حبة خشم ماتهون لكل رجالي//الا لرجلاً يعرف اش لون واجبها
 

بسم الله الرحمن الرحيم

[poem=font="Times New Roman,5,blue,bold,normal" bkcolor="transparent" bkimage="backgrounds/20.gif" border="outset,10,white" type=1 line=0 align=center use=ex num="0,black"]
بسم الله الرحمن الرحيم


حبة خشم ماتهون لكل رجالي=الا رجلاً يعرف اش لون واجبها
ماتنعطى الالكفواً طيباً غالي=واليا لقيت الشكوكي عنه جنبها
خلك عن اللي يشك مشطر الجالي=مادام تسليمة الخشم يتغيربها
امسك طريق اليمين وخله شمالي=وخله يجود هروجه في مزاهبها
تسليمة الخشم رمزاً بالكرم عالي=واهدافها سامية للي يحسبها
وياكثر ناساً تسويها تبهلالي=واهل النفاق ابتلتها الله يعاقبها
اما لاجل منصبً ولا لأجل مالي=ولا لجل حاجتاً تخدم مكاسبها
من اولاً ماتقدم صوب الانذالي=واليوم متربعين فوق غاربها
وقتاً طرد الاولين وشيخ التالي=حتى العجوز اطمعت في بشت شايبها
واللاش صار الزحل والشيخ محتالي=واسياد قبل امس صارت تسيد صاحبها
وقت الرخاء شْيخ اللي يملك المالي=والمال كم رمْتاً طول شواربها
والروس تشكي الزمان وسو الاحوالي=والارجل خدمها الزمان وعز جانبها
كلاً تميدح ومثل سلطة الوالي=وكلاً يقول ان ابوة الجيش متعبها
وابوة ماركب جيشاً والله ابرالي=ولاظلم نفسه ولا اخلف مذاهبها
من ضمن ربعه على العادة ولا زالي=والكذب يكرم جنابه ماتقربها
عوداً حفظ سمعته من قولة وقالي=وحقوق ربعه يقوم بحق واجبها
غير الولد به غرور وضربة اهبالي =قام وضربها بمشطاً مايليق ابها
غرة زمانه يحسبة في الخلا الخالي=مايدري ان العرب تعرف قرايبها
فيالله ياللي على العسرات حلالي=ارفع نواصي هل العزة وقطبها
نطاحة الكايدة لما احتمى الصالي=حماية الدين وان ترفع مواهبها
واغفر ذنوبي واصلح باقي اعمالي=لاجيت في حفرةً غبراً نصايبها


الشاعر / علي بن عبدالله المهداني
[/poem]

الشاعر / علي بن عبدالله المهداني

صح لساااااااااااانك



ووووووووووووووووووووووووااااافي


وقصيدك وااااااااااافي

صح لسانك ياعلي عبدالله المهداني


والاخ عبدالله المهداني (ابو سعود) الاحرا به بصفته شاعر ومشرف ان يلاحظ الشطر الثاني من البيت الثالث


والا باقي القصيده كفو ولا فيها كلام حسب رأيي


ونحن مكملين لبعض ويجب النقد والاشاده في وقت كل منهما


تقبلوا مروري................

وتحياتي للجميع

الله يحيك يا سعد

الشطر الثاني من البيت الثالث يقول((((مادام تسليمة الخشم يتغيربها)))))))) لا يوجد في البيت اي ملاحظه ولا كسر

مع ملاحظة ان القصد من الكلمه الاخيره(( يتغيربها = اي يعتبرها غريبه)) اتوقع انه زال اللبس الذي عندك

واشكرك على اهتمامك

بيض الله وجهك ياعلي المهداني على هذه القصيده
وصح لسانك لاعدمناك ولاهو غريب عليك الطيب ياكحيلان0
ونشكر أخونا جلحاب الرفيدي على التوضيح 0
ولكم مني فائق الحترام والتقدير 0