شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   إستراحة المجالس (https://www.qahtaan.com/vb/forumdisplay.php?f=13)
-   -   محــــاورة شعريـــة (https://www.qahtaan.com/vb/showthread.php?t=10664)

منصور العبدالله 03-04-2006 08:26 AM

محــــاورة شعريـــة
 
" السعودي "
يا مرحبا بالاجنبي يوم شرف
في سوقنا طب وتخير تصرف
عندك رقم سري وعندك معرف
والسوق زين وكل مطرود ملحوق

" الاجنبي "
امي تقول ابعد عن اهل الدسايس
وانته نفر مزبوط مررررة ونايس
رواتبك بتضيع في سوق خايس
والسوق زين وكل مطرود ملحوق

" السعودي "
بكرة بعد تشري ولا حد يغشك
وتشوف شغالة كفيلك ترشك
ومن بعدها يا طير ترجع لعشك
والسوق زين وكل مطرود ملحوق

" الاجنبي "
لي عندكم عامين رابط معاشي
ان كنت شايفني بعينك ولاشي
ابشتري سابك وارش المواشي
والسوق زين وكل مطرود ملحوق

" السعودي "
حتى ولو كانت قروشك شوية
جبنا لك الاسعار مثل الهدية
نخاف لا ترفع علينا قضية
والسوق زين وكل مطرود ملحوق

" الاجنبي "
صحيح لكن الرخيصة رخيصة
لا تدخلونا في مشاكل عويصة
اللي غشيم تبيعونه قميصه
والسوق زين وكل مطرود ملحوق
" السعودي "
الوقت ماهو وقت تحليل فني

يا الشيخ بن كومار خيبت ضني
لا تسحب لساني ولا تمتحني
والسوق زين وكل مطرود ملحوق

الاجنبي
والله لو ما اخاف يقطع لساني
لا اقول عما صار واظهر جناني
يوم الخميس في اخر اربع ثواني
والسوق زين وكل مطرود ملحوق
" السعودي "
ان كان تبغى العافية والسلامة
وتعود عند اهلك بثوب وعمامه
ابعد عن الموضوع عيش بكرامة
والسوق زين وكل مطرود ملحوق

" الاجنبي "

هذا موشر لازم يقفل اخضر
والشركات الثانية تنزل اكثر
حتى تتوب ويصبح نهارك اغبر
والسوق زين وكل مطرود ملحوق

عبدالله بن غفره 03-04-2006 10:41 PM

هههههههههههههههههههههههههه

الله يرج عدوك على ذا المحاروة


والله ما ندري عن الأجانب وش بيسوون في سوق الأسهم السعودي


الله يوفق يالغالي


تحيتي لك ولمواضيعك المميزة

منصور العبدالله 04-04-2006 07:59 AM

بن غفرة: هلا وغلا
الحين المقيمين ما دخلوا بشكل قوي لا زالوا خائفين جداً
بس إنشاء الله يتحسن السوق ويدخلون والكل يستفسد
تحياتي لك يابن غفرة ولمرورك الرائع

منصور العبدالله 04-04-2006 07:59 AM

قصدي الكل يستفيد ... خطأ إملائي

أبهاوي 04-04-2006 09:35 AM

مشكور على هذه المشاركه

منصور العبدالله 04-04-2006 02:02 PM

هلا فيك يا أبهاوي وبطلتك الرائعة


الساعة الآن 03:38 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود