|
"°o.O(تخيل شكله)O.o°"
الأخوة الكرام السلام عليكم ورحمة الله وبركاته أسعد الله أوقاتكم بكل خير أقدم لكم هذا الموضوع المتواضع وهو عبارة تخيل أشكال بمعنى اختار اسم كاتب واتخيل شكله وأكتب انطباع مسبق عن هيئة الشخص وشكله والمجال مفتوح لجميع الأعضاء دور أقرب واحد لك وشرشحه وكل واحد يأخذ راحته والزعل مرفوض والعتب مسموح بس على الخاص هخهخهخه وخلوني أتغدا بكم قبل لا تتعشون فيني هخهخهخهخه توكلنا على الله أبدأ بــ ( وادي الغلا ) أتوقع وادي الغلا شاب عمره من 20 -22 جسمه معتدل طولا وعرضا شنب خفيف ويحلق الدقن رومنسي وهادئ صاحب ذوق رفيع وحس مرهف ولكن يخربها أحيانا بالضحك الزايد طالب أو متخرج ولكنه لا يعمل المهم أنه لم يدخل الحياة العملية <<< كذا احساسي وفيه حبتين دلع هخهخهخهخهخه خوينا ( حدباء قذله ) تحس إنه أحبط <<< أحبط يعني دب معاه حبطه<<< الحبطه هي الكرشه المنتفخه هخهخهخهخه مسوي عارض ووجه مدور يبغا يشخّص بس ما يزبط لعوامل الكرشه ولكنه صاحب قلب طيب ووفيّ والدليل أنه وفيّ مسمي نفسه في النت باسم جدته قذله هخهخهخهخه خوينا ( Maged ) مطوع وقصير ودقنه قليل أنيق ومرتب في لباسه يحب الأنتكه والاتكيت والكيك <<<< الكيك خاشه عرض هخهخه ويلبس نظاره صغيره عدساتها البلاستك الجديدة اللي بدون برواز متعلم ومثقف ويحب المرح ومعاه جوال الفارس خوينا فتى الجوة ما يحتاج له وصف أشهر من نار على علم شاهد توقيعه فقط خوينا صقر آل عابس أتوقع إنه نحيف وطويل ويحب المهايطة على أصول هخهخهخهخه عسكري ومتغرب عن السراة ويحب القصيد والشلات ولعب القزوعي له سنتين من يوم تزوج وعنده ولد يشببه على حيد ويحبه جدا معاه جوال برج العرب ومليان رسايل وقصيد ولكن كريم واللي في جيبه ماهو له <<<< افهمها واعزمنا هخهخهخهخهخه البقية في الطريق ويا ويلكم ويا سواد ليلكم وعلى رأسهم فارس قحطان :) <<< ناوي يخربها مع الإدارة هخهخهخه |
اقتباس:
والله ياني ضحكت من قلب الله يرجك رج علبة ببسي وإختيارك لي ضمن الضحايا الموضوع أعتز فيه الله يعطيك العافية على الموضوع الممتاز وأنا أشوف أنه يستحق التثبيت بكل جدارة إحتراماتي إيها المشرف العزيز |
والله روعة يال معمر
بصراحة بالنسبة لي أنت قريب شوي وبعيد شوي في بعض النقاط بس بصراحة أعجبني وصف ماجد وصقر ال عباس بس تتوقع صقر يفهمها ويعزمنا بصراحة إختيارك لي في أول القائمة يزيد احترامي لك المهم أنت ما أدري أحس انك قصير جدا جدا ومهايط وأتوقع انك مدرس ومتزوج وعندك بنت وعايش مع أهلك في نفس البيت توقعاتي وحبيت أبدأ بك لأني أعزك والله بس خلك صادق وش صح وش خطأ موضوع رائع من شخص أروع لاعدمناك |
وأنا مع حدباء قذلة
يستحق التثبيت |
حياكم ربي جمييييييييييييييييييييع
استاذي الكريم آل معمر موضوع مميز كتميزك طبعاً ولي عودة ايها الغالي وأنت تشير على الربع ومابيقصرون ههههههههههههههههههه <<<<<<< يحب العزااااااااااااااايم |
حياك الله ياخوي ال معمر ...
جبتها حول ال 50 بالمية ..ما شاء الله عليك .. معي حبطة كبيرة من شرب الكولا .... و الكيك و الشوكالاتا خاش طول وعرض .... نعم نظارة كبيره بلاستك برواز .... حالق ..موش مطوع بس اخاف الله...لااعتني بالمظهر ابد ...لذلك ام العيال دايم تنتقد طريقة اللبس ....اخوك ماجد مع الاسف الذوق صفر ... بس احب الوجيه الحلوة ... مهندس معاه جوال اصفر فاقع لونة ـ اقلك الذوق ماش ـ والافيه رجال يشيل جوال اصفر ... احب السفر ...واحترم واعز القحاطين... اعيش خارج المملكة ..... اخي ال معمر ارجو ان تشرشح لنا ابو الغلا و مخاوي سهيل مثل ما ضحيت فينا ... ومشكور و جزاك الله خير على هذه الفرفشه .. |
انا اقول ان شاء الله يفهمها اخونا صقر و يعزمنا ...ماهي بغريبة على ال مشهور ...
|
السلام عليكم ورحمة الله وبركاته
موضوع من جد أروع من رائع وأنا أضم صوتي لبقية أخواني بتثبيته والله يعطيك ألف عافية أخوي آل معمر ولي طلب أخير اذا سمحتو لي ( أتمنى من كل قلبي أن لا يقتصر تواصلنا على المشاركات والمنتدى أتمنى أن يكون هناك تعارف وتواصل أكبر من ذلك كلنا أخوة وربع وبزيادة المعرفة سيظهر المنتدى بإذن الله من أقوى المنتديات وأشهرها } اعتذر عن الخروج عن صلب الموضوع والمعذرة أخوي آل معمر ولي تعليق عليك أخوي آل معمر بخصوص وصفك لأخي وحبيبي ( فتى الجوة ) وش اللي يثبت لك إن الصورة اللي في توقيعه هي صورته يمكن لهفها من مجلة هههههههههههه أو لواحد من الربع انا صراحة اشك في صورته وما راح اصدق لين اقابله لأني اتوقع انه بمثالثه وعصابته وحالته حاله لا وشاص 79 ومسواك راك وعكة سمن وعشرين راس من التيوس ومسدس ابو محاله ههههههههههه وعلى راسي فتى الجوه لا تزعل من حبيبك |
والله رهيب ماجد
على طول أعترفت بس بصراحة المنسجم نزل على فتى الجوة بقوة فتى الجوة إعترف كم عندك تيوس بس السيارة لا مو شاص عندة مرسيدس تحياتي لكم جميعاً والزعل مرفوع |
السلام عليكم ورحمة الله وبركاته
الأخ العزيز آل معمر ممكن أتخيل شخصية قوية في المنتدى بما أن الزعل مرفوض في هذا الموضوع وهي شخصية المراقب العام فارس قحطان <<<<<<<<<<<<<<<<<< أقوى حرش على المراقبين مدامهم خوالي ماعلي ضلعي قوي فارس قحطان شخص طويل البنية ومربي سكسوكة شابكها مع الشنب ودايم مشخص شخصية الكوبرا ويلبس نظارات شمسية في الليل والنهار وطقم أقلام مستحيل تنزل من مخباه من عيد 1415هـ هخهخهخهخههخه حاول يصير تاجر لاكن ماقدر كل مافتح له محل خسر دبل وثري سيارته مكسيما 99 مظلل القزاز الخلفي فقط ينقطع عن مجالس قحطان بسبب تواجدة في صالات الأسهم مع العلم أن مامعه 10 ألاف ومسوي زحمة للهوامير وكل أسهمة في المكيرش ومتعلق فيها من شهرين وده يبيعها ويرجع فلوسها للرجال اللي تسلفها منه كان عنده أمل أن 10 ألاف تصير 100 الاف لأكن الأن يبغى من العشرة ثمان آلاف ويفتك من الديانه لا بقى نائب المراقب العام لاكن لي عودة <<<<<<<<<<<<<<<<<<<< ليلكم طويل يالمراقبين والعتب على آل معمر هو صاحب الموضوع أما أنا مالي دخل فارس قحطان ياحبي لك <<<<<< يبي يرقعها <<<<<<<<< تحاتي القلبية لك وفارس قحطان أسم على مسمى تقبل ودي وإحتراماتي أيها المراقب العام العزيز القويفل <<<<<<<<<<<<<<< تقبل ودي وإحتراماتي ياحبي لللللللللللللللللللك آل معمر <<<<<<<<<<<<<<<< شكلنا خربناها وأنا أخوك لاكن تعذرلي من الربع تحياتي للجميع <<<<<<<<<<<<< ,والله ماندري وش بيصير شوكررررررررن لكم كلكم |
الأغ الغالي وادي الغلا كل شي ولا رج الببسي :)
بس ما شفتك تخيلت شكل واحد من الأعضاء ترى الأمر طبيعي وخذ راحتك :) الأخ وادي الغلا قصير جدا ومدرس مالك لو ولا عميد هخهخهخه أما الباقي ما أبعدت :) 8 8 8 جاوبتك بصراحه ولكن ما ليش ما تتخيل حدباء قذله <<< محارش هخهخه فتى الجوة ننتظر عودتك :) الأخ ماجد طيب ليش ما تتطوع <<<<< ملقوف هخهخهخهخهخه امزح معاك ولا تجاوب بس ابغى أعلمك أن فيه ناس ملاقيف في الأسئلة مثلي وشرواي :) وبالنسبة للجوال الأصفر فهذه لحالها ما تنبلع هخهخهخهخهخهخهخه ياخي أرجوك غير اللون الأصفر ولو على حسابي لا يصير لأم عيالك حاله نفسيه يعني ضاقت الألوان إلا الأصفر هخهخهخهخه تشوف الجوال في يدك على بعد كيلو هخهخهخهخه وبالنسبة لمخاوي سهيل راح يجيه الدور لا تستعجل :) يشرفني مرورك الكريم :) الأخ المنسجم : يشرفني ذلك وبإذن الله نقابل أكثركم في القريب العاجل :) وبالنسبة لفتى الجوة فراح أنزل صورته الحقيقة في المنتدى لا تستعجل هخهخهخهخه تحياتي لك ولا أنسى أقول للجميع الموضوع هذا للتخيلات كل واحد يمسك أقرب واحد من الأعضاء ويشرشحه ولا مانع من شرشحة اكثر من عضو الأمر طبيعي وكل واحد يأخذ راحته ولمن يطالب بتثبيت الموضوع والله ودي أثبته بس أخاف مستقبلا يقولون هذا المشرف يثبت مواضيعه وش رأيكم هخهخهخه ؟ |
آل معمر شف الرد اللي قبل ردك
تحيتي |
والله انك جبتها عدل يا حدباء قذلة ...ماخفت تنطرد .
عز الله راح فيها ال معمر ... تحياتي |
1 مرفق
مرررررراحب يا المعمر ...
هذا الجوال الفاقع لونه هو ارخص مافي السوق ...وفيه سبب ثاني ...بس ماني معلم ... اما التطوع .... الحمد لله انعم علي ،واعانني باداء الواجبات.... هنا في اليابان اللي يربي ذقن والا شنب يعتبر غير نظيف ووسخ ... |
هلا أخوي حدباء قذله
قرأت ردك السابق وشكلك تبي تنطرد من المنتدى هخهخهخهخخه الاخ ماجد الله يحييك سؤالي كان من باب المزاح ولا انتظر الاجابة مشكووووووووووور وما قصرت |
يا اخي ال معمر ...نمزح ,,,,حياك الله ... بالرد تكون احلى .
|
حياكم الله جمييييييييييييييييييييييييييييييييييع والله مما يسرني ويسعدني ويبعث السرور فيني أخوتكم وتكاتفكم وحبكم لبعضكم وصفاء قلوبكم يازينكم ....ماشاء الله عليكم اخوووووووووووووي المنسجم حياك ربي يالغالي يالذيب صادق فديتك المثالث والشاص وتهريب الاغنام ....هذا هو اللي حاصل من يوم جاء المتصدع في جازان وحنا نهرب الاغنام يالله رحمتك يالله بدل ماكان ...... أصبح حلالنا نهربه .....الله يزينها ....اما الشاص فديتك فكانت 79 صدق ههههههه لكن أصبح المجاهدين يلحقوني وانا اهرب الاغنام فعزمت ان استبدلها بشاص لانقل عنها في العزم الا انها افضل منها وأشوى وهي موديل 90 ههههههههه اما اخوي الغالي ابن الغلا كل الغلا فالبنز اللي معي ما بلا مستاجرها فتى الجوة هههههههههههه واللحين يطالبوني بسداد المبلغ والاغنام اللي في البيت ما فضيت ابيعها كونني محتجز في مبالغ الايجار هههههههههه ..الله يعين =========-----------========-=-----------============----------- ياحبني لكم جميع على العموم اخوي حدباء قذلة والبقية لكم مني فائق الاحترام على التواصل في هالموضوع الرائع اما اخوي الغالي المعمري فانا اعتقد انه انسان يملك من الثقافة محزون كبير وانه موظف في احد الوظائف التعليمية ممكن معلم حاسب آلي ....قلبه ابيض والكشف الصحي بيجيبه معه ....مايجامل اللي في قلبه على لسانه يحب الخير ...يسكن في جوف آل معمر معاه كامري 2002 اللون ابيض رقم اللوحة اب ت 123 يملك يحب شبة الضوء والعلوم السفرة ................ ======================****************========= اما اخوي الغالي المنسجم فهو شخص طيب من ديارنا ذيك من حول السراة وتحديداً من زهرة بني بشر ولا الزاوية ولا من الصقر ...متغرب عن الديرة بسبب العمل وهو يعمل في الرياض على ما اضن ومفارق للديرة ولشبابها ....هادي رومنسي منسجم يحب الاطلاع على كل شيء جديد في مجال الشباب ويحب يلعب كرة القدم إذا وجد الفريق المناسب وان لم يجد فريق مناسب يذهب لصالات الترفيه ويلعب بلستيشن وحريف في البلستيشن .....سيارته هونداي اللون احمر يحب الشرقية وااااااااااااااااااجد والخبر خاص مدري اش عنده بالخبر بالذات http://www.al-molatham.net/p2/w/33.gif |
هاني الصقر ...انا اتوقع انه ذو جسم كبير ـ ما شاء الله ـ شكله ملتحي مخفف الشنب ....احيانا يلبس ثوب شويه قصير ...يعيش قصة حب ...بس الله اعلم معطيتة ـ هارد تايم ـ عشان كدا يغيييييب و يغيييييب و يطلع ...... يغيييييب ,,,,, الخ.
يحب المشويات والطعمية .... ومشتاق للمندي..... شكلة عصبي ....بس قلبة طيب ....يحب الحاجات الحلوة ... يقضي بعض الوقت بالقهوة بين الشيبان . يحب الرياضة بس زيادة الوزن تخليه يهوون ....عنده سيكل |
الله أكبر عليك يا فتى الجوة حتى رقم اللوحة طلعته
أنت خطير من جد شكلك دبوس في المباحث هخهخهخهخه على فكرة كل المعلومات اللي ذكرتها غير صحيحة إلا معلومة واحدة فقط وهي : أن قلبي أبيض هذه أنا معاك فيها وأبصم لك بالعشر <<<<< نصاب هخهخهخهخه |
اقتباس:
ثانياُ: صدقت والله المهايطة هذي هوايتي المفضلة اقتباس:
اقتباس:
اقتباس:
على الجوال 0555555555 وسأكون له من الشاكرين <<<<< يلعن أبو الفقش خهخهخهخه <<< سارق ضحكة آل معمر اقتباس:
(( مشكوور على المدح }} بس إذا رجعت من رحلتي مع الملك عبدالله فأبشر نعزمكم كلكم في القصور حقتي إلي تختارونها ،، هويش تبغون أكثر من كذا {{{{{ بيني وبينكم والله إن ودي أعزم كل واحد عزيمة خاصة ،،، لأن معزتكم عندي غالية بس القرنقش }}}... ================================================== = ملاحظة / راجعلكم وياحليله إلي أوصفة ... تحياتي لشخصكم الكريم |
عزيزي الكريم ال معمر انت ما قصرت على الفكره لكن اذا انت ذيب اعرف مواصفاتي واذا عرفت 50% فأنت100% والكن اتحدى واذا عرفت فانشهد ان في الرد الجاي اني لعطيك ا\هل هو صحيح والا الا امانه
وشكر على المشاركه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظظظظظظظظظظظ |
اقتباس:
أولا / أجمل تحية وتقدير وشكر لحبيبي ( آل معمــــــر ) لاختيارة موضوع في غاية الروعة ثانياً / أخي وحبيبي فتى الجوة حقيقة أصبت وأخطأت في نفس الوقت وباختصار أنا ما ني من زهرة بني بشر ولا من الزاوية ولا من صقر أنا من صبيان آل حامي أعمل في الرياض ( قطاع خاص ) ياحظي مشتاق للديرة ولشبابها ولجوها أما هادي كثر منها لا ورومنسي بعد هههههههههههههههه نرجع للطامة كرة القدم والبلايستيشن أخوك حرييف والله ماعهدي بالكورة إلا أيام الثانوي والبلايستيشن لعبته مرة ولا فكيته الا واصبعي قلب لونها صارت سوداء هههههههههه كرهته من ذاك اليوم الا اليوم السيارة عفواً ما هي هونداي نجي للنقطة الحاسمة انت وش دراك بالشرقية وخاصة الخبر ياللعلة والله ان شكلك دبوووووووووس على قولة أخوي آل معمر وبعدين ان كان الشاص للبيع ترى فيه شيك مفتوح واتمنى تنزل صوره ومواصفاته والعداد كم ماشي أهم شي وسومته المهم كل شي عنه واعرضه في المنتدى واعلى سعر عطني خبر . مشكوووووووووور وما قصرت ولك خالص احترامي |
الله يهديك يا ماجد .. اقتربت كثييييييييييييييييييييييرا ً من الوصف .. سبحان ربي كأنك تراني ..
بصراحة .. كنت متخوف أن يصفتي آل معمر .. ( لأنه وصفه صعب جدا ً هههههههههه الله يهديه ) .. وفرحت كثيرا ً حينما وصفتني أنت يا حبيب .. أخي الحبيب ماجد .. كل ما قلته صحيح .. إلا أني لست بتلك الضخامة .. و أضيف .. أنا و لله الحمد و المنة .. ملتحي .. لا أقص منها شعرة .. و أفخر بذلك .. و لكن .. لون شعري و لحيتي .. ( أحمر ) .. وما عندي سيكل أخي الكريم .. أما حكاية قصة الحب هذه ... ليت الأمر كما تقول ... الأمر غير ذلك أخي الحبيب ... العكس تماما ً .. المشاكل كثيرة .. و الصدمات قاسية .. و أتمنى من الله أن يرفع عني الهموم و الغموم .. جزاك ربي الجنة أخي الغاااااااااااااااااااالي ماجد ... و الذي أحبه كثيرا ً .. ـــــــــــــــ أخي الغالي ماجد .. همسة في أذنك من محب لك و الله .. و خائف عليك .. أطلق لحيتك .. و لا تبالي بشعب كافر .. فاللحية ستنفعك يوم القيامة .. أما هؤلاء فسيندمون أشد الندم على إعتبارهم إياها وسخا ً و العياذ بالله ... سيندمون كثيرا ً جدا ً . و اعلم يا غالي .. أنها ليست من المظاهر .. بل هي من أوجب الواجبات .. و حرام حلقها .. أخي الحبيب .. أغضب كل البشر و لا تبالي .. حينها سيرضى عنك رب البشر .. و سيرضيهم عنك .. والله العظيم هذه حقيقة ... وفقك الله و أعانك و رعاك .. و بإذن الله .. أنتظر منك خبر إطلاقك اللحية .. بل و دخول بعض اليابانيين الإسلام بسببك بإذن الله ... غفر الله لنا و لك .. و السلام عليكم ورحمة الله وبركاته |
حياكم الله جميييييييييييييييييييع
ووفقكم الله جمييييييييييييييع وحمداً لله على سلامتكم جميييييع اخوي المنسجم سررتني بردك الجميل يا اغلى المنسجمين تقبل ودي وانتظر هديتي لك والسيارة في الطريق عادني اضبط فيها على شان تجيب لي قيمة على فكرة حد بيشتري من المثالث والجنبية انا اسمع ان فيه مزايدات في النت خيالية ==================----------------------------------=============== ودكم تسمعون صوتي http://www.qahtaan.com/vb/showthread...2368#post82368 |
| الساعة الآن 04:03 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com