قصيدة في الشيخ مترك بن ذيب ابن شفلوت ( رحمه الله )
 

هذه القصيدة قيلت في الشيخ المغفور له بإذن الله مترك بن ذيب ابن شفلوت وبعد وفات شيخنا الجليل واللذي أسأل الله أن يغفر له فإن كل كلمة مدح في هذه القصيدة تجير لكل الشفاليت اللذي يفخر بتاريخهم كل قحطان 0

[poem=font="Simplified Arabic,6,black,normal,normal" bkcolor="transparent" bkimage="backgrounds/23.gif" border="double,4,gray" type=0 line=0 align=center use=ex num="0,black"]
عدد ما هل وبل من سحابة = سلام من هواجيسي شفاوي
وهلا يا مرحبا عند ابن عم = يعشق المرجلة عشق الهواوي
يفاول من يجية الكيف الأشقر = ويطير إعماس شّراب القهاوي
بني عمي ترد حوض المنايا = ومن كل أبلج للطيب حاوي
مواكر ما تخلف غير نادر = يبشر بالعشا لا جاك ضاوي
هواجيس تفيض إبها القريحه = ورود كنها السيل النحاوي
أرحب بسم أهل دهر القبيله = بني شداد لا جات العزاوي
بشيخ حايز جل المكارم = يفوح بريح كمبودي وجاوي
ولد شيخ بنا مجده بسيفه = صليب الرأس لا جات البلاوي
ولا منه نوى ربعه محارب = قصر من دونهم كل المناوي
ومن هو جا ومتهقوي بلابه = يخيب الظن وتضيع الهقاوي
شيوخ يردعون الشر عنا = زمان فات به برد وحماوي
شفاليت على ساس مسيس = هل الهيبه مزبنت الجلاوي
مقابيس الظلام أخون رثعا = هل الوقفات في يوم النخاوي
شهد بفعالهم مصواط بقعا = وبخيت أخو شليويح العطاوي
طعون إرماحهم في كل فارس = يحير بوقعها طب المداوي
عسى ربي يعز أهل المعزه = وهذا الحر من ذاك النداوي
ومترك شيخنا مقدم عبيده = يسوق المال ويحل الدعاوي
وترى مترك له أفعول حميده = حكيم ومن بحور العرف راوي
فعول ما تليق إلا بخير = تعرف أمجادهم من كل راوي
وترى الشيخه تراها راس عيطا = غدا من دونها سرحان عاوي
وهلحين فحكم أخوان نوره = وكل لبس له بشت حساوي
ولاني بمدحه من شأن حاجه = بخير ونحمد المولى غناوي
ولولا فعله ما جاد مدحي = ونا في مدحهم ماني بغاوي
وترى كل الرجال إلها روابع = وفعل الناس ما هو بمتساوي
وختمان الكلام وختم قولي = صلاة الله على سيد البراوي [/poem]

أرحب أرحب أرحب أرحب أرحب مــــــــلايييييييييييين ياالغالي ولد الغالي

ماشاء الله تبارك الله يابو دشن على هذه الابيات المميزه والمعبره عن نفسها ونعم بمن قالها ويستاهلها الشيخ / مترك بن شفلوت رحمة الله ويستاهل العلم الغانم

شكرا لك يابو دشن على هذه المشاركة

وتراء باقي لنا عندك مطالب كثيره يابو دشن ؟؟؟
نبي المزيد من القصايد والسوالف والقصص التى خابرها عندك ومذكوره لنا عندك

ترانا في الانتضار ياالغالي
ــــــــــــــــــــــــــــــــــــــــــــــــــ ـــــــــــــ

تقبل تحياك اخوك

أبو صقر الزهيري

الشاعر / محمد بن دشن الفهري


بيض الله وجهك


ورحم الله المتوفى

ابيض وجه يا محمد
 

أخوي محمد بن دشن الفهري سلمه الله

صح لسانك وبيض الله وجهك

أنت كفو ومن ربع غالين جعلك سالم وغانم ياذيبان

والله يرحم الشيخ مترك بن شفلوت

ويعين الشيخ مناحي بن شفلوت مقدم عبيده

مره ثانيه تقبل تحياتي أخوي محمد

أخوك /









كااسر