محــــاورة شعريـــة
 

" السعودي "
يا مرحبا بالاجنبي يوم شرف
في سوقنا طب وتخير تصرف
عندك رقم سري وعندك معرف
والسوق زين وكل مطرود ملحوق

" الاجنبي "
امي تقول ابعد عن اهل الدسايس
وانته نفر مزبوط مررررة ونايس
رواتبك بتضيع في سوق خايس
والسوق زين وكل مطرود ملحوق

" السعودي "
بكرة بعد تشري ولا حد يغشك
وتشوف شغالة كفيلك ترشك
ومن بعدها يا طير ترجع لعشك
والسوق زين وكل مطرود ملحوق

" الاجنبي "
لي عندكم عامين رابط معاشي
ان كنت شايفني بعينك ولاشي
ابشتري سابك وارش المواشي
والسوق زين وكل مطرود ملحوق

" السعودي "
حتى ولو كانت قروشك شوية
جبنا لك الاسعار مثل الهدية
نخاف لا ترفع علينا قضية
والسوق زين وكل مطرود ملحوق

" الاجنبي "
صحيح لكن الرخيصة رخيصة
لا تدخلونا في مشاكل عويصة
اللي غشيم تبيعونه قميصه
والسوق زين وكل مطرود ملحوق
" السعودي "
الوقت ماهو وقت تحليل فني

يا الشيخ بن كومار خيبت ضني
لا تسحب لساني ولا تمتحني
والسوق زين وكل مطرود ملحوق

الاجنبي
والله لو ما اخاف يقطع لساني
لا اقول عما صار واظهر جناني
يوم الخميس في اخر اربع ثواني
والسوق زين وكل مطرود ملحوق
" السعودي "
ان كان تبغى العافية والسلامة
وتعود عند اهلك بثوب وعمامه
ابعد عن الموضوع عيش بكرامة
والسوق زين وكل مطرود ملحوق

" الاجنبي "

هذا موشر لازم يقفل اخضر
والشركات الثانية تنزل اكثر
حتى تتوب ويصبح نهارك اغبر
والسوق زين وكل مطرود ملحوق

هههههههههههههههههههههههههه

الله يرج عدوك على ذا المحاروة


والله ما ندري عن الأجانب وش بيسوون في سوق الأسهم السعودي


الله يوفق يالغالي


تحيتي لك ولمواضيعك المميزة

بن غفرة: هلا وغلا
الحين المقيمين ما دخلوا بشكل قوي لا زالوا خائفين جداً
بس إنشاء الله يتحسن السوق ويدخلون والكل يستفسد
تحياتي لك يابن غفرة ولمرورك الرائع

قصدي الكل يستفيد ... خطأ إملائي

مشكور على هذه المشاركه

هلا فيك يا أبهاوي وبطلتك الرائعة