قصيدة أم في إبنها المحكوم عليه بالإعدام وزهمها لخالها
 

[poem=font="Simplified Arabic,6,black,bold,italic" bkcolor="transparent" bkimage="backgrounds/20.gif" border="double,4,crimson" type=0 line=0 align=center use=ex num="0,black"]
الابيات قالتها الشاعره عيده ام بدر المطيري=
الذي حكم على ابنها بالقصاص وقد تم تنفيذ=
القصاص يوم الخميس 22/3/1422هـ=

تقول ام بدر قبل اربع سنوات كان ابني=
يدرس في الصف الثالث في احد مدارس=
حفر الباطن=
تقول حدثت مضاربه جماعيه بين طلاب=
المدرسه=
ونتج عن هذه المضاربه وفاة=
ابن خالها=
مفرج رحمه الله وقد قالت =
هذه القصيدة=
تطلب من اهل الخير=
التوسط لدى خالها=
والدعاء بأن يتنازل=
خالها =
عن ابنها بدر0000تقول=



ياالله ياللي باب رحمتك مفتوح=دوم على طول المدا والليالي
يالواحد المعبود ياخالق الروح=علمك بحالي كافي عن سؤالي
ارحم يتيم بين الابواب مطروح=نفسه تردد فيه والجسم بالي
سر ياقلم واكتب جوابي على اللوح=وسطر بيوتن مثل نظم الريالي
مدادها من عبرةٍ جالها فوح=من وهجن بالقلب ضيق بحالي
وبلغ سلامي حرب سالم ومسروح=من الخليج الى اليمن والشمالي
واهل القصيم ونجد والواد ابودوح=والساحل الغربي وذيك التلالي
عيني تهل الدمع والقلب مجروح=مير افزعوا لي كلكم ياخوالي
الورع في سحن الحفر وامه تنوح=حفيدكم يامكرمين العيالي
اتلا العهد به يوم شالوه مسدوح=وموثقن في محكمات الحبالي
والحكم صادر والقضا يزرق الروح=وحان الوعد ماباقي الا ليالي
والله لوانه يوم الاحداث مذبوح=لنساه واصبر عنه مع ماجرالي
واونتي ياخال من داخل الروح=ونت صويبن طاح والجو خالي
خلي لعكفان الدناقير مطروح=في موقعن تسفى عليه الرمالي
والعذر ماينفع ولاينفع النوح=ان كان خالي ضاع فيه المجالي
والخاتمه يااولاد سالم ومسروح=ذبحة بناخيكم عليكم وبالي
واصل القضيه لعب ورعان ومزوح=وما قدر الله ما عليه احتيالي
ومصائب الدنيا تجي يوم وتروح =ولوعاتها تدور دور المحالي
والعفو مابين الاجاويد ممدوح=ليا عفو عن الحمول الثقالي
والصبر باب لاهل الخير مفتوح=والله يحب المحسنين الرجالي
من يفعل المعروف والبال مشروح=جزاه عند الله عزيز الجلالي
هذا وصلوا عد براقٍ يلوح =على النبي اعداد وبل الخيالي

وسلامتكم=[/poem]

راعي السمراء

لاهنت على هذه القصيده

والله يرحم ولدها

ولاهنت على القصيده

اخووووك


سالم الحركان

شكرا على الموضوع الرائع
الله يعطيك العافية
لا عدمناك يالغالي



أخوك أبونمر

روعة وجميلة

ونسال الله العافية


لاهنت يالغالي

والله إنها أثرت في


لاهنت

هلا والله بالجميع

الاخ سالم الحركان الله لا يهينك
ومشكور على المرور

ــــــــــــــــــــــــ

الأخ فايز ال علي
مشكور على المرور والله يعافيك

ـــــــــــــــــــــــــ

أخوي الغالي فتى الجوه
تسلم يا أبن لجواد
والله يعطيك العافيه
ولا هنت إنشاء الله

ــــــــــــــــــــــــ

الاخ ابو ذعار
مشكور على المرور
والله لا يهينك

قصيدة جدا رائعة , ومؤثرة .
أشكرك ((راعي السمراء )) على هذه المشاركة الجميلة .

ضفاف

شكراً لك أخي على مرورك

وتقبل تحياتي

يعطيك العافيه يا راعي السمراء .
والله يلهمها الصبر , والله يرحم الولد , ويعاوضها فيه بخير .

العفو والصفح من عوائد اهل الخير