هاذي القصيده قيلت في ظافر بن هادي أل عايد أحد شيوخ بني هاجر
 

راعي الجود

بديت بذكر الله الواحد المعبود && واحد ولا غيره نبدا بذكر جلاله

الواحد اللي مايضيع لمخلوق مجهود && يجزيه على مانوى ومابداله

نويت أهدي الكريم راعي الجود && ظافر ابن هادي عريب الخال والسلاله

عادته ترحيب الظيفان بأزرق العود && وقادتن ناره للأجواد ومجهز دلاله

ذرب الفعايل ولا يبي له شهود && صليب الراي نبراس ارجال الشكاله

قرم ابن قروم موكد وموكود && طوع صعب المكاسب ونوخ جماله

صميدع ولا لجمايله حدود && يكفيني للي من شاني تعنى وعناله

جدانك أل عايد أسود وفهود && والشبل ياخذ من جدانه خصاله

ياالله يالي له الفضل وفضله يزود && تحفظه عزيز المقام وعمانه وخواله

وأنك تجعل وجهته بالخير تعود && وفي دعوته تجيب دعوته وسؤاله

ياالله جعل المزون اللي بها برق ورعود && تروي صلاصل العز مرباه ومجاله

يابن هادي ماقلته عنك معهود && ماهو والله مجامل ولا هو مقاله

ماوفيتك ياعريب الخوال والجدود && لكن كل رجال وتشهد له أفعاله

جعل يفداك ولد اللاش وراعي المنقود && وياجعل كل يوم يلعي بجاله

كتبتها وانا في داخلي زود && موثقه من ضميري وأقل ماينهدى له

وأرجي السموحه من جنابك تعود && أن كاني قصرت ف لله الحكمه والكماله

واختمها صلاتي ربي عد من دعى في السجود && على النبي الهادي خير مبعوث بالرساله

وسلامتكم.
هاذي قصيدة مدح قالها واحد من عوال بني هاجر من الشعامله من أل محمد يهديها للشيخ ظافر بن هادي أل عايد لمواقفه العظيمه وهاذي بصراحه قليله في مثل ظافر راعي الجود والفزعات وأتمنى انها تعجب من يقراها

بن شاهين ياترثه الشيوووووووووووخ




بيض الله وجهك والله اني صادق


ونعم في ظافر ال عايد رجااااااااال بمعنى الكلمه شجاع وكريم وجامع العلوم الغانمه كلهااااااااااا


ويستاااااااااااااااهل كل خير رحمه الله عليه



وهو صاحب البيت المعرووووف:


تركد ياركااااااااده ترا الخطر زااااال//// فارس الفرسان كدرنااااااا شرابه





بني هاجر/ الكويت

ويبيض الله وجهك يابني هاجر كتبتها وأنا في داخلي زود والله أن ظافر وأل عايد كلهم من دون نقصان والنعم والله فيهم والله أن عندهم العلوم الغانمه وراعين فزعه بيض الله وجيهم و وجهك ومشكور على حظورك الرائع ولك كل الأحترام.