اخر مسج جاك
 

السلام عليكم ورحمة الله وبركاته
مساكم الله بالخير
عندي لعبه وابغاكم تشاركوني فيها لاهنتوا وهي
كل واحد منكم يضع اخر رساله تجيه
وانا اولكم
هذي رساله من خالي يقول فيها
عزيزي المستهلك:
انت على وشك استهلاك حدك الائتماني من الجازه والتقعار
لذا نرجو منك العوده يوم السبت وخل عنك التسداح والتبطاح
المرسل:المدرسه
تمت نرجو التفاعل ودمتم بخير

آخر رسالة جاءتني تقول :

بيان توضيحي

إن صاحب هذه الرسالة ليس منتجا دنماركيا فلا داعي للمقاطعة إذا :)

أشكرك أخي مشبب بن عثمان

والله آخر رسالة جتني تقول:
من كثر ماني أحبك صرت أخاف البعد عنك
آة يالدنيا الحزينة كيف أحب ولا أخاف
يسكن الخوف بعيوني والألم يحكم شجوني
موبيدي يوم أخاف
ومو بيدي يوم أنا أسأل:
وش معك يصبح مصيري؟
وش بعد حبك أكون؟
بس ياليت لو كان الموضوع مفتوح أكثر وبحرية أكثر
وكل شخص يختار أحلى رسالة جاتة
لأن بيطلع لك رسايل
اللي تقول جب معك حليب وخبز
واللي يأخي عطني فلوسي
واللي الله يرحم والديك لا عاد تدق (الناس اللي تزعج خلق الله)
بس أنا والله عطيتكم آخر رسالة وتراها من واحد من الشباب
يعني لا يروح بالكم بعيد
في النهاية لا أملك لكاتبنا المبدع والرائع
مشبب بن عثمان بالتوفيق ولا تحرمنا من إبداعك

اخر مسج جاني يقول :

تحذير : المنتجات الدنماركية التي عليها صنع في الدنمارك

تم تغييرها إلى صنع في الإتحاد الأوروبي لحل مشكلة المقاطعة.

" انشر نصرة لحبيبنا محمد صلى الله عليه وسلم"

لاهنت اخوي مشبب بن عثمان .. موضوع مميز بالفعل اتمنى تثبيته ..

أولا : موضوع رائع وجميل وكلام أخوي وادي الغلا جميل


ثانياً : أقدم لك الشكر على الفكره


ثالثاً : وش حالك هههههههههههه بدري


رابعاً : أشكر ذيب قحطان على الرساله والتنويه لانها لم تصلني بعد


خامساً : وش رأيك يأبن معمر في التثبيت وأنت راعي الجمايل دايم


سادساً : كأني كثرت عليكم


سابعاً : فـــــــــــــــاضي


ثامناً : وش رأيكم تعفوني من وضع الرسالة وتراني محرج


تاسعاُ : جوالــــــــــــــي م ف ص و ل



عاشراً : مشبب بن عثمان عضو مضبوط يستحق الشكر



11 : معناها أحدا عشرن



12 : أعذروني على الإطالة والفلسفه الزايدة وقايل لكم فاضي



ثالث عشرن : يعني 13


الأمر الرابع عشر : أشكر مشرف الأستراحة على أهتمامة برواد المجلس وبيض الله وجه >>>>> مالها دخل فالموضوع لكن فرصة يأل معمر



وصلنا الأخير وهو خمس طعش : أذا شبكت جوالي عطيتكم أول رساله تجيني .




هاهاهاهاههاهههاهاه مافيه أخيراً نجي عند الأمر السد طعش : أيام سوري على الهذره الزايدة

أخوي مشبب بن عثمان ...

مشكوور ولا هنت على الموضوع الرائع ...

و أشكر الربع اللي تفاعلوا مع الموضوع ..

أما آخر مسج جاني هو عبارة عن نكته اذا اعجبتكم خلوها و اذا ما اعجبتكم علموا آل معمر يحذفها ..

و المسج يقول .....

(( انجاز طبي جديد ... تمكن د.عبدالله الربيعة بمستشفى الحرس الوطني من فصل بدوية عن برقعها بعد التصاق دام اكثر من 20 عام ... الآن البرقع بحالة جيدة و البدوية في غيبوبة تامة ))

أعرف ان ما لها داعي ... لكن للأمانه هذا اخر مسج جاني

والله ما أردكم يا شباب نثبت أبو الموضوع تثبيت

بس يبغالنا مسامير وشاكوش بسرعه يا ذيب قحطان هات الشاكوش والمسامير وسلم علشان نطلع عليه :)

موضوع رايق لاهنت يا صاحب الموضوع

استلمو :

عزيز العميل ، انت على وشك استهلاك الحد الائتماني المحدد لك :( :( :(

اطلب عزك ... آل معمر .. لوتبي فورك لفت جبناها ... انت تامر واحن نجيك نطامر

بس اللياقه عندي زيروووووووو .. وانا اخوك ... يستاهل مشبب بن عثمان .

حياكم الله جميييييييييييييييييييييييع



آخر مســـــــــــــــــــــــــــــــــــــــج وصلني

سألني بعضهم إلى أي مدى تحب من تشتاق إليهم؟؟


فأجبت إلى المدى الذي يجعلني

أهديه إحدى عيني معتذرا

عن الأخرى حتى أراهم بها..

اخوك ابن الباحة

السلام عليكم ورحمة الله وبركاته
اشكركم على الثبيت اللي مدري وش هو لكن كثر الله خيركم لاني اول منتدى اتشرف اكتب فيه ومعرفتي في المنتديات قليله ولكن ابشروا بالخير ولاهنتوا على المرور

بسم الله الرحمن الرحيم

شكراً لك اخي الكريم على هذا الموضوع الجميل
الصراحه فكره ممتازه
وانا علي الطلاق اني لاشارك

اخر رساله جتني من خويي ابو طراد
وهههههيييييييييييييي:



لاتسال المشتاق ليه ارسل اليوم

ولا تعذر القلب اذا باح باسراره

يالله عسى الخير لك يدوم ويدوم

والغاااالي واجب نتطمن على اخباره

وجعل السعاده تضمك في كل يوم

ودوم قلبك بالفرح مشعل انواره



ملاحظه,,,,,,الاخ مخلي قلبي شمعة سياره,,,,,,,,,

ارسلي ولد عمي /
قرار:
نظرا ً (( لتطنيشكم لنا ولما تقتضيه محبتنا قررنا بما هو آت:
مادة 1: معاملتكم بالمثل.
مادة2: مسح اسمكم وتعيين بديل مكانكم.
مادة 3: يعتبر القرار لاغيافي حالة الاتصال والارسال لنا.
مادة 4: ينشر ويعمل به من تاريخ 17/1/1427
و السلام عليكم ورحمة الله وبركاته

السلام عليكم ورحمة الله وبركاته

اخر مسج جاني من اعز الاصدقاء

يقول

"تقرير طبي"

التهاب حاد في الشريحه



نتيجه لارتفاع درجه التطنيش اللي مال امه داعي

من الناس الحلوين..

((العلاج))

1/رنه كل ست ساعات

2/رساله كل اسبوع

3/مكالمه عند اللزوم

السلام عليكم ورحمة الله وبركاته ... موضوع رااااااااااائع ... والأروع منه تجاوب الشباب ..

اخر مسج جاني يقوووووووووووول :

يشتاق قلبي للرجال المطاليق ... شوق الحبيب اللي تمنى حبيبه

كنز الرجال ولاكنوز الصناديق ... المال يفنى والنشاما تجيبه

السلام عليكم ورحمة الله وبركاته

واشكرك اخوي على هذه الفكرة البسيطة والرائعة جدا


اما اخر رسالة جتني من واحد اتصلت عليه وجحدني ما رد يقول فيها :

اعتذر الرد لأني في اجتماع




وسلامة الجميع،،،،،،،،،،،

السلام عليكم ورحكة الله وبركاته
احبية اطامر معكم و اذكر اخر مسج في جوالي
((الله لايهينك عط العمال فلوسهم ))
طبع الرساله من الشايب

السلام عليكم ورحمة الله وبركاته

ألــف شكــر عــلى المـوووضــوووع

اخــر مسـج جــأنــي

v

v

v

v

v

v

v


الأخضـر يخســر لقــاءه الـودي مع الــبرتغــال 3/0 ضمـن استعداداتــه لكـأس العــالــم

المــرســل // جـوال الهــلال

آخر مسج:

عزيزي العميل لقد تم استلام المبلغ , ونقدر لك تعاملك..

الله يعين

فكره جميله جدا
اعطيكم اخر رساله وصلتني اليوم
من شركه الكهرباء ومضمون الرساله كالاتي :لاجل راحتك يمكنك سداد فاتورتك بالصراف الالي او الهاتف المصرفي او الانترنت بالنص هذا يلمحون لي بتسديد الفاتوره مع العلم ان طريقة التسديد عن طريق الصرافه قديم من فتره بس التلميح وصل بهاذي الطريقه وانشاء الله اسدد اليوم لاني خايف من عاقبة الرساله هذي ممكن يرسلون انا ترا نفذ الصبر وقاطعين الكهرب عنك وبعدها اغني ياليل مطولك

ولي يبغي توقيع جديد
وش الطريقه

المهلهل التوقيع بخمسمائه ريال

تدفع 200 تحت الحساب والباقي عند التسليم

هخهخهخهخهخهخه

أخونا فتى الجوة ما يقصر وإن كان مشغول فأنا حاضر طال عمرك

صاحب الموضوع يقول أخر مسج جاك


وأنت وياه تحرجون على التواقيع أستحوا الله يهديكم



لا ومن زين الطبايع مشرف وتأخذ رشاوي زين توقيع لرجال وأنت ما تشوف الدرب

الا على ذكر اخر مسج أو رساله
تذكرون توقيع ال معمر إنتظروا حمله التواقيع المجانيه للأعضاء
وبعدها ما شفنا شيء
شفت يا حدباء قذلة مشرفنا
لا والرجال يطلب توقيع منة وهو يقول رح لفتى الجوة
وليش تصرفة وبعدين فتى الجوة مشغول مع معجب الفرحان
هههههههههههه رفعت ضغطك يال معمر

و الله اخر مسج جاني اليوم :

السلام عليك :

هناك مجاعة في الصومال و هم يموتون من الجوع و العطش ، هل من درهم ينقذ أخا لك من الموت ..






شكرا يا مشبب ع الطرح الجميل


بوفارس

يا حدبائ قذله هذه ماهي رشوه الله يهديك

هذه اجرة التعب على التصميم <<< يصرف وبعدين الفلوس ماهي من جيبك وش دخلك انت

يا حبك للقافه

وادي الغلا والله قد بدأت في تصاميم التواقيع

بعد التنسيق مع أخوي فارس قحطان عن طريق رسائل بيننا وهذا الكلام قبل فترة طويله

وقد صمت عدة صور منها تصميم للأخ معتلي المرقاب

وتصميم للاخ برطم نمله

تصور حتى برطم نمله صممت له توقيع وفيه نمله مبرطمه

وأذكر إني سألتك وش تبي أصمم لك وش الصورة او الخلفيه اللي تبغاها وانت قلت لي على ذوقك

وفي ذلك الوقت رأيت اخونا فتى الجوة يقوم بالتصاميم ويوزعها على الأعضاء فما حبيت يكون هناك ازدواجيه

في التصاميم وقلت في نفسي مادام فتى الجوة قايم بالمهمة فمالها داعي اخش معه في تواقيع الاعضاء

مع إنه قرأت توقيعي وكان يدري إن هناك تواقيع مجانيه ولكن الرجال خش وخليناه على راحته

وتوقفت وإلا تراى التصميم ماهو قضية يا وادي الغلا

تحياتي لك

السلام عليكم ورحمة الله وبركاته
اخر رسالة وصلتني هي:
سلام مني ياصلك فوق بطه بطه كبيره من كبار البطاطي
محمله بالورد مع كاس شطه وبجناحها علبة بخور احتياطي
تجيك لين جدار بيتك تنطه تبلغك بأحلى معاني التعاطي
والي بينساك ربي يحطه تحت كفر ويصير مثل القواطي


والسلام ختام,,,,,,,,

جاتني رساله تقول:
حنا نجازي فاعل الطيب بالطيب
وهذا هدف قلبي وهذا اختياره
ياعزوتي ليا عوى الذيب للذيب
خوة مثل شرواك عندي تجاره
من يعرفك سماك راعي المواجيب

ومن يجهلك راحت حياته خساره

آخر رسالة جاتني تقول

0كارثة عبارة الأسهم السعودية )
موضوع ساعة حوار على قناة المجد
الآن مباشر

يوم فيها أسهم ماجالي نفسي أشوف الحلقة وخرجت من البيت

السلام عليكم ورحمة الله وبركاته
لاهنتوووووووووووووووا على المرور الذي اعتبره شرف لي

ارجو ان تدعو لبنت اختي بالسلامة والصحة والعافية وهي مولودة ضغيرة ولدت امس وفيها عيب خلقي

يعطيك العافيه اخوي مشبب بن عثمان على الفكره الرائعه...

وهذا آخر مسج جاني استلموا:

انا لاجيت ابهديلك عيوني لك..
ابهديها وإذا ما كفت عيوني فداك العين وراعيها..
انا كلي فدى عمرك ..
انا كلي تحت أمرك ..
انا من كثر ما أحبك واعزك حيل وميت فيك..
أحس روحي تبي تسئل انا والا انت راعيها...:050104_em

انتهت الرساله ولكم تحياتي

آخر رسالة جاتني خويي يقول :

راح أحرك بعد صلاة العشاء مباشرة إن شاء الله فهمل يمدي :)

آخر رسالة جتني....................



نكتــــــــــــــــــــــــــــــــــــــه:_




صيني دخل على أخوياه في الإستراحه لقاهم عشرين ألف قال: يلعن أمكم وبن باقي العيال.....؟؟؟؟؟؟

آخر رساله جاتني



المؤشر الى 8000 نقطة


احذر تسلم

واحد دق علي وقال والله إن عشاك

الليله عندي قلت له طيب قال الله لا يهينك

ابغالي سلف 1000 ريال للراتب

وقلت والله إني مشغول مرتبط الليله


ههههههههههههههههههههههههههههههههه

آخر رسالة جاءتني

Call Me

فضلا اتصل بي على الرقم ....

«®°·.¸.•°°·.¸¸.•°°·.¸.•°®»

السلام عليكم ورحمة الله وبركاته

أخر رساله وصلتني هي:

تسوق محليا عبر سامباكونكت واربح.:www.sambaconnect.com

«®°·.¸.•°°·.¸¸.•°°·.¸.•°®»