge,medium,red" type=4 line=0 align=center use=ex num="0,black"]
ياالله ياوالي عليك التدابير = عبدك تقدم لك برد أعتباره
أنت الكريم اللي تغاني المعاسير= اللي تواصل للرسول أنتصاره
على عداك الملحدين الخنازير= حتى أهتدوا وأستسلموا بالبشاره
للصادق اللي دعوته بالتباشير= وأختاره الله جل شأنه جواره
صلوا عليه وسلموا يامسافير= أن كان تبغون الهدى والتجاره
يقوله اللي صخر القاف تصخير= مع بحور الشعر يرمي جماره
أنا ترى عندي في الشعر توفير= والأحتياطي ممنين حضاره
نبغي ليا أعلنُ للشعر والشواعير= مع وادي سيله تطارد بكاره
يأتي لنا منه دخول ومظاهير= مع لابةٍ ماهي تحسب الخساره
ربعي مخظبة السيوف البواتير= اللي لهم يوم المغازي مهاره
جمع الحباب اللي تعسكر طوابير= بدار الحريب لين توثق حصاره
من وقع ربعي يشبع الذيب والطير= أهل الكرم وأهل الشيم والحضاره
جتني تهانيهم مرار وتكارير= عسى الولي يظفي عليهم ستاره
وهيضني محمد معشي الخطاطير= شبلٍ ولد نمرٍ نثني وقاره
ينقد بيوته مثل نقد الدنانير= ويطلب عذر وحنا بنقبل عذاره
أبوحمد في القافيه ماهو يحير= ياطيب أبن هتفر وياكبر كاره
أبوحمد وافي ولافيه تقصير = وأخوانه اللي مثل وصف النماره
عيال عودٍ تأمن به المظاهير= صليب رأسٍ وفي نهار القشاره
يفدونه ضعاف النفوس المعاثير= اللي تربوا بالردى والعثاره
يابوحمد شوق البنات الغنادير= متى تجيني ياالسنافي زياره
في دار قوم يحتمون المعاشير= وكلٍ على ماقيل يفخر بداره
في ديرةٍ ماتكثر بها المداوير=وفي مركزٍ ماهو بيكثر غباره
ترى لكم عندي مقام وتقدير= والرجل يفخر بابن عمه وجاره[/poem]

مشكور على النقل

وصحت السنتهم

وابن معوضه يستاهل كل علم غانم

صح لسان الشعار


وبيض الله وجهك النقل ياسفر

الاخوان الكرام
جميع القحاطين : شكراً لك على الاسلوب في الاسم وعلى المتابعه

ابن غفره:ووجهك أبيض وكفو ياابن غفره والحقيقه مبدع دائم الشكر موصول لك على الاهتمام

شكراً لك اخي الكريم على هذا المشاركة