شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   إستراحة المجالس (https://www.qahtaan.com/vb/forumdisplay.php?f=13)
-   -   طــلبــات الــحريــم حرف حــرف (https://www.qahtaan.com/vb/showthread.php?t=11186)

أعز إنسان 21-04-2006 11:03 PM

طــلبــات الــحريــم حرف حــرف
 
هاذي طلبات الحريم لازواجهم حرف حرف:

الالف : ابي فلوس بروح معزومة على شاى الضحى .

الباء : بكرا ابيك تودين لبيت اهلي عندهم عزيمة.

التاء : ترى اليوم انا ماني مسويه عشاء روح للمطعم جيب عشاء.

الثاء : ثلاث اسابيع ما طلعنا للسوق يالله ودنا اليوم .

الجيم : جيب خدامه تساعدني بشغل البيت.........(والبيت نص شقة) قهر.

الحاء : حبيبى..ودى بساعة شوبارد , مليت من ساعتى الاوميغا(شوفواالنفاق..توها تذكرت هالاسم)

الخاء : خل الشله اليوم..انا عازمتك نتعشى بره, بس على حسابك.<<حلوة هذي عازمتك.

الدال : دور لنا فله على 3 شوارع وفيها سرداب (الراتب 2500ريال من وين ياحسرة )

الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت.

الراء : روح قدم على اجازة خلنا نسافر لاوروبا ,,اووف حر

الزاء : زيد مصروف البيت هذا ما يكفي اغراض البيت (ومعظم الفلوس عليها
وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين).

الشين : شيل ولدك شفه يصيح هناك,انا تعبت من العيال.

الصاد : صفف الملابس هناك محوسة,مليت وانا القط وراك .

الضاد : ضبط اوضاعك..ترى كبرت المسؤولية..(توها والدة )

الطاء : طالع السيارة تفشل قديمة, نبي شبح.<<<اخس شبح مرة وحدة.

الظاء:الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس )

العين : عيوني..اليوم شفت فستان عند زوجة اخوي يجنن...نفسي بواحد مثله .

الغين :غير يا اخي اسلوبك معاي...كله برود..حسسني بحبك شوي.

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي .

الكاف : كفاية ملينا من هالبيت متى راح تسوى لنا بيت اكبر من هذا.

اللام : لين متى بنقعد محبوسين في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟ <<ما دري متى وعــدها

النون : نبى نحجز شاليه شرم الشيخ طول الصيف ..لا تنسى .

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك رح عند اخوك خذ منه الورث( راعية مشاكل)

الياء : يالله ايدك على 1000ريال رضاوة..لانك زعلتني وكسرت خاطري


ملاحظة:
هاذولي مو كل الحريم يمكن ربعهم

منقوووووووووووووووووووول
:52_asmilies-com:

منصور العبدالله 22-04-2006 01:06 PM

رهيبة يا أعز إنسان
بس مو كل الحريم ممكن ربعهم مبالغ شوي
قل هذول الحريم ونص بعد
الله يعطيك العافيه
أنت بصراحة ماتجيب شيء الا وهو مميز

آل معمر 22-04-2006 05:31 PM

والله لا تقول ربعهم ولا خريط

معاك انا هذولا الربع اللي مالقوا ازواج يضبطونهم

والثلاثة أرباع الباقية لو لقو مجال يسوون أكثر ولكن مالقوا رجال على كيفهم

مشكووووووور اعز انسان

الذيب الاشيب 22-04-2006 08:33 PM

ههههههههههههههههههههههههههههههههه





شكراً لك اخي الكريم على هذا المشاركة

أعز إنسان 22-04-2006 10:35 PM

مشكورين اخواني على المرور والمشاركه ويعطيكم العافيه

معتزي بفلانه 03-05-2006 11:50 AM

السلام عليكم
أشكرك على مواضيعك المميزة
زمعليش لا تقول ربع الحريم كذا البلا من الرجال يطيعون نسوانهم ولا والله والله لو المره تحصل لها رجال سنافي شروا من عندي يربع راسها لي قدهي تسوي كان والله ما تقول حرف

الزهيري المغترب 03-05-2006 12:52 PM

:017: والله الحريم بعض الاحيان يرفعون الضغط ؟
لكن بالغربه والله تتمنى انك متزوج وانها تتطلب في اليوم اربع مرات ما هي مره وحده والله المتزوجين مرتاحين اللي معنا بالغربه لكن عسى الله يصبرنا على نفوسنا:cool:

صقر آل عابس 07-05-2006 02:53 PM

هههههههههههههههههههههه

مشكووور على المشاركة المميزة يالمميز ...

تحياتي لك بلا حدود ...

منذر بن محمد القحطاني 07-05-2006 04:03 PM

لاتعليق

أبـن جـــثــلــة 07-05-2006 06:42 PM

بيض الله وجهك يأعز أنسان عزالله أنك أتقنت المقارنة بين النسوان والحروف الأبجدية
وعساك على القوة انت والحضرين ومعهم المشرفين على الصفحةو المعدين


الساعة الآن 10:50 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود