انا العبد الضعيف ((لفلاح القرقاح))
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إلـى غاب ولــف الـقـلوب وطــالـت المـده=وشـفـت عـيال حـوا كلـهم صـربـي وشـيشـااني
وصـار الـعـرف ضـايـع رابـعـه وده ولا وده=بعـصر تعـتبر فـيه الجـريمـة موقـف انسااني
تـحزم بـالعزيـمه والظـفـر والأرض مـمتـده=وقـل مـاجـابنـي لك يـاحـلوم اللـيل ودااني
لـولا الكعـبه مامـرينا علـى الطايف وجـده=أقـول إحـفظ قصـيدي وإنـس تاريـخي وعنـواني
أنا العبد الضعيـف الـي زمانه واقـف ضـده=لـكن أمـوت ول أدها البـري ولا أقطع العااني
بكيت مـن اليتـم اللـي نثـر دمعه على خده=أثـر دمع اليـتيم اللـي بكى كلـه على شااني
تواجـــهنا وكــلٍ فـي زمانه بــايح ســده=لـو أنـه قال مسـح دمعتـي قلت أسرج حصـااني
معـي سيـفٍ يلوح النصر فـي حـده وفـي حـده=ويدفعني طمـوحٍ يـفرق الـهادم مـن الــبااني
اخـاوي ونثني دون الخـــوي لا ثقلت الشـده=ولا ابيـع المـعزه والغـلا بـخـس الاثـمــااني
اكـمل واجـب الــرجـال واعـــده ولا اعـده=إلـين أجـربـه وصـل التـجارب خـير برهـااني
مـاني بقـلط الرجـال واضحـك له لأجـل مـده=ادسـم مـخلـبي وإلا آتــلحـف ريـش جنـحـااني
ودون الـدم والعـرض النزيه وهيبـة البـده=ارحـب بالقشـر ترحـيب قـــومـاني لقومـااني
ورفيـقي لا عـمـــدني الخطا مـالحـقه حـده=أخفـي زلـته وأرفى خـمالـه والعـمـر فـااني
أجـنب عـنه وإلا اشــد والشـده هـي الشـده=صـيور الغـرب وحـبال المـحاله تتعب السااني
فجـوج الله وسـيعه والحـصان بشـده وعــده=أفـاولـه المـفـارق واذكـر لو كان ينـسااني[/poem]

صح لسانك يا فلاح .........صح لسانك

وبيض الله وجهك يا عشــاق...... دايم تدور القصيد الجزل وتجيبه...

لا هنت ....لا هنــت..... لا هنــــت

اخوك
ســـــاري

عشاق

بيض الله وجهك ياالقرم


وصح الله لسان فلاح القرقاح



دكتور النظم والمحاورة


لاعدمتك

تحياتي



في امان الله

الله ... الله


فلااح القرقااح ... احد عمالقة الشعر الشعبي بلونيه .. النظم .. و المحاوره


عشاق .. كل الشكر و التقدير لشخصك الرااائع .. فعلاً اتحفتنا بإحدى رواااااائع الفذ فلاح القرقاح ..





تقبل اجمل تحيااتي

كوكب زحل

بيض الله وجـــــــــــــــــــــــــــــــــــــــــهك على هذه القصيده
وصح لسان قايلها الشاعر الغني عن التعريف فلاح بن محمد القرقاح..........

عشت والله ياعشاق عشت ..
 

اخوووووك

ابن عاااصم