سلطان الهاجري وقصيدة عذر ولا اروع
 

[poem=font="Simplified Arabic,6,black,normal,normal" bkcolor="transparent" bkimage="backgrounds/40.gif" border="groove,4,black" type=2 line=0 align=center use=ex num="0,black"]
يا غبيش ابن خليل سلم على اعمير= بلغ سلامي لابن عمي وقله
المعذره لو ماتفيد المعاذير = عن موقفن اكبر من العذر كله
مير الظروف الطاريه يا المناعير= ما هي على كيف اللمخاليق لله
حركت من الافلاج حزت عشا الطير= عقب العصر يوم الشجر مال ظله
وقبل العشا متعدي حوطة اسدير=ويرن جوالي بسرعه وشله
هلو نعم سلام مسيت بالخير=واليا صوتن جعلني فدوتن له
قالت وهي وفيها من الحزن تاثير= خالك امنوم في محلن ممله
وما انتبهت الا وانا عاكس السير =كني عمى والا العقل فيه خله
هذا يعذرني من اغبيش واعمير=اثتبته واوثقه بالادله
سلام يا راعي النياق المغاتير= اللي عشقله مركزن واستحله
كنه على الجبه يدوف الطوابير = في نحور حكامن وقومن امهله
اثقل على البيدا من اطويق والنير= صفقا الهوا مزحزحه عن محله
وحنا اليا هبت عجاج ومعاصير= نجي من اقصانا برمحن وسله
كل ابلجن يونس براسه سعاطير= موت العزيز ولاحياة المذله
مثل السحاب اللي امزونه مزابير= اماانعقد الحبل والا انحله
انورد الظامي على جمة البير= ونخلي سروج امهاوزات الاظله
ميقافنا واحد على الشر والخير= يطلق علينا دولتن مستقله
دوله مظيم مسطرين الاساطير= في معجم التاريخ دقه وجله
مركاظنا يشبع به الذيب والطير=وينصر بنا من حطنا محزمنله
واليا بطشنا بالسيوف البواتير= نبطش ولانبطش على غير مله[/poem]

لاهنت يامحمد وبيض الله وجهك ..




نقل اكثر من رائع لشاااعر وافي وغني عن التعريف ..




فصح الله لسان سلطان ... والله لا يهينك يامحمد على النقل ..




تحيتي

محمد الجربوعي
بيض الله وجهك
وصح لسان الهاجري

السلام عليكم ورحمة الله وبركاته
صح لسانه وبيض والله وجهه
والله يشافي خاله وجميع مرضى المسلمين

لاهنت يابوعوض الحقيقه قصيده

من شاعرعلم سواء في المحاوره والنظم

اختيار موفق طال عمرك