حنا قحاطين يجيكم خبرها
 

قصيدة للأستاذ الشاعر / غانم بن هادي ال سليمان الحرقان يفتخر فيها بقبيلة قحطان ويرد فيها على من سأله عن هذه القبيله يقول فيها:

[poem=font="Simplified Arabic,4,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
ياناشد عنا ترانا هل الجود = حنا قحاطين يجيكم خبرها

قبيلة للدين فرسان وجنود = من خلقت الدنيا وهذي سيرها

كسابة الناموس والسلم محمود = واصل الشجاعة ورثها من كبرها

لي ثارت الهيجاء ببارود وزنود = وارتزت المهرة ومست ظهرها

قوم تسبل ليزهم وانتخى العود= لي غيم البارود زود خطرها

قبيلة وافخوذها باربع بدود = من الجنوب الى الحسا ذي ديرها

منهم بني هاجر الى ثار بارود = وان ثارت العجه وطارت غترها

وان جاء نهار فيه طارد ومطرود = تثمر فعايلها ويبدي قمرها

وجحادر من عادة أسلاف وجدود = دهاة قوم مايخالف نظرها

جموعهم كنها صواعيق ورعود = تمشي سراياها وربي نصرها

أما الحباب اللي لنا رسم وحدود = ومسجلين طيبها في سطرها

سباع في وصف الرجاجيل وفهود = نار تلظى من لهايب سعرها

حرابهم من يمة الشرق مضهود = كل العرب تدري بها من ظفرها

وربعي عبيدة مقضب السيف مهنود = أمواج رعب صافقه في بحرها

اليا أقبلت كنها سراحين واوسود = الليل الاظلم ينجلي من سفرها

حرابهم بالغبن والذل مضهود = كم عايل يطمع بها ماقدرها

اللي على الجيران نوار وورود = دون الدخيل مولمين سبرها

هذي قبايلنا على ثبت وشهود = يشهد لها تاريخها اللي ذكرها[/poem]

بيض الله وجهك


على النقل

ولك سلامي

صح السان الشاعر والباحث غانم بن هادي " ابو سعود "

والاستاذ غانم معنا في الموقع وله عده مواضيع مميزه


ولاهنت يا ابو سعد على النقل

صح لساااااااااااااااااااااانه



وعلا شااااااااااااااااااااانه



جعلني والله ما اعدمك يا ابا هادي

وسلمت يمناك على النقل يالغالي

بيض الله وجهك يابوسعد والله انا ادور هدي القصيده من فتره وجبتها ياوافي

ا السلام عليكم ورحمة الله وبركاته
الله لا يهينك يابو سعد و مشكور

اشكرك على هذي القصيدة الرائعه من رائع



اخوك فــــــــــــــــــــــــــــرايق الرفيدي

صحت يمناك على النقل وصح لسان الشاعر
اخوك ابن نورة

بيض الله وجهك يانايف
وتسلم يمناك
وصح لسان شاعرها

لاهنت يا نايف بن سعد ... على النقل المميز ... وصح لسان الشاعر غانم بن هادي الحرقي ...

بيض الـله وجهك


يالـــــــــــــــــــــقرم


وصح لسان الشـــــــــــــــاعر





اخوك ذيــــب ال سلمان

×?°(نايف) اسم كلن وده به والنايف بمعنى العالي ها وعلي مثل امي ان كاني قد كذبت انك

نايف وعالي شانك عندي

والله يبيض وجهك

(وصح لسان الشاعر وبيض الله وجهه)


( وعانك الللللللللللللللللللللللللللللللله على لخرى يا نايف )


اخوك الغالي×?°

لاهنت الله يعطيك العافيه وصح لسان الشاعر قصيده وافيه


تقبل تحياتي


عبدالله الفهري

الله لا يهينك
يابن ملفي

وصح لسان الشاعر

بيض الله وجهك يابوسعد


على هذه القصيده الكافيه والشافيه
وابحث عنها لي سنه وجبتها جعل عمرك مايقصر

الاخ // نايف ---- كثر الله خيرك على هذا النقل المميز

اما شاعرنا ------ فهو انشاء الله من الوجوه الغانمه ------------- وقد اجاد في هذه القصيده ----- وبيض الله وجه

ونطمح في المزيد

سلمت على النقل الرائع




وصح لسان الشاعر الوافي

صح السان وراردها والسان قايلها


لاهنت يالاجودي

صح لسانك